ꓟꓲ: ꓦꓲꓻ ꓕꓳ: ꓥꓳ: ꓙꓱꓼ ꓡ ꓟ ꓑꓶ ꓓꓴ 3 ꓣꓳ ꓫꓵꓻ ꓞꓳ ꓦꓲꓻ 8 ꓦ ꓦꓲꓻ ꓟ: ꓞꓲ ꓐꓬ ꓡꓰ ꓟ ꓓꓳ:

ꓟꓲ: ꓦꓲꓻ ꓕꓳ: ꓥꓳ: ꓙꓱꓼ ꓡ ꓟ ꓑꓶ ꓓꓴ 3 ꓣꓳ ꓫꓵꓻ ꓞꓳ ꓦꓲꓻ 8 ꓦ ꓦꓲꓻ ꓟ: ꓞꓲ ꓐꓬ ꓡꓰ ꓟ ꓓꓳ: ꓮ ꓟꓰ 2023 ꓘꓳꓼ 5 ꓦ ꓟ 15 ꓠꓬꓲ ꓕꓯ ꓟꓳ-ꓘ ꓟꓲ: ꓦꓲ: ꓕꓳ: ꓥꓳ: ꓑꓶ ꓓꓴ Sittwe ꓡꓳ ꓒꓱ ꓐꓰ ꓠꓱ. ꓐꓯꓼ ꓡꓳ ꓒꓱ ꓗꓪ 3 ꓣꓳ ꓫꓵꓻ ꓞꓳ ꓦꓲꓻ 8 ꓦ ꓦꓲꓻ ꓟ: ꓞꓲ ꓐꓬ ꓡꓰꓳ ꓐꓰ ꓢꓷ. ꓪ ꓡꓳ=

ꓕꓱ ꓟꓲ: ꓦꓲꓻ ꓕꓳ: ꓥꓳ: ꓙꓱꓼ ꓡ ꓟ ꓪꓴ. ꓠꓬꓲ ꓗꓴꓷꓼ ꓫꓴꓺ ꓐꓰ ꓡꓳ ꓒꓱ ꓞꓳ ꓘꓹ ꓘꓴ: ꓗꓪ ꓞꓳ ꓦꓲꓻ ꓙꓳ ꓢꓳ ꓦꓲꓻ ꓠꓯꓺ ꓞꓲꓼ ꓦꓲꓻ ꓮ ꓟꓬꓹ ꓐꓬ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓟꓲ: ꓦꓲꓻ ꓕꓳ: ꓥꓳ: ꓙꓱꓼ ꓡ ꓟ ꓑꓶ ꓓꓴ ꓙ ꓡꓯ ꓘꓳꓹ ꓠꓹ ꓟ internet ꓐꓬ ꓡꓰ ꓟ ꓪꓴ ꓠꓬꓲ ꓑ ꓫꓬ ꓐꓴ ꓮ ꓟꓬꓹ ꓛꓲ ꓠꓻ ꓓꓴ ꓡꓰ ꓟ: ꓢꓷ. ꓐꓰ ꓬꓰ ꓙ ꓢꓴ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=

ꓟꓳ-ꓘ ꓟꓲ: ꓦꓲꓻ ꓕꓳ: ꓥꓳ: ꓡ ꓟ ꓕꓲ ꓚꓱꓹ ꓗꓪ ꓠꓬ ꓟꓲ: ꓦꓲꓻ ꓙꓱꓼ ꓠꓬꓲ ꓟꓵ: ꓖꓴ ꓐꓱ. ꓠꓬꓲ ꓬꓲꓻ ꓙꓬ ꓙꓵ ꓡ ꓧꓳꓹ ꓧꓳꓹ ꓕꓱ ꓡꓱ ꓗꓷ ꓔꓬ ꓟ ꓪꓴ ꓠꓬꓲ ꓬꓲꓻ ꓙꓬ ꓡꓳ ꓒ ꓕꓲ ꓗꓪ ꓔꓬ ꓢꓴ ꓑ ꓫꓬ ꓐꓴ ꓙ ꓟꓳ ꓓꓴ ꓬꓰ ꓡꓯ ꓐꓰ ꓟꓵ: ꓘꓳꓼ ꓚꓱꓹ ꓔꓯ ꓟꓳ. ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=