Putao ꓡꓳ ꓒꓱ ꓠ‐ꓕꓲ‐ꓘꓴ. ꓞꓳ ꓘ, ꓗꓪ ꓙꓰ ꓟ ꓙꓻ ꓖꓴ ꓠꓬ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬ ꓙꓰ ꓟꓽ ꓙꓰ ꓔꓬ ꓟ ꓓꓳꓽ

#rvalisu #creditphoto #GNG #Nam-Ti-Khu #Putao #Kachin state

Monday, October 02, 2023

Putao ꓡꓳ ꓒꓱ ꓠ‐ꓕꓲ‐ꓘꓴ. ꓞꓳ ꓘ, ꓗꓪ ꓙꓰ ꓟ ꓙꓻ ꓖꓴ ꓠꓬ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬ ꓙꓰ ꓟꓽ ꓙꓰ ꓔꓬ ꓟ ꓓꓳꓽ

10 ꓦ ꓟ 1 ꓠꓬꓲ 2023 ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓡꓳ ꓒꓱ ꓗꓪ ꓗꓪ ꓐꓰ ꓠꓮꓟ‐ꓕꓲ‐ꓘꓴ. ꓞꓳ ꓘ ꓗꓪ ꓙꓰ ꓟ ꓙꓻ ꓖꓴ ꓠꓬ ꓟꓲ‐ꓦ ꓮ ꓟꓬ, ꓦ ꓡ ꓢꓲ ꓠꓬꓲ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬ ꓙꓽ ꓖꓴ ꓙꓰ ꓟꓽ ꓙꓰ ꓗꓷ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓙꓽ ꓖꓴ ꓙꓰ ꓟꓽ ꓙꓲ ꓗꓷ ꓡꓰ ꓟ ꓠꓬ ꓗꓳ. ꓗꓷ ꓟ 9 ꓦ ꓟ 25 ꓠꓬꓲ ꓗꓪ ꓐꓰ ꓟꓲ‐ꓦ ꓮ ꓟꓬ, ꓦꓻ ꓔꓬ ꓟ ꓪꓴ. ꓠꓬꓲ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓙꓽ ꓖꓴ ꓞꓲꓽ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓙꓻ ꓖꓴ ꓐꓬ ꓔꓬ ꓟ ꓔꓯ ꓙꓵꓽ ꓪ ꓙꓳˍ ꓢꓴ ꓐꓴ ꓔꓯ ꓐꓯ ꓟ. ꓖꓶ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓞꓳ ꓘ, ꓢꓴ ꓐꓴ ꓡꓰ ꓐꓬ ꓔꓬ ꓟ ꓙꓻ ꓖꓴ ꓔꓯ ꓠꓬꓲꓽ ꓧꓪ, ꓫꓬ, ꓗꓷ ꓥ ꓟꓲ ꓮ ꓟꓬ, ꓝꓮꓲ ꓕꓲ ꓧꓪ, ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓙꓻ ꓖꓴ ꓐꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓣꓱ ꓬꓯꓼ ꓟ ꓶꓻ ꓤ ꓣꓱ ꓫꓵꓽ ꓣꓱ ꓙꓲ ꓔꓯ ꓡꓳ ꓒꓱ ꓗꓪ ꓐꓰ ꓪꓴꓽ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓮꓟ‐ꓕꓲ‐ꓘꓴ. ꓞꓳ ꓘ, ꓠꓬ ꓖ‐ꓟꓶ‐ꓓꓲ ꓡꓳ ꓒꓱ ꓗꓪ ꓐꓰ ꓡꓳ ꓔ 8 ꓔꓷꓼ ꓶꓻ ꓟ ꓞꓳ ꓘ, ꓥ ꓢꓲ ꓠꓬꓲ ꓞꓳ ꓦꓲꓻ (400) ꓦꓲꓻ ꓐꓰ ꓑ ꓫꓬ 2600 ꓣꓳ ꓔꓬ ꓟ ꓞꓳ ꓘ ꓥ ꓡꓳ꓿ ꓞꓲ ꓠꓲ, ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓟꓵꓽ ꓡꓶꓽ ꓟ ꓥ ꓡꓳ ꓐꓰ (GNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿