ꓔꓲꓺ ꓒ ꓪ ꓔꓲ Francis ꓡꓰ ꓜ ꓓꓴ ꓟꓽ ꓙꓳ ꓦꓰ ꓟꓷꓼ ꓔꓬ ꓢꓴ ꓐꓴ ꓔꓯ ꓜ ꓓꓴ ꓡꓳ ꓗꓷ ꓟ ꓜ ꓫꓵꓽ ꓗꓪ ꓐꓰ ꓖꓶ ꓜꓽ ꓢꓲ ꓠꓬꓲ ꓦꓰ. ꓟꓷꓼ ꓢꓴ ꓟꓽ ꓙꓳ ꓠ, ꓟ ꓬꓰ ꓠ, ꓟ ꓐꓯ ꓔ ꓟ (Use food waste to feed the hungry - Pope Francis

ꓔꓲꓺ ꓒ ꓪ ꓔꓲ Francis ꓡꓰ ꓜ ꓓꓴ ꓟꓽ ꓙꓳ ꓦꓰ ꓟꓷꓼ ꓔꓬ ꓢꓴ ꓐꓴ ꓔꓯ ꓜ ꓓꓴ ꓡꓳ ꓗꓷ ꓟ ꓜ ꓫꓵꓽ ꓗꓪ ꓐꓰ  ꓖꓶ ꓜꓽ  ꓢꓲ ꓠꓬꓲ ꓦꓰ. ꓟꓷꓼ ꓢꓴ ꓟꓽ ꓙꓳ ꓠ, ꓟ ꓬꓰ ꓠ, ꓟ ꓐꓯ ꓔ ꓟ (Pope Francis )

ꓔꓲꓺ ꓒ ꓪ ꓔꓲ ꓡꓰ ꓟꓵ ꓘꓳ ꓓꓵ ꓓꓵ ꓗꓪ ꓟꓲ ꓠꓯ ꓡ ꓞꓳ ꓮ ꓙꓵꓽ ꓡꓰ ꓡꓳꓻ ꓗꓷ ꓟ ꓣꓱ ꓫꓵꓽ ꓣꓱ ꓙꓵꓽ ꓮ ꓟꓬ, ꓗꓪ ꓐꓰ ꓑꓶ. ꓛꓲꓽ ꓐꓱ ꓔꓯ ꓟꓽ ꓙꓳ ꓠ, ꓟ ꓢꓯꓼ ꓕꓵꓼ ꓟ ꓕꓯ ꓢꓲ ꓜ ꓓꓴ ꓟꓽ ꓙꓳ ꓦꓰ. ꓟꓷꓼ ꓔꓬ ꓢꓴ ꓐꓴ ꓟꓽ ꓙꓳ ꓠ, ꓟ ꓢꓯꓼ ꓕꓵꓼ ꓠ, ꓟ  ꓞꓼ ꓞꓼ ꓬꓰ ꓠ, ꓟ ꓐꓯ ꓗꓷ ꓟ ꓥ ꓡꓳ꓿ ꓟꓵꓽ ꓗꓳ ꓓꓵ ꓓꓵ ꓔꓶ ꓫꓵꓽ ꓔꓶ ꓢꓴ ꓙꓵꓽ ꓔꓲ ꓢꓴ ꓠꓯ, ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓜꓲꓼ ꓡꓯ ꓘꓳ, ꓟ (47) ꓧꓪ, ꓟ ꓖꓪ ꓙꓱ ꓜꓲꓼ ꓓꓴ (ꓲꓝꓮꓓ) ꓖꓪ ꓙꓱ ꓜꓲꓼ ꓓꓴ ꓗꓪ ꓜꓽ ꓫꓵꓽ ꓓꓳꓻ ꓫꓵꓽ ꓐꓴ ꓔꓯ ꓟꓲ ꓠꓯ ꓡ ꓞꓳ ꓐꓴ ꓡꓰ ꓮ ꓡꓰ ꓐꓰ ꓐꓬ ꓡꓰ ꓝꓲ ꓟ ꓔꓯ ꓟꓳ. ꓐꓯ ꓔ ꓟ ꓥ ꓡꓳ꓿

ꓕꓲ ꓒꓳ, ꓗꓪ ꓠꓬ ꓡ ꓞꓳ ꓮ ꓟꓬ, ꓜ ꓓꓴ ꓟꓽ ꓙꓳ ꓢꓲ ꓠꓬꓲ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓐꓰ ꓕꓲ ꓒꓳ, ꓗꓪ ꓠꓬ ꓜ ꓓꓴ ꓔꓯ ꓐꓬ ꓡꓰ ꓝꓲ ꓟ ꓬꓲ ꓒꓵꓽ ꓟꓽ ꓙꓳ ꓪ ꓡꓰ ꓬꓰ ꓔꓬ ꓟ ꓚꓱ, ꓔꓯ ꓟꓳ. ꓖꓶ ꓟ ꓥ ꓡꓳ꓿ ꓟꓲ ꓠꓯ ꓠꓬ ꓫ. ꓢꓴ ꓐꓴ ꓔꓬ ꓟ ꓗꓴꓷꓼ ꓔꓯ ꓖꓶ ꓟ ꓜ ꓓꓴ ꓓꓳꓻ ꓓꓴ ꓔꓯ ꓟꓽ ꓖꓶ ꓟ ꓙꓵ, ꓕꓯ ꓪꓽ ꓚꓲ ꓪꓽ ꓐ ꓗꓪ ꓔꓬ ꓟ ꓡ ꓞꓳ ꓐꓴ ꓐꓰ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓟꓬ, ꓛꓲ ꓫ. ꓔꓬ ꓟ ꓚꓱ, ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓥ7 ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓡꓳ ꓒꓱ ꓗꓪ ꓐꓰ ꓶꓻ ꓤ ꓟ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓠꓵꓻ ꓠꓲ, ꓗꓪ ꓐꓰ ꓬꓰ ꓙ ꓔꓳ ꓙ ꓠ, ꓟ ꓐꓰ ꓟꓵꓽ ꓗꓪ ꓙꓳ ꓟ ꓢꓲ ꓜꓲ ꓡꓳ ꓜꓲ ꓔꓯ ꓥ ꓟꓲ ꓒꓵꓽ ꓠꓲ, ꓗꓪ ꓐꓰ ꓣꓱ ꓖꓴ ꓠ, ꓟ ꓢꓷ. ꓠꓲ, ꓚꓳ ꓬꓲ ꓟ. ꓖꓶ ꓠ, ꓟ ꓐꓯ ꓔ ꓡꓳ꓿ꓝꓮꓲ ꓟꓵꓽ ꓘꓳꓼ ꓒꓳ, ꓡ ꓟ ꓐꓰ ꓟꓵꓽ ꓗꓪ ꓙꓳ ꓟ ꓒꓵꓽ ꓫꓵꓽ ꓒꓵꓽ ꓙꓱ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓣꓱ ꓔꓯ ꓙꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓓꓴ ꓔꓳ, ꓜꓳ ꓡꓰ ꓟ ꓚꓱ, ꓔꓯ ꓥ ꓟꓲ ꓐꓯ ꓔ ꓡꓳ꓿ ꓝꓮꓲ ꓔꓲꓺꓒ ꓪ ꓔꓲ ꓡꓰ ꓟꓲ ꓠꓯ ꓡ ꓞꓳ ꓮ ꓙꓵꓽ ꓪꓽ ꓙꓵꓽ ꓙꓳ ꓟ ꓔꓯ ꓒꓵꓽ ꓠ, ꓟ ꓝꓮꓲ ꓦꓰ. ꓟꓷꓼ ꓢꓴ ꓟꓽ ꓙꓳ ꓠ, ꓟ ꓐ ꓡ ꓟ ꓕꓲ ꓒꓳ, ꓗꓪ ꓐꓰ ꓢꓯꓼ ꓕꓵꓼ ꓔꓬ ꓟ (IFAD) ꓜꓴꓻ ꓔꓯ ꓥ ꓟꓲ ꓫ. ꓟꓳ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿ (ꓲꓝꓮꓓ) ꓜꓴꓻ ꓠꓬ (1978)  ꓟꓲ ꓠꓯ ꓡ ꓞꓳ ꓮ ꓙꓵꓽ ꓫ ꓓꓴ ꓓꓳꓻ ꓓꓴ ꓟꓽ ꓙꓳ ꓢꓴ ꓐꓴ ꓔꓯ ꓬꓰ ꓔꓬ ꓢꓴ ꓜꓴꓻ ꓥ ꓡꓳ ꓐꓰ Vatican News ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿