ꓧꓶꓽ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬꓲꓽ ꓣꓳ Syond ꓖꓪꓽ ꓙꓱ ꓜꓲꓼ ꓓꓴ ꓓꓽ ꓗꓪ ꓣꓳ‐ꓟ ꓡꓳ ꓒꓱ ꓗꓪ ꓡ ꓓꓴ ꓥꓳ ꓐꓰ ꓔꓲꓺ ꓒ ꓪ ꓔꓲ Francis ꓡꓰ ꓐꓯ ꓔ ꓡꓳ꓿

#rvalisu #Pope francsi #creditphoto

Monday, September 25, 2023

ꓧꓶꓽ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬꓲꓽ ꓣꓳ Syond ꓖꓪꓽ ꓙꓱ ꓜꓲꓼ ꓓꓴ ꓓꓽ ꓗꓪ ꓣꓳ‐ꓟ ꓡꓳ ꓒꓱ ꓗꓪ ꓡ ꓓꓴ ꓥꓳ ꓐꓰ ꓔꓲꓺ ꓒ ꓪ ꓔꓲ Francis ꓡꓰ ꓐꓯ ꓔ ꓡꓳ꓿

ꓛꓲ ꓡ ꓠ, ꓟ 10 ꓦ ꓟ 4 ꓠꓬꓲ ꓗꓪ ꓐꓰ 29 ꓠꓬꓲ ꓗꓪ ꓛꓲ ꓣꓳ‐ꓟ ꓡꓳ ꓒꓱ ꓗꓪ Syond ꓖꓪꓽ ꓙꓱ ꓜꓲꓼ ꓓꓴ ꓓꓽ ꓗꓪ ꓧꓶꓽ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬꓲꓽ ꓣꓳ ꓥ ꓟꓲ ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓕꓱ ꓖꓪꓽ ꓙꓱ ꓜꓲꓼ ꓓꓴ ꓠꓬ ꓡ ꓞꓳ (460) ꓣꓳ ꓡ ꓠ, ꓟ ꓙꓳˍ ꓟ ꓥ ꓡꓳ꓿

ꓕꓱ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓐꓰ ꓘꓴ ꓜꓲꓼ ꓞꓳ ꓗꓪ ꓧꓳꓽ ꓪꓴ. ꓟꓴ ꓢꓴ ꓝꓮꓲ ꓗꓴꓷꓼ ꓙꓵꓽ ꓚꓱ, ꓐꓰ ꓫ. ꓢꓴ ꓟꓶ ꓢꓴ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓗꓪ ꓐꓰ ꓝꓲ ꓓꓴ ꓐꓴ ꓡ ꓠ, ꓟ ꓙꓳˍ ꓟ ꓥ ꓡꓳ꓿ ꓕꓱ ꓖꓪꓽ ꓙꓱ ꓓꓴ ꓬꓲ. ꓪꓴ. ꓓꓴ ꓟ ꓦꓬꓼ ꓠꓬꓲ ꓔꓯ ꓔꓲꓺ ꓒ ꓪ ꓔꓲ ꓡꓰ ꓟꓲ‐ꓢ ꓪꓽ ꓘꓴ ꓓꓴ ꓗꓪ ꓐꓰ ꓪꓴ. ꓓꓴ ꓠ, ꓟ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓠꓬ ꓠꓬꓲ. ꓠꓬꓲ ꓣꓳ ꓐꓰ ꓕꓲ ꓪ ꓧꓶꓽꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬꓲꓽ ꓣꓳ ꓥ ꓟꓲ ꓐꓽ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

Syond ꓖꓪꓽ ꓙꓱ ꓜꓲꓼ ꓓꓴ ꓗꓪ (264) ꓣꓳ ꓐꓰ ꓤ ꓟꓶ ꓤ (54) ꓣꓳ ꓐꓽ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓟꓴ ꓗꓳ ꓓꓵ ꓓꓵ ꓗꓪ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓟꓬꓱꓽ ꓬꓰ ꓜ ꓢꓴ ꓐꓴ ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓟꓯꓼ ꓘꓰ ꓟꓯ ꓑꓬ ꓔꓬ ꓢꓴ ꓐꓴ ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓚꓱ, ꓫ. ꓢꓴ ꓟꓶ ꓢꓴ ꓐꓴ ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓖꓪꓽ ꓙꓱ ꓠ, ꓟ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

Synod ꓖꓪꓽ ꓙꓱ ꓜꓲꓼ ꓓꓴ ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓟ ꓚꓱ, ꓗꓪ ꓙꓲ‐ꓢꓴ ꓢꓲꓺ ꓤ ꓮ ꓙꓵꓽ ꓐ ꓠ, ꓟ ꓐꓰ ꓣꓳꓺ ꓓꓲ ꓡꓰ ꓢꓴ ꓐꓴ ꓫ. ꓕꓱ ꓢꓯꓼ ꓔꓯ ꓠꓽ ꓡꓳꓺ ꓠ, ꓟ ꓥ ꓡꓳ ꓐꓰ (Rome report) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿