ꓖꓳ ꓓꓱꓽ ꓟꓽ ꓞꓲꓽ ꓚꓰꓼ ꓢꓴ 94 ꓘꓳꓼ ꓡꓳ ꓟ ꓤ ꓑ ꓤ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

Friday, October 28, 2022

ꓟꓲ ꓠꓯ ꓗꓪ ꓠꓲꓹ ꓒꓳꓹ ꓠꓲꓹ ꓙꓬ ꓡꓳꓹ ꓬꓰ ꓢꓴ ꓐꓰ ꓢꓪꓼ ꓔꓸ ꓢꓴ꓾ ꓮ ꓙꓬ ꓞꓲꓽ ꓟꓽ ꓚꓰꓼ ꓢꓴ ꓲ-ꓣ ꓒꓽ ꓮ-ꓟꓴ ꓧ-ꓙꓰ (Amou Haji) ꓠꓬ 2022 ꓘꓳꓼ 10 ꓦ 23 ꓠꓬꓲ ꓕꓯꓽ꓾ ꓬꓲꓸ ꓞꓲꓼ 94 ꓘꓳꓼ ꓢꓯꓸ ꓔꓬ ꓗꓷ ꓢꓲꓸ ꓫꓵꓻꓳ ꓐꓰ ꓐꓯ ꓡꓳ꓿ ꓬꓲꓸ ꓠꓬ ꓞꓲꓼ ꓣꓳˍ ꓟ ꓦꓬꓼ ꓠꓬꓲ ꓗꓪ ꓠꓱꓸ ꓐꓯꓼ ꓢꓴˍ ꓡꓰ ꓐꓰ ꓔꓬ ꓗꓷ ꓥ ꓟꓲ꓾ ꓬꓲꓸ ꓞꓲꓼ 27 ꓘꓳꓼ ꓕ ꓑꓳꓸ ꓮ ꓙꓬ ꓕꓲꓽ ꓧꓪꓸ ꓡꓰꓸ ꓟꓽ ꓞꓲꓽ ꓞꓲꓽ (67) ꓘꓳꓼ ꓔꓬ ꓗꓳꓸ ꓡ ꓢꓴ ꓕꓲꓽ ꓣꓳ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓬꓲꓸ ꓓꓵꓽ ꓙ ꓚꓱꓹ ꓗꓪ “ꓮ ꓙꓬ ꓢꓸ ꓠꓬ ꓖꓳ ꓓꓱꓽ ꓗꓪ ꓠꓻ ꓫꓵꓽ ꓓꓵꓽ ꓡ ꓢꓲꓸ ꓫꓵꓻ ꓡ ꓥ” ꓐꓯ ꓡꓳ꓿ ꓖꓳ ꓟ ꓑꓶꓸ ꓓꓴ ꓬꓲ ꓙꓬ ꓟꓽ ꓞꓲꓽ ꓞꓲꓽ ꓧꓶꓽ ꓛꓲ ꓐꓬꓼ ꓟꓵꓽ ꓗꓪ ꓕꓱ ꓡꓱ ꓢꓯꓸ ꓔꓬ ꓗꓷ ꓢꓲ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=