ꓟꓲ-ꓚꓲ ꓠ ꓡꓳ ꓒꓱ ꓓꓴ-ꓗ-ꓧꓔꓮꓴꓠꓖ ꓗꓪ ꓦꓲꓸꓹ ꓠꓬꓲꓽ ꓦꓲꓸꓹ ꓮ ꓔꓳꓸ ꓐꓬ ꓡꓰ ꓟ ꓓꓳꓽ

Kachin ꓗꓴꓷꓼ ꓫꓴꓸꓹ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓡꓳꓹ ꓬꓰ ꓟ 2022 ꓘꓳꓼ 11 ꓦ ꓟ 20 ꓠꓬꓲ ꓟꓳ ꓡꓳ 2 ꓙꓵꓹ ꓕꓯ ꓚ ꓔ ꓟ ꓬꓲꓻ ꓛ ꓕꓴꓽ ꓛ ꓙ ꓙꓰ ꓢꓲ ꓮ ꓔꓳꓸ ꓐꓬ ꓙꓰ ꓟ ꓪꓴꓸ ꓠꓬꓲ ꓓꓴ-ꓗ-ꓧꓔꓮꓴꓠꓖ ꓞꓳ ꓘꓹ ꓗꓪ ꓦꓲꓸꓹ ꓠꓬꓲꓽ ꓦꓲꓸꓹ ꓐꓬ ꓡꓳ ꓐꓰ ꓮ ꓔꓳꓸ ꓢꓰꓼ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓮ ꓔꓳꓸ ꓐꓬ ꓡꓰ ꓟ ꓓꓴ-ꓗ-ꓧꓔꓴꓠꓖ ꓞꓳ ꓘꓹ ꓗꓪ ꓟ ꓦꓲꓸꓹ ꓢꓲ ꓒꓽ ꓠꓬ ꓦꓲꓸꓹ ꓘꓴꓽ ꓢꓳꓼ ꓕꓴꓽ ꓢꓳꓼ ꓢꓲ꓾ ꓬꓲ ꓐꓽ ꓗꓪ ꓕꓲ ꓑꓹ ꓙꓰ ꓗꓷ ꓕꓯ ꓚ ꓔ ꓟ ꓬꓲꓻ ꓛ ꓕꓴꓽ ꓛ ꓙ ꓙꓰ ꓢꓲ ꓮ ꓔꓳꓸ ꓐꓬ ꓡꓰ ꓟ ꓥ ꓡꓳ ꓐꓰ ꓟꓲ-ꓚꓲ-ꓠ ꓡꓳ ꓒꓱ ꓮ ꓔꓳꓸ ꓢꓰꓼ ꓜꓴ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓮ ꓔꓳꓸ ꓐꓬ ꓡꓰ ꓟ ꓗꓪ ꓮ ꓔꓳꓸ ꓢꓰꓼ ꓟꓳ ꓓꓳ 1 ꓢꓶꓽ ꓬꓲꓻ ꓙꓬ ꓔꓯ ꓟꓳ ꓓꓳ 2 ꓢꓶꓽ ꓡꓰ 15 ꓧꓶꓹ ꓛꓲ ꓢꓰꓼ ꓙ ꓗꓷˍ ꓡꓳ ꓐꓰ ꓞꓳ ꓘꓹ ꓗꓪ ꓟ ꓟꓳꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓮ ꓔꓳꓸ ꓐꓬ ꓡꓰ ꓟ ꓗꓪ ꓦꓲꓸꓹ ꓠꓬꓲꓽ ꓦꓲꓸꓹ ꓐꓰ  ꓬꓲ ꓒꓵꓽ 31 ꓫꓬꓹ ꓛꓲ ꓐꓬ ꓡꓳ ꓐꓰ ꓢꓷꓸ ꓪ ꓡꓳ=