Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓰꓫꓲꓚꓳ ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓔꓲꓺ ꓒ ꓕꓲ ꓣꓳ ꓡꓰ ꓤ ꓠꓱ ꓤ ꓢꓽ ꓣꓳ ꓔꓯ ꓚꓬꓴ ꓙ ꓗꓷ ꓟ ꓪꓴ. ꓠꓬꓲ ꓟꓽ ꓙꓲꓻ ꓢꓴ ꓐꓴ ꓡꓰ ꓪꓽ ꓘꓴ ꓦꓲꓻ ꓔꓯ ꓑꓳ ꓡꓽ ꓛꓴ. ꓐꓶ ꓡ ꓟ
ꓟꓰꓫꓲꓚꓳ ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓔꓲꓺ ꓒ ꓕꓲ ꓣꓳ ꓡꓰ ꓤ ꓠꓱ ꓤ ꓢꓽ ꓣꓳ ꓔꓯ ꓚꓬꓴ ꓙ ꓗꓷ ꓟ ꓪꓴ. ꓠꓬꓲ ꓟꓽ ꓙꓲꓻ ꓢꓴ ꓐꓴ ꓡꓰ ꓪꓽ ꓘꓴ ꓦꓲꓻ ꓔꓯ ꓑꓳ ꓡꓽ ꓛꓴ. ꓐꓶ ꓡ ꓟ
6 ꓦ ꓟ 7 ꓠꓬꓲ 2023 ꓘꓳꓼ ꓕꓯ ꓟꓰꓫꓲꓚꓳ ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓔꓲꓺ ꓒ ꓕꓲ ꓣꓳ ꓡꓰ ꓤ ꓠꓱ ꓤ ꓢꓽ ꓣꓳ ꓔꓯ ꓚꓬꓴ ꓙ ꓗꓷ ꓟ ꓪꓴ. ꓠꓬꓲ ꓟꓽ ꓙꓲꓻ ꓢꓴ ꓐꓴ ꓡꓰ ꓪꓽ ꓘꓴ ꓦꓲꓻ ꓔꓯ ꓡꓽ ꓛꓴ. ꓗꓪ ꓐꓰ ꓐꓶ ꓡˍ ꓡꓳ ꓐꓰ ꓐꓯ ꓔ ꓡꓳ꓿
ꓟꓰꓫꓲꓚꓳ ꓗꓴꓷꓼ ꓗꓪ ꓟꓽ ꓙꓲꓻ ꓢꓴ ꓐꓴ ꓠꓬꓲꓽ ꓜꓴꓻ ꓢꓰꓼ ꓡꓯ ꓘꓳ, ꓟ ꓪꓴ. ꓠꓬꓲ ꓗ‐ꓔꓳ‐ꓡꓲ ꓔꓲꓺ ꓒ ꓕꓲ ꓣꓳ ꓠꓬ ꓬꓲ. ꓞꓲ 1 ꓘꓳꓼ ꓐꓰ 9 ꓘꓳꓼ 10 ꓘꓳꓼ ꓙꓳ ꓢꓴ ꓢꓽ ꓣꓳ ꓥ ꓡꓳ꓿ ꓕꓱ ꓤ ꓠꓱ ꓤ ꓢꓽ ꓣꓳ ꓠꓬ ꓙꓽ ꓖꓴ ꓗꓪ ꓜ ꓓꓴ ꓟꓽ ꓙꓳˍ ꓢꓲ ꓠꓬꓲ ꓫ. ꓔꓬ ꓟ ꓪꓴ. ꓠꓬꓲ ꓔꓲꓺ ꓒ ꓡꓰ ꓪꓽ ꓘꓴ ꓦꓲꓻ ꓗꓪ ꓜꓻ ꓓꓴ ꓖꓶ ꓜꓽ ꓢꓲ ꓠꓬꓲ ꓔꓬ ꓝꓲ ꓟ ꓥ ꓡꓳ꓿
ꓕꓱ ꓪꓽ ꓘꓴ ꓦꓲꓻ ꓫꓬ, ꓦ ꓟ ꓔꓲ. ꓠꓬ ꓟꓰꓫꓲꓚꓳ ꓗꓴꓷꓼ ꓛ‐ꓧꓪ‐ꓧꓪ ꓟꓬꓱꓺ ꓔ ꓟ ꓟꓵꓽ ꓗꓪ ꓥ ꓡꓳ꓿
ꓟꓽ ꓙꓲꓻ ꓢꓴ ꓜꓴꓻ ꓡꓰ ꓪꓽ ꓘꓴ ꓦꓲꓻ ꓔꓯ ꓑꓳ ꓡꓽ ꓛꓴ. ꓗꓪ ꓐꓰ ꓮ ꓟꓬ, ꓐꓶ ꓗꓷ ꓟ ꓥ ꓡꓳ꓿ ꓟꓰꓫꓲꓚꓳ ꓗꓴꓷꓼ ꓗꓪ ꓗꓳ. ꓗꓷ ꓟ ꓗꓴꓷꓼ ꓕꓯ ꓪꓴ‐ꓢ ꓟꓬꓱꓽ ꓟꓯ ꓢꓴ ꓗ‐ꓔꓳ‐ꓡꓲ ꓔꓲꓺ ꓒ ꓕꓲ ꓣꓳ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓔꓯ ꓔꓳ, ꓜꓳ ꓡꓰ ꓟ ꓥ ꓡꓳ꓿
ꓟꓰꓫꓲꓚꓳ ꓗꓴꓷꓼ ꓗꓪ ꓠꓬ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓢꓴ ꓮ ꓟꓬ, ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓟ ꓪꓴ. ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓲꓺ ꓒ ꓐꓴ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓑꓳ ꓡꓽ ꓛꓴ. ꓗꓪ ꓐꓰ ꓑꓳ ꓢꓰꓼ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ꓿
Add new comment