ꓧꓴ-ꓚꓰ-ꓔꓮꓳꓽ ꓔꓯ ꓑ-ꓔꓲ ꓜꓲꓼ ꓓꓴ ꓓꓽ ꓟ ꓗꓪ ꓐꓰ ꓟꓽ ꓓ ꓟꓽ ꓢ ꓧꓳꓽ ꓓꓳ ꓙꓰ ꓟ ꓓꓳꓽ

 ꓡꓳꓹ ꓬꓰ ꓟ 2022 ꓘꓳꓼ 10 ꓦ 22 ꓠꓬꓲ꓾ ꓧꓶꓽ ꓒꓽ ꓗꓴ-ꓟꓴ-ꓠꓲꓼ ꓑ-ꓔꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓧꓶꓸ ꓕꓯꓽ ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓻ ꓧꓴ-ꓚꓰ-ꓔꓮꓳꓽ ꓔꓯ ꓟꓽ ꓓ ꓟꓽ ꓢꓽ ꓧꓳꓽ ꓓꓳ ꓙꓰˍ ꓗꓷ ꓡꓳ ꓐꓰ ꓢꓷꓸ ꓪ ꓡꓳ= ꓬꓲꓸ ꓠꓬ ꓫꓵ-ꓚꓲ-ꓒꓲꓽ ꓡꓯꓼ ꓶꓸ ꓗꓪ ꓔꓬ ꓟ ꓥ ꓢꓲ꓾ ꓓꓳ ꓙꓰ ꓠꓲꓹ ꓟꓽ ꓫꓵ ꓥ ꓟꓲ꓾ ꓬꓲꓸ ꓔꓯ ꓣꓴ ꓡ ꓢꓴ 2 ꓣꓳ ꓡꓰꓽ ꓟꓽ ꓓ ꓟꓽ ꓢ ꓧꓳꓽ ꓙꓰˍ ꓟ ꓥ ꓡꓳ ꓐꓰ ꓐꓯ ꓡꓳ ꓿ ꓮ ꓟꓶ ꓧꓶꓽ ꓗꓴꓷꓼ ꓪꓴꓸ ꓓꓵ ꓫꓵ-ꓚꓲ-ꓒꓲꓽ ꓔꓯ ꓕꓲ ꓠꓬꓲꓽ ꓘꓶꓽ ꓫꓸ ꓕꓱ ꓡꓯ ꓘꓳ ꓢꓲꓸ ꓓꓳ ꓙꓰˍ ꓡꓳ ꓐꓰ ꓢꓷꓸ ꓪ ꓡꓳ= ꓧꓴ-ꓚꓰ-ꓔꓮꓳꓽ ꓠꓬ ꓧꓶꓽ ꓗꓴꓷꓼ ꓪꓴꓸ ꓓꓵ ꓟꓬꓱꓽ ꓔꓯ 2003-2013 ꓗꓪ ꓛꓲ ꓬꓰ ꓗꓷ ꓢꓴ ꓥ ꓡꓳ꓿ ꓞꓲꓼ ꓪꓴꓽ ꓢꓴ꓾ ꓝꓮꓲ ꓗꓴꓷꓼ ꓪꓴꓸ ꓓꓵ ꓬꓰ ꓠꓬꓲ ꓢꓴ ꓕꓲꓽ ꓣꓳ ꓔꓯ ꓕꓱ ꓡꓱ ꓟꓽ ꓒꓵꓽ ꓟꓽ ꓚ ꓬꓰ ꓖꓶˍ ꓟ ꓠꓬ ꓮ ꓫꓵꓽ ꓪꓴꓸ ꓠꓬꓲ ꓕꓱ ꓡꓱ ꓬꓰ ꓟ ꓔꓯ ꓟ ꓐꓯ ꓓꓴ ꓡ ꓢꓲ ꓐꓰ ꓢꓷꓸ ꓪ ꓡꓳ=