ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓬꓯ‐ꓢꓷ‐ꓡꓲ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯꓼ ꓐꓴ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓐꓰ ꓐꓯ ꓔ ꓟ ꓓꓳꓽ (Vatican news)

Monday, March 04, 2024

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓬꓯ‐ꓢꓷ‐ꓡꓲ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯꓼ ꓐꓴ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓐꓰ ꓐꓯ ꓔ ꓟ ꓓꓳꓽ

3 ꓦ ꓟ 4 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰ ꓬꓯ‐ꓢꓷ‐ꓡꓲ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯꓼ ꓐꓴ ꓚꓴ ꓙꓳ ꓟ ꓪꓴ. ꓠꓬꓲ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓔꓬ ꓫ. ꓓꓴ ꓐꓰ ꓜ ꓓꓴ ꓓꓳ ꓓꓴ ꓟꓽ ꓙꓳ ꓗꓷ ꓔꓬ ꓟ ꓪꓴ. ꓠꓬꓲ ꓕꓱ ꓢꓰꓼ ꓡꓯ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓓꓰꓽ ꓔ ꓟ ꓥ ꓡꓳ꓿

ꓖ‐ꓜ ꓟꓵꓽ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓢꓯꓼ ꓟꓬ ꓟꓶ ꓡꓰ ꓢꓲ ꓠꓬꓲ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓮ ꓘꓶ. ꓛꓲ ꓔꓬ ꓫ. ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓕꓱ ꓟꓽ ꓙꓲ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓐꓰ ꓤ ꓠꓱ ꓤ ꓐꓴ ꓛꓲ ꓡ ꓟ ꓤꓶꓻ ꓔꓯ ꓟꓳ ꓮ ꓘꓶ. ꓛꓲ ꓓꓵ ꓙ ꓫ. ꓓꓴ ꓒꓬꓱꓼ ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓱ‐ꓣꓴ‐ꓢ‐ꓡꓱ ꓗꓪ ꓐꓰ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓐꓴ ꓡꓰ ꓥ ꓟꓲ ꓢꓰꓼ ꓡꓯ ꓘꓳ ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓐꓯ ꓔ ꓟ ꓥ ꓡꓳ꓿

ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓫ. ꓓꓴ ꓟꓷꓽ ꓢꓴ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓔꓯ ꓬꓯ‐ꓢꓷ‐ꓡꓲ ꓟꓯꓼ ꓐꓴ ꓡꓰ ꓡ ꓚꓴ. ꓑꓳ ꓗꓪ ꓐꓰ ꓑꓶ. ꓩꓴ ꓡ ꓪꓴ. ꓠꓬꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿ꓔꓲꓺꓒ ꓪ ꓔꓲ ꓠꓬ ꓖ‐ꓜ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓖꓪ ꓙꓱ ꓡꓯꓽ ꓘꓳ ꓢꓲ ꓠꓬꓲ ꓠꓽ ꓗꓷ ꓠ, ꓟ ꓐꓰ ꓝꓴꓲ ꓟꓽ ꓙꓲ ꓟ ꓑ ꓫꓬ ꓐꓴ ꓔꓯ ꓡꓲꓻ ꓖꓶ ꓠ, ꓟ ꓥ ꓟꓲ ꓐꓯ ꓔ ꓟ ꓥ ꓡꓳ꓿ ꓟꓯꓼ ꓢꓰꓼ ꓡꓯ ꓘꓳ, ꓔꓬ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓐꓴ ꓑ ꓫꓬ ꓐꓴ ꓐꓱ ꓶ ꓴꓢꓯ ꓗꓴꓷꓼ ꓥ ꓟꓲ ꓜ ꓓꓴ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓴꓗꓣꓮꓲ ꓗꓴꓷꓼ ꓗꓪ ꓥ ꓟꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓟ ꓪꓴ. ꓠꓬꓲ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓕꓱ ꓡꓱ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓠꓬ ꓮ ꓘꓶ. ꓛꓲ ꓓꓵ ꓟ ꓫ. ꓐꓰ ꓣꓳ ꓟꓲ ꓠꓯ ꓡ ꓞꓳ ꓮ ꓙꓵꓽ ꓥ ꓟꓲ ꓪꓽ ꓘꓴ ꓙ ꓠ, ꓟ ꓐꓯ ꓔ ꓡꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿