ꓞꓳ ꓤ 10 ꓫꓬꓹ ꓟ ꓛꓲ ꓔꓬ ꓟ Bangladesh ꓟꓯꓼ ꓘꓰꓹ ꓑꓬ ꓔꓶꓸ ꓮ ꓔꓳꓸ ꓐꓬ ꓡꓰ ꓟ ꓓꓳꓽ

ꓞꓳ ꓤ 10 ꓫꓬꓹ ꓟ ꓛꓲ ꓔꓬ ꓟ Bangladesh ꓟꓯꓼ ꓘꓰꓹ ꓑꓬ ꓔꓶꓸ ꓮ ꓔꓳꓸ ꓐꓬ ꓡꓰ ꓟ ꓓꓳꓽ
ꓞꓳ ꓤ 10 ꓫꓬꓹ ꓟ ꓛꓲ ꓔꓬ ꓟ Bangladesh ꓗꓴꓷꓼ ꓖꓴ ꓟꓶꓸ Cox Bazaar ꓗꓪ ꓙꓳ ꓟ ꓟꓯꓼ ꓘꓰꓹ ꓑꓬ ꓔꓶꓸ ꓠꓬ 2023 ꓘꓳꓼ 3 ꓦ ꓟ 5 ꓠꓬꓲ ꓕꓯ ꓮ ꓔꓳꓸ ꓐꓬ ꓡꓰ ꓟ ꓥ ꓢꓲ 12000 ꓟ ꓞꓲꓸꓸ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓗꓷ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= 
ꓟꓯꓼ ꓘꓰꓹ ꓢꓴ ꓐꓴ ꓔꓬ ꓟ ꓠꓱꓸ ꓐꓯꓼ ꓕꓲ ꓖ ꓗꓪ ꓠꓬ ꓬꓰ ꓙ ꓢꓴ ꓐꓴ ꓮ ꓘꓶꓸ ꓙꓰ ꓫꓸ ꓔ ꓟ ꓟꓵꓽ ꓥ ꓟ ꓪꓴꓸ ꓠꓬ ꓞꓳ ꓦꓲꓸꓹ 3000 ꓦꓲꓸꓹ ꓛꓲ ꓟꓽ ꓞꓲꓸꓸ ꓮ ꓔꓳꓸ ꓐꓬ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓞꓳ ꓤ ꓮ ꓟꓬꓹ ꓔꓯ ꓠꓱꓸ ꓐꓯꓼ ꓕꓲ ꓖ ꓗꓪ ꓧꓳꓽ ꓩꓴ ꓖꓶ ꓥ ꓟꓲ ꓮ ꓟꓬ ꓣꓳ ꓛꓲ ꓫꓵꓸꓹ ꓡꓰ ꓟ ꓔꓯ ꓟ ꓢꓷꓸ ꓔꓬ ꓢꓰ ꓐꓰ ꓐꓯ ꓡꓳ= 

ꓮ ꓔꓳꓸ ꓐꓬ ꓡꓰ ꓟ ꓔꓯ ꓗꓽ ꓕ ꓐ ꓬꓰ ꓡ ꓐꓯ ꓥ ꓟꓲ ꓮ ꓡꓰ ꓢꓲ ꓮ ꓔꓳꓸ ꓐꓬ ꓡꓰ ꓟ ꓔꓯ ꓟꓽ ꓢꓷꓸ ꓔꓬ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓱ ꓡꓱ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓗꓷ ꓡꓰ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓢꓯꓼ ꓕꓵꓼ ꓡꓯ ꓐꓰ ꓐꓯ ꓡꓳ=
Cox Bazaar  ꓗꓪ ꓙꓳ ꓟ ꓟꓯꓼ ꓘꓰꓹ ꓑꓬ ꓔꓶꓸ ꓠꓬ ꓟꓽ ꓦ ꓦ ꓮ ꓔꓳꓸ ꓐꓬ ꓡꓰ ꓟ ꓥ ꓢꓲ 2021 ꓘꓳꓼ ꓕꓯ ꓥ ꓟꓲ 15 ꓣꓳ ꓫꓵꓸꓹ ꓞꓳ ꓦꓲꓸꓹ 10000 ꓦꓲꓸꓹ ꓟꓽ ꓞꓲ ꓐꓬ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=