ꓕ‐ꓠꓮꓲ ꓐꓰ ꓟꓮꓲ‐ꓘꓴ ꓙꓻ ꓖꓴ ꓠꓬ ꓟꓲꓽ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓐꓬ ꓡꓰ ꓟ ꓔꓯ ꓞꓼ ꓞꓼ ꓫꓬ, ꓖꓶ ꓡ ꓠ, ꓟ ꓓꓰꓽ ꓔ ꓟ

ꓕ‐ꓠꓮꓲ ꓐꓰ ꓟꓮꓲ‐ꓘꓴ ꓙꓻ ꓖꓴ ꓠꓬ ꓟꓲꓽ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓐꓬ ꓡꓰ ꓟ ꓔꓯ ꓞꓼ ꓞꓼ ꓫꓬ, ꓖꓶ ꓡ ꓠ, ꓟ ꓓꓰꓽ ꓔ ꓟ

8 ꓦ ꓟ 26 ꓠꓬꓲ 2023 ꓘꓳꓼ ꓕꓯ ꓕ‐ꓠꓮꓲ ꓐꓰ ꓟꓮꓲ‐ꓘꓴ ꓙꓻ ꓖꓴ ꓠꓬ ꓟꓲꓽ ꓦꓻ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓐꓬ ꓔꓬ ꓟ ꓔꓯ ꓑ ꓫꓬ ꓐꓴ ꓡꓰ ꓞꓼ ꓞꓼ ꓫꓬ, ꓖꓶ ꓡ ꓠ, ꓟ ꓓꓰꓽ ꓔ ꓡꓳ꓿ꓕꓱ ꓙ ꓖꓴ ꓠꓬ ꓟꓲ ꓦꓻ ꓮ ꓟꓬ ꓦꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙꓰ ꓟꓽ ꓙꓲ ꓗꓷ ꓡꓰ ꓟ ꓥ ꓡꓳ ꓝꓮꓲ ꓟꓳ‐ꓓꓳ ꓒ ꓮ ꓟꓬ, ꓠꓬ ꓕꓱ ꓙꓻ ꓖꓴ ꓔꓯ ꓣꓱ ꓔꓬ ꓟ ꓪꓴ. ꓠꓬꓲ ꓙꓻ ꓖꓴ ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓮ ꓟꓬ, ꓠꓬ ꓕꓱ ꓙꓻ ꓖꓴ ꓔꓯ ꓣꓱ ꓢꓲ ꓠꓬꓲ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓕꓱ ꓙꓻ ꓖꓴ ꓠꓬ ꓣꓱ ꓟꓽ ꓙꓲ ꓙꓰ ꓟꓽ ꓙꓲ ꓗꓷ ꓡꓰ ꓟ ꓪꓴ. ꓠꓬꓲ ꓞꓼ ꓞꓼ ꓫꓬ, ꓖꓶ ꓡ ꓟ ꓔꓯ ꓑ ꓫꓬ ꓐꓴ ꓡꓰ ꓓꓰꓽ ꓔ ꓡꓳ꓿ ꓕꓱ ꓙꓻ ꓖꓴ ꓗꓪ ꓑ ꓫꓬ ꓐꓴ ꓦꓻ ꓟꓲ ꓗꓪ ꓙꓰ  ꓟ ꓙꓵ, ꓐꓰ ꓢꓳꓻ ꓤ ꓙꓳ ꓟ ꓐꓴ ꓣꓱ ꓔꓬ ꓟ ꓙꓻ ꓖꓴ ꓥ ꓡꓳ꓿

ꓕꓱ ꓙꓻ ꓖꓴ ꓠꓬ ꓗꓳ. ꓗꓷ ꓟ 4 ꓦ ꓕꓯ ꓫꓬ, ꓔ ꓥ ꓟꓲ ꓡꓳ ꓓꓰ. ꓡꓰ ꓟꓽ ꓫꓬ, ꓔ ꓟ ꓪꓴ. ꓠꓬꓲ ꓟꓲꓽ ꓦꓻ ꓟꓬ, ꓦ ꓐ ꓕꓯ ꓣꓱ ꓟꓽ ꓙꓲ ꓗꓷ ꓡꓰ ꓟ ꓥ ꓡꓳ ꓐꓰ (EPN) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿