ꓣꓦꓮ ꓡꓲ-ꓢꓴ ꓓꓳꓽ

1.Nam Kham ꓡꓳ ꓒꓱ ꓗꓪ ꓟꓶꓽ ꓦ ꓮ ꓟꓬꓹ ꓦ ꓡˍ ꓟ ꓪꓴꓸ ꓠꓬꓲ  ꓞꓳ ꓘꓹ ꓘꓴꓽ ꓗꓪ ꓬꓲꓸꓹ ꓙꓬ ꓓꓵꓽ ꓡ ꓟ ꓓꓳꓽ

Nam Kham ꓡꓳ ꓒꓱ ꓗꓪ ꓗꓳꓸ ꓬꓰ ꓟ (4) ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓞꓳ ꓘꓹ ꓘꓴꓽ ꓠꓯꓸꓼ ꓗꓪ ꓬꓲꓸꓹ ꓙꓬ ꓙꓵꓽˍ ꓡꓳ ꓐꓰ ꓐꓯ ꓡꓳ= ꓬꓲꓸꓹ ꓙꓬ ꓙꓵꓽ ꓡ ꓟ ꓞꓳ ꓘꓹ ꓠꓬ (4) ꓘꓹ ꓛꓲ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓬꓲꓸꓹ ꓙꓬ ꓙꓵꓽ ꓡ ꓟ ꓪꓴꓸ ꓠꓬꓲ ꓙ ꓖꓴ ꓗꓪ ꓢꓮꓲ-ꓗꓯ ꓐꓰ ꓞꓳ ꓤ ꓟꓽ ꓙꓰ ꓝꓲ ꓢꓲ ꓙ ꓖꓴ ꓔꓯ ꓕꓲ ꓑꓹ ꓤꓼ ꓑꓲꓸ ꓦ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓟꓽ ꓞꓲꓺ ꓬꓰ ꓙ ꓢꓴ ꓜꓴꓻ ꓐꓰ ꓮ ꓔꓳꓸ ꓢꓰꓼ ꓜꓴꓻ ꓐꓴ ꓡꓰ ꓬꓰ ꓙˍ ꓡꓳ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=

2ꓸ Ayeyawaddy ꓬꓲ., ꓙꓬ ꓡꓳ ꓖꓳ ꓐ ꓙꓰ ꓠ, ꓟ ꓐꓱ ꓶ ꓓꓰꓼ ꓡꓲꓺ ꓬꓲꓸ ꓒꓵꓽ ꓓꓯ ꓡꓰ ꓟ ꓪꓴꓸ ꓠꓬꓲ ꓞꓳ ꓘꓹ ꓢꓴ ꓐꓴ ꓫꓸ ꓓꓴ ꓔꓳ, ꓜꓳꓽ ꓔꓬ ꓟ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ ꓴ-ꓐꓲꓼ ꓞꓳ ꓘꓹ ꓗꓪ ꓙꓳ_ ꓟ Ayeyawaddy ꓬꓲ., ꓙꓬ ꓡꓳ ꓖꓳ ꓐ ꓙꓰ ꓠ, ꓟ ꓐꓱ ꓶ ꓓꓰꓼ ꓡꓲꓺ ꓬꓲꓸ ꓒꓵꓽ ꓓꓯ ꓡꓰ ꓟ ꓪꓴꓸ ꓠꓬꓲ ꓓꓰꓼ ꓡꓲꓺ ꓜꓶꓽ ꓢꓴ ꓑ ꓫꓬ ꓐꓴ ꓫ. ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ꓿

ꓗꓳ. ꓡꓳ, ꓡ_ ꓟ ꓗꓪ ꓠꓬ ꓕꓲ ꓣꓳ ꓔꓯ (500) ꓥ ꓢꓲ ꓢꓮꓲ-ꓗꓯ ꓐꓱ ꓶ (500) ꓖꓳ_ ꓡꓳ= ꓶ ꓤꓼ ꓐꓱ ꓶ ꓒꓵꓽ ꓟꓽ ꓖꓳ ꓡ ꓐꓯ ꓥ ꓟꓲ ꓮ ꓟꓶ ꓠꓬ ꓕꓲ ꓣꓳ (1000) ꓥ ꓢꓲ ꓢꓮꓲ-ꓗꓯ ꓐꓱ ꓶ (1000) ꓖꓳ_ ꓡꓳ ꓐꓰ ꓖꓳ ꓗꓪ ꓔꓬ ꓢꓴ ꓡꓰ ꓐꓯ ꓡꓳ=

ꓴ-ꓐꓲꓼ ꓞꓳ ꓘꓹ ꓗꓪ ꓙꓳˍ ꓟ ꓓꓰꓼ ꓡꓲꓺ ꓠꓽ ꓔꓶ. ꓠꓬ ꓟꓶ- ꓚꓲ-ꓠ ꓡꓳ ꓒꓱ ꓐꓰ (15) ꓡꓳ ꓔ ꓗꓪ ꓙꓳ_ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

3.  ꓲ‐ꓔ‐ꓡꓲ ꓗꓴꓷꓼ ꓖꓴ ꓪꓴꓸ ꓕꓲꓽ ꓔꓶ. ꓗꓪ ꓟꓶꓽ ꓦ ꓟꓽ ꓦ ꓡ ꓟ ꓑꓶ ꓓꓴ ꓬꓲꓸꓹ ꓙꓬ ꓫꓸ ꓓꓴ ꓔꓳ, ꓜꓳ ꓔꓬ ꓟ ꓓꓳꓽ

ꓲ‐ꓔ‐ꓡꓲ ꓗꓴꓷꓼ ꓗꓪ ꓙꓳˍ ꓟ ꓑꓳ ꓬꓲꓸꓹ ꓙꓬ ꓡꓳ ꓠꓬ (70) ꓘꓳꓼ ꓬꓲꓸ ꓘꓴꓽ ꓗꓪ ꓟꓶꓽ ꓦ ꓐꓰ ꓬꓲꓸꓹ ꓙꓬ ꓫꓸ ꓓꓴ ꓔꓳ, ꓜꓳ ꓔꓬ ꓟ ꓪꓴꓸ ꓠꓬꓲ ꓖꓳ ꓒ ꓕꓲ ꓗꓪ ꓔꓬ ꓟ ꓞꓳ ꓘꓹ ꓐꓴ ꓔꓯ ꓤ ꓟꓳ ꓢꓲ ꓔꓬ ꓠꓹ ꓟ ꓐꓱ ꓶ ꓐꓯ ꓩꓴ ꓗꓷ ꓡꓳ ꓐꓰ ꓢꓷꓸ ꓪ ꓡꓳ= ꓑꓳ ꓬꓲꓸꓹ ꓙꓬ ꓡꓳ ꓠꓬ ꓗꓴꓷꓼ ꓘꓴꓽ ꓗꓪ ꓓꓰꓺ ꓟꓲ ꓐꓱ ꓶ ꓮ ꓘꓶꓸ ꓣꓱꓽ ꓬꓯꓼ ꓔꓬ ꓟ ꓬꓲꓸꓹ ꓙꓬ ꓡꓳ ꓥꓳ ꓐꓰ ꓐꓯ ꓡꓳ=

ꓑꓳ ꓬꓲꓸꓹ ꓙꓬ ꓡꓳ ꓠꓬ ꓲ‐ꓔ‐ꓡꓲ ꓗꓴꓷꓼ ꓗꓪ ꓟ ꓮ ꓘꓶꓸ ꓫꓵ_ ꓟ ꓬꓲꓸꓹ ꓙꓬ ꓥ ꓢꓲ‐. ꓲ‐ꓔ‐ꓡꓲ ꓗꓴꓷꓼ ꓖꓴ ꓪꓴꓸ ꓕꓲꓽ ꓛꓱ ꓗꓪ ꓬꓲ., ꓙꓰ_ ꓟ ꓬꓲꓸꓹ ꓙꓬ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓠꓬ ꓬꓲꓸꓹ ꓙꓬ ꓢꓱ., ꓡꓰ ꓟ ꓪꓴꓸ ꓠꓬꓲ ꓔꓶ., ꓫꓵ ꓔꓶ., ꓜꓽ ꓟꓽ ꓙꓲꓻ ꓐꓰ ꓟꓬꓱꓽ ꓬꓰ ꓜꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓖꓳ ꓡꓰ ꓫꓸ ꓔꓬ ꓢꓴ ꓐꓴ ꓔꓯ ꓬꓰ ꓙ ꓢꓴ ꓐꓴ ꓜꓴꓻ ꓡꓰ ꓬꓰ ꓙ ꓓꓴ ꓥꓳ꓾ ꓐꓰ ꓐꓯ ꓡꓳ ꓐꓰ  Popular News Journal ꓓꓳꓽ ꓗꓪ ꓐꓯ