ꓕꓲ ꓘꓹ ꓡꓱꓸꓼ ꓮ ꓔꓳꓸ ꓐꓬ ꓡꓰ ꓟ Pannandin ꓡꓳ ꓒꓱ ꓕ-ꓡ-ꓕꓴ ꓞꓳ ꓘꓹ ꓗꓪ ꓟ ꓑ ꓫꓬꓹ ꓐꓴ ꓜꓽ ꓓꓴ ꓖꓪꓽ ꓓꓴ ꓫꓸ ꓔꓬˍ ꓟ ꓓꓳꓽ

Tuesday, April 04, 2023

ꓕꓲ ꓘꓹ ꓡꓱꓸꓼ ꓮ ꓔꓳꓸ ꓐꓬ ꓡꓰ ꓟ Pannandin ꓡꓳ ꓒꓱ ꓕ-ꓡ-ꓕꓴ ꓞꓳ ꓘꓹ ꓗꓪ ꓟ ꓑ ꓫꓬꓹ ꓐꓴ ꓜꓽ ꓓꓴ ꓖꓪꓽ ꓓꓴ ꓫꓸ ꓔꓬˍ ꓟ ꓓꓳꓽ
ꓡꓳꓹ ꓬꓰ ꓟ ꓕꓲ ꓘꓳꓼ ꓘꓴꓽ ꓗꓪ ꓕꓲ ꓘꓹ ꓡꓱꓸꓼ ꓮ ꓔꓳꓸ ꓐꓬ ꓡꓰ ꓟ Pannandin ꓡꓳ ꓒꓱ ꓕ-ꓡ-ꓕꓴ ꓞꓳ ꓘꓹ ꓗꓪ ꓟ ꓑ ꓫꓬ ꓐꓴ ꓜꓽ ꓓꓴ ꓖꓪꓽ ꓓꓴ ꓮ ꓘꓶꓸ ꓫꓸ ꓔꓬ ꓟ ꓪꓴꓸ ꓠꓬꓲ ꓬꓰ ꓙ ꓢꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓔꓳꓸ ꓐꓬ ꓡꓰ ꓟ ꓑꓶꓸ ꓓꓴ ꓬꓰ ꓙ ꓡ ꓢꓴ ꓐꓴ ꓡꓰ ꓬꓰ ꓙ ꓡ ꓟ ꓜꓽ ꓫꓵꓽ ꓜꓽ ꓙꓰꓽ ꓔꓯ ꓣꓴ ꓔꓬ ꓕꓯ ꓦ ꓟꓲ ꓥˍ ꓟꓲ ꓟꓽ ꓬꓰ ꓪ꓾ ꓐꓰ ꓞꓳ ꓘꓹ ꓗꓪ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓖꓳ ꓟ ꓡꓰꓽ ꓟꓽ ꓞꓲ ꓮ ꓟꓶ D-ꓜꓳ ꓞꓳ ꓘꓹ ꓘꓴꓽ ꓗꓪ ꓜ ꓒꓴꓸꓹ ꓕꓲ ꓟꓳ ꓠꓳ 3 ꓫꓬꓹ ꓛꓲ ꓖꓶ ꓢꓲ꓾ ꓪꓴꓸꓸ ꓜ ꓠ ꓗꓹ ꓟ ꓪꓴꓸ ꓠꓬꓲ ꓕ-ꓡ-ꓕꓴ ꓞꓳ ꓘꓹ ꓗꓪ ꓟ ꓑ ꓫꓬꓹ ꓐꓴ ꓮ ꓘꓶꓸ ꓛꓲ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
2022 ꓘꓳꓼ 3 ꓦ ꓟ 5 ꓠꓬꓲ ꓕꓯ ꓮ ꓔꓳꓸ ꓐꓬ ꓡꓰ ꓟ ꓪꓴꓸ ꓠꓬꓲ ꓞꓳ ꓦꓲꓸꓹ ꓐꓰ ꓜ ꓗꓹ ꓦꓲꓸꓹ ꓮ ꓙꓵꓽ ꓐꓬ ꓡꓰ ꓟ ꓥ ꓢꓲ ꓬꓰ ꓙ ꓢꓴ ꓜꓴ ꓐꓴ ꓡꓰ ꓬꓰ ꓙ ꓡ ꓟ ꓪꓴꓸ ꓠꓬꓲ ꓟꓳꓹ-ꓗ ꓦꓲꓸꓹ ꓫꓬꓹ ꓢꓲ ꓔꓬ ꓟ ꓥ ꓡꓳ ꓐꓰ ꓐꓯ ꓡꓳ= ꓦ ꓟꓲ ꓬꓰ ꓜꓽ ꓢꓲ ꓔꓬ ꓟ ꓕ-ꓡ-ꓕꓴ ꓞꓳ ꓘꓹ ꓗꓪ ꓞꓳ ꓦꓲꓸꓹ 20 ꓦꓲꓸꓹ ꓟꓽ ꓞꓲꓺ ꓥ ꓢꓲ꓾ ꓞꓳ ꓣꓳ 64 ꓣꓳ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=