ꓔꓲꓺ ꓒ ꓪ ꓔꓲ Francis ꓡꓰ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓡꓯ ꓒꓯ, ꓝ ꓔ ꓟ ꓠꓬ ꓡꓲꓽ ꓒꓲꓼ ꓟꓽ ꓥ꓾ ꓪꓴ‐ꓢ ꓡꓰ ꓖꓶ ꓔ ꓟ ꓡꓯ ꓫꓴꓻ ꓥ ꓡꓳ ꓐꓰ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓡꓰ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓡꓯ ꓒꓯ, ꓝ ꓔ ꓟ ꓠꓬ ꓡꓲꓽ ꓒꓲꓼ ꓟꓽ ꓥ꓾ ꓪꓴ‐ꓢ ꓡꓰ ꓖꓶ ꓔ ꓟ ꓡꓯ ꓫꓴꓻ ꓥ ꓡꓳ ꓐꓰ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis  ꓠꓬ 7 ꓦ 6 ꓠꓬꓲ 2022 ꓘꓳꓼ ꓕꓯ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓡꓯ ꓒꓯ, ꓝ ꓔ ꓟ ꓠꓬ ꓡꓲꓽ ꓒꓲꓼ ꓟꓽ ꓥ ꓪꓴ‐ꓢ ꓡꓰ ꓖꓶ ꓔ ꓟ ꓡꓯ ꓫꓴꓻ ꓥ ꓡꓳ ꓐꓰ ꓐꓯ 2022 ꓘꓳꓼ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓔꓬ ꓟ ꓦꓲꓻ ꓘꓴꓽ ꓜꓲꓼ ꓡꓯ ꓘꓳ ꓑꓮꓲ ꓓꓽ ꓟ  ꓗꓪ ꓐꓯ ꓗꓷꓳ꓿ ꓡꓯ ꓒꓯ, ꓝ ꓔ ꓟ ꓠꓬ ꓭ ꓛꓲ ꓡꓰ ꓐꓰ ꓤꓰꓻ ꓟ ꓪꓴ‐ꓢ ꓠꓵꓻ ꓠꓲ, ꓥ ꓡꓳ ꓐꓰ ꓐꓯ ꓔ ꓡꓳ꓿ꓤ ꓑ ꓤ ꓕꓲ ꓣꓳ ꓐꓰ ꓤ ꓟꓶ ꓤ ꓕꓲ ꓣꓳ ꓠꓲ, ꓠꓵ ꓡꓯ ꓘꓳˍ ꓕꓯ ꓪꓴ‐ꓢ ꓡꓰ ꓡꓯ ꓒꓯ, ꓝ ꓔ ꓟ ꓡꓯ ꓫꓴꓻ ꓔꓯ ꓖꓶ ꓔ ꓟ ꓥ ꓡꓳ꓿ ꓖꓳ ꓡꓱ ꓥ  ꓟ ꓪꓴ. ꓠꓬꓲ ꓪꓴ‐ꓢ ꓖꓶ ꓔ ꓟ ꓡꓯ ꓫꓴꓻ ꓠꓬ ꓮ ꓘꓶ. ꓒꓵꓽˍ ꓟ ꓡꓯ  ꓫꓴꓻ ꓥ ꓟ ꓑꓶ. ꓓꓴ ꓕꓲ ꓦꓲꓻ ꓘꓴꓽ ꓗꓪ ꓫ. ꓓꓴ ꓔꓳ, ꓜꓳ ꓡ ꓟ ꓙꓵ, ꓗꓪ ꓪꓴ‐ꓢ ꓔꓯ ꓪꓽ ꓘꓴ ꓢꓲ ꓠꓬꓲ ꓙ ꓫꓱꓽ ꓠ, ꓟ ꓐꓯ ꓖꓶ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓕꓲ ꓟꓲ ꓠꓯ ꓡꓱꓸꓼ ꓦꓲꓻ ꓘꓴꓽ ꓜꓲꓼ ꓑꓮꓲ ꓓꓽ ꓟ ꓗꓪ  ꓙꓲ‐ꓢꓴ ꓢꓲꓺ ꓤ (2000) ꓣꓳ ꓜꓲꓼ ꓡ ꓟ ꓑꓮꓲ ꓗꓪ ꓫ. ꓕꓱ ꓗꓷ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓖꓶ ꓔ ꓟ ꓡꓯ ꓒꓯ, ꓝ ꓠ, ꓟ ꓢ‐ꓗ‐ꓣ‐ꓟꓰ‐ꓔꓴ ꓣꓱ ꓛꓱ ꓡꓯ ꓫꓴꓻ ꓘꓳ, ꓣꓴ ꓟꓶ ꓢꓴ ꓐꓴ ꓠꓬ ꓕꓲ ꓦꓲꓻ ꓘꓴꓽ ꓗꓪ ꓢꓲ ꓒꓽ ꓬꓰ‐ꓢꓴ ꓐꓰ ꓕꓲ ꓪ ꓙ ꓫꓱꓽ ꓠ, ꓟ ꓐꓯ ꓖꓶ ꓔ ꓡꓳ꓿