Indonesia ꓗꓴꓷꓼ ꓗꓪ ꓐꓰ ꓙꓵꓻ ꓠꓲ, ꓚꓱ, ꓔꓯ ꓧꓳꓽ ꓪꓴ. ꓟꓴ ꓢꓴ ꓡꓰ ꓔꓲꓺ ꓒ ꓪ ꓔꓲ ꓔꓯ ꓗ, ꓡ ꓠ, ꓟ ꓓꓰꓽˍ ꓟ ꓓꓳꓽ

Indonesia ꓗꓴꓷꓼ ꓗꓪ ꓐꓰ ꓙꓵꓻ ꓠꓲ, ꓚꓱ, ꓔꓯ ꓧꓳꓽ ꓪꓴ. ꓟꓴ ꓢꓴ ꓡꓰ ꓔꓲꓺ ꓒ ꓪ ꓔꓲ ꓔꓯ ꓗ, ꓡ ꓠ, ꓟ ꓓꓰꓽˍ ꓟ ꓓꓳꓽ

4 ꓟ 30 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓔꓯ Indonesia ꓗꓴꓷꓼ ꓗꓪ ꓗ, ꓡ ꓠ, ꓟ ꓙꓵꓻ  ꓠꓲ, ꓚꓱ, ꓔꓯ ꓧꓳꓽ ꓪꓴ. ꓟꓴ ꓢꓴ ꓡꓰ ꓓꓰꓽ ꓗꓷ ꓟ ꓥ ꓡꓳ꓿ Indonesia ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓔꓯ ꓥˍ ꓟꓲ ꓕꓳ ꓶ ꓐꓳ ꓖꓶˍ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ Indonesia ꓗꓴꓷꓼ ꓗꓪ ꓗ, ꓡ ꓕꓯ ꓖꓪ ꓙꓱꓻ ꓓꓴ ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

Indonesia ꓗꓴꓷꓼ ꓗꓪ ꓢꓲꓺ ꓒ ꓬꓰ‐ꓢꓴ ꓟꓬꓱꓺ ꓔꓯ ꓠꓱ. ꓐꓯ ꓟꓬꓱꓺ ꓣꓱꓽ ꓠ, ꓟ Muslim ꓦꓻ ꓡꓱ ꓢꓴ ꓐꓴ ꓡꓰ ꓓꓰꓽˍ ꓟ ꓥ ꓡꓳ꓿ꓔꓲꓺ ꓒ ꓪ ꓔꓲ ꓠꓬ Easter Timor ꓗꓴꓷꓼ ꓗꓪ ꓗꓳ. ꓗꓷ ꓟ 2020 ꓘꓳꓼ ꓕꓯ ꓡ ꓠ, ꓟ ꓬꓰ ꓗꓷˍ ꓟꓲ Covid-19 ꓠꓻ ꓫꓵꓽ ꓑꓶ. ꓓꓴ ꓙꓰ ꓟꓽ ꓪ ꓡꓰ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓔꓯ Indonesia ꓗꓴꓷꓼ ꓗꓪ ꓚꓳ ꓗ, ꓡ ꓠ, ꓟ ꓘꓴ ꓗꓷ ꓟ ꓥ ꓡꓳ꓿

Indonesia ꓗꓴꓷꓼ ꓘꓴ ꓗꓪ ꓙꓵꓻ ꓠꓲ, ꓚꓱ, ꓮ ꓟꓬ, ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓐꓰ ꓖꓪ ꓙꓱꓻ ꓜꓲꓼ ꓓꓴ ꓓꓽ ꓟ ꓬꓰ ꓠ, ꓟ ꓙ ꓖꓶ ꓔꓬ ꓟ ꓥ ꓡꓳ꓿ Indonesia ꓗꓴꓷꓼ ꓠꓬ Muslim Jꓵꓻ ꓠꓲ, ꓚꓱ, ꓔꓯ ꓑ ꓫꓬ ꓮ ꓟꓬ, ꓦꓻ ꓡꓱˍ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓰ ꓐꓳ‐ꓓ ꓙꓵꓻ ꓠꓲ, ꓐꓰ ꓠꓱ. ꓐꓯ ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓿