ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓞꓲꓼ ꓤꓳ ꓟ ꓞꓳ ꓡꓯ. ꓐꓴ ꓮ ꓟꓬ, ꓟꓯꓼ ꓢꓰꓼ ꓡꓯꓽ ꓘꓳꓼ ꓔꓬ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓫ. ꓟꓬ ꓫ. ꓢꓲ ꓠꓬꓲ ꓫꓵꓻ ꓔꓬ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓞꓲꓼ ꓤꓳ ꓟ ꓞꓳ ꓡꓯ. ꓐꓴ ꓮ ꓟꓬ, ꓟꓯꓼ ꓢꓰꓼ ꓡꓯꓽ ꓘꓳꓼ ꓔꓬ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓫ. ꓟꓬ ꓫ. ꓢꓲ ꓠꓬꓲ ꓫꓵꓻ ꓔꓬ ꓟ ꓓꓳꓽ

3 ꓦ ꓟ 13 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓞꓳ ꓣꓳ ꓟ ꓞꓳ ꓡꓱ ꓞꓳ  ꓡꓯ. ꓐꓴ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟ. ꓟꓬ, ꓫ. ꓢꓲ ꓠꓬꓲ ꓫꓵꓻ ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓛꓳ ꓡ ꓢꓴ ꓐꓴ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓕꓲ ꓪ ꓪꓽ ꓘꓴˍ ꓟ ꓙꓵ, ꓔꓯ ꓕꓱ ꓡꓰ ꓫ. ꓕꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓮ  ꓟꓶ ꓟ ꓙꓵ, ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓗꓴꓷꓼ ꓗꓪ ꓔꓬ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓐꓱ ꓶ ꓓꓴ ꓙ ꓢꓲ ꓠꓬꓲ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓐꓯ ꓔ ꓡꓳ꓿ꓔꓲꓺ ꓒ ꓪ ꓔꓲ ꓡꓰ ꓜ ꓚꓲ. ꓚꓲ ꓟ ꓙꓵ, ꓗꓪ ꓥ ꓟꓲ ꓙꓲ‐ꓢꓴ ꓢꓲꓺ ꓤ ꓐꓴ ꓙꓲˍ ꓟ ꓟꓬꓱꓽ ꓮ  ꓟꓬ, ꓬꓰ ꓠ, ꓟ ꓐꓰ ꓜ ꓚꓲ. ꓚꓲ. ꓢꓲ ꓠꓬꓲ ꓪꓽ ꓘꓴ ꓠ, ꓟ ꓐꓰ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓗꓴꓷꓼ ꓮ ꓙꓵꓽ ꓐꓱ ꓶ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓐꓯ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓴꓗꓣꓮꓲꓠꓰ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓠ, ꓟ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓣꓳꓢꓮꓣꓬ ꓪꓽ ꓘꓴ ꓔꓬ ꓟ ꓟꓯꓽ ꓒꓽ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ ꓔꓯ ꓐꓯ ꓟ. ꓖꓶ ꓟ ꓥ ꓡꓳ꓿ ꓕꓱ ꓟꓯ ꓒꓽ ꓠꓬ ꓣꓳꓢꓮꓣꓬ ꓪꓽ ꓘꓴ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓵꓻ ꓔꓬ ꓟ ꓙꓵ, ꓕꓯ ꓞꓳ ꓡꓱ. ꓤ ꓟꓯ ꓒꓽ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓟꓶ ꓢꓰꓼ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓣꓳ ꓮ ꓙꓵꓽ ꓢꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓠ, ꓟ ꓐꓯ ꓔ ꓡꓳ꓿ ꓪꓽ ꓘꓴ ꓟ ꓠꓬꓲ ꓟꓽ ꓙꓲ ꓟ ꓟꓬꓱꓽ ꓔꓯ ꓮ ꓕꓯ ꓥ ꓟꓲ ꓗꓽ ꓕꓽ ꓠ, ꓟ ꓐꓯ ꓔ ꓡꓳ ꓐꓰ (Vatican news) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿