ꓟꓬ ꓢꓷ: ꓠꓻ ꓓꓴ ꓔꓳꓹ ꓜꓳ: ꓔꓬ ꓟ ꓙꓳ ꓟ ꓤ ꓕꓲ ꓣꓳ ꓔꓯ ꓬꓲ ꓒꓵ: ꓖꓶ ꓟ: ꓛꓲ ꓠꓯꓺ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓫꓬꓹ ꓖꓶ ꓟˍꓓꓳ:

ꓟꓬ ꓢꓷ: ꓠꓻ ꓓꓴ ꓔꓳꓹ ꓜꓳ: ꓔꓬ ꓟ ꓙꓳ ꓟ ꓤ ꓕꓲ ꓣꓳ ꓔꓯ ꓬꓲ ꓒꓵ: ꓖꓶ ꓟ: ꓛꓲ ꓠꓯꓺ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓫꓬꓹ ꓖꓶ ꓟˍꓓꓳ: ꓗ-ꓛꓲ ꓗꓴꓷꓼ ꓫꓴꓺ ꓟꓶ-ꓚꓲ-ꓠ ꓡꓳ ꓒꓱ ꓫꓱ-ꓜ ꓞꓳ ꓘꓹ ꓗꓪ ꓔꓬ ꓟ ꓙꓳ ꓟ ꓤ ꓕꓲ ꓣꓳ ꓟꓬ ꓢꓷ: ꓠꓻ ꓓꓴ ꓔꓳꓹ ꓜꓳ: ꓔꓬ ꓟ ꓑꓶ. ꓓꓴ ꓬꓲ ꓒꓵ: ꓖꓶ ꓟ: ꓛꓲ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓗꓪ ꓐꓰ ꓫꓬꓹ ꓖꓶ ꓓꓴ ꓥ ꓡꓳ ꓐꓰ ꓮ ꓟꓰ 2023 ꓘꓳꓼ 6 ꓦ ꓟ 29 ꓕꓯ ꓢꓷ. ꓪ ꓡꓳ= ꓕꓱ ꓡꓱ ꓠꓻ ꓓꓴ ꓔꓳꓹ ꓜꓳ: ꓔꓬ ꓟ ꓙꓳ ꓟ ꓤ ꓔꓯ ꓬꓲ ꓚꓱꓹ ꓮ ꓟꓬꓹ ꓫꓵ ꓗꓪ ꓐꓰ ꓬꓰ ꓙ ꓡ ꓢꓴ ꓝꓮꓲ ꓟ: ꓞꓲ ꓠꓯꓺ ꓞꓲꓼ ꓫꓬꓹ ꓖꓶ ꓡ ꓢꓴ ꓐꓴ ꓮ ꓙꓵ ꓔꓯ ꓬꓲ ꓐꓹ ꓐ ꓟꓹ ꓟ ꓡꓰ ꓮ ꓘꓶ. ꓫ. ꓟꓳ ꓔꓬ ꓡꓳ ꓐꓰ ꓢꓷ. ꓪ ꓡꓳ=

ꓗ-ꓛꓲ ꓗꓴꓷꓼ ꓫꓴꓺ ꓗꓪ ꓟ ꓬꓲ ꓒꓵ: ꓖꓶ ꓟ: ꓛꓲ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓮ ꓘꓶ. ꓫ. ꓓꓴ ꓔꓳꓹ ꓜꓳ: ꓔꓬ ꓗꓪ ꓞꓳ ꓘꓹ ꓗꓪ ꓙꓰ ꓢꓲ꓾ ꓑ ꓫꓬ ꓐꓴ ꓔꓯ ꓐ ꓡ ꓟꓬ ꓛꓲ ꓟ: ꓠ ꓠ ꓠꓯꓺ ꓞꓲꓼ ꓫꓬ ꓖꓶ ꓔꓬ ꓟ ꓬꓲ ꓜꓴ ꓕꓲ ꓜꓴ ꓥ ꓡꓳ ꓐꓰ ꓢꓷ. ꓪ ꓡꓳ= ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ ꓥ ꓟꓲ ꓫ. ꓓꓴ ꓔꓳꓹ ꓜꓳ: ꓔꓬ ꓟ ꓑ ꓫꓬ 3400 ꓣꓳ ꓟ: ꓞꓲ ꓔꓯ ꓠꓯꓺ ꓞꓲꓼ ꓫꓬꓹ ꓖꓶ ꓪ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=