ꓔꓲꓺ ꓒ ꓪ ꓔꓲ ꓠꓬ ꓬꓲ ꓛꓳ ꓒꓯ, ꓠ.,_ ꓟ ꓔꓯ Mexico ꓠꓯ., ꓞꓲꓼ ꓡꓰ ꓫꓬ, ꓓꓴ ꓥꓳ ꓐꓰ ꓐꓯˍ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓠꓬ ꓬꓲ ꓛꓳ ꓒꓯ, ꓠ.,_ ꓟ ꓔꓯ Mexico ꓠꓯ., ꓞꓲꓼ ꓡꓰ ꓫꓬ, ꓓꓴ ꓥꓳ ꓐꓰ ꓐꓯˍ ꓟ ꓓꓳꓽ

5 ꓦ ꓟ 18 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓔꓯ ꓔꓲꓺ ꓒ ꓕꓲ ꓣꓳ ꓡꓰ ꓬꓲ ꓛꓳ ꓒꓯ, ꓠꓻ_ ꓟ ꓚꓱ, ꓔꓯ ꓠꓽ ꓠꓬꓲˍ ꓕꓯ ꓔꓲꓺ ꓒ ꓪ ꓔꓲ ꓡꓰ Mexico ꓗꓴꓷꓼ ꓗꓪ ꓐꓰ ꓡ ꓟ ꓠꓯ., ꓞꓲꓼ ꓡꓰ ꓫꓬ, ꓓꓴ ꓥꓳ ꓐꓰ ꓪꓽ ꓫꓱ, ꓢꓲ ꓠꓬꓲ ꓫ. ꓕꓱ ꓖꓶ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓛꓳ ꓒꓯ, ꓠꓻ ꓔꓬ ꓟ ꓑꓶ. ꓓꓴ ꓙꓰ ꓖꓴ ꓟꓽ ꓫꓱ ꓠ, ꓟ ꓠꓯꓼ ꓞꓲꓼ ꓟ. ꓒ ꓓꓽ ꓐꓴ ꓡꓰ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓛꓳ ꓒꓯ, ꓠꓻ ꓔꓬ ꓥ ꓟꓲ ꓪꓴ‐ꓢ ꓟꓬꓱꓽ ꓔꓯ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿ ꓔꓲꓺ ꓒ  ꓪ ꓔꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓲ ꓐꓱ ꓶ ꓪꓽ ꓘꓴ ꓙ ꓠ, ꓟ ꓓꓰꓽ ꓗꓷꓳ ꓡꓳ꓿ ꓔꓲꓺ ꓒ ꓪ ꓔꓲ ꓔꓯ ꓛꓳ ꓒꓯ, ꓠꓻ ꓟ ꓚꓱ, ꓔꓯ  ꓠ ꓠꓬꓲ ꓢꓴ ꓔꓲꓺ ꓒ ꓔꓯ ꓔꓲꓺ ꓒ ꓪ ꓔꓲ ꓔꓬ ꓟ ꓦꓲꓻ ꓗꓪ ꓗ, ꓡ ꓠꓬꓲ Mexico ꓠꓯ., ꓞꓲꓼ ꓖꓶ ꓓꓴ ꓥꓳ ꓐꓰ ꓐꓯ ꓖꓶ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓕꓯ ꓥ ꓟꓲ ꓢꓯꓼ ꓖꓶ ꓔꓬ ꓟ ꓥ ꓡꓳ꓿