ꓧꓶꓽ ꓗꓴꓷꓼ ꓗꓪ ꓚꓳꓦꓲꓓ-19 ꓠꓻ ꓫꓵꓽ ꓐꓱ ꓶ ꓠꓵꓽ ꓠꓯꓺ ꓞꓲꓼ ꓓ ꓪꓴꓸ ꓣꓱꓼ ꓔꓬ ꓟ ꓓꓳꓽ

Friday, October 28, 2022

ꓧꓶꓽ ꓗꓴꓷꓼ ꓢꓧꓮꓠ-ꓧꓲꓠꓰ ꓡꓳ ꓒꓱ ꓗꓪ ꓟꓲ ꓠꓯ ꓕꓯ ꓢꓲ ꓗꓪ ꓓ ꓪꓴꓸ ꓚꓳꓦꓲꓓ-19 ꓠꓸꓹ ꓐꓶ ꓓꓲ ꓗꓽ ꓠꓵꓽ ꓠꓯꓺ ꓞꓲꓼ ꓔꓯ ꓡꓳꓹ ꓬꓰ ꓟ 26 ꓠꓬꓲꓽ ꓕꓯ ꓓ ꓪꓴꓸ ꓖꓶ ꓗꓷ ꓐꓰ ꓢꓷꓸ ꓪ ꓡꓳ= ꓠꓯꓸꓹ ꓞꓲꓼ ꓕꓵꓸ ꓗꓸ ꓟꓽ ꓐ_ ꓟ ꓠꓸꓹ ꓐꓶ ꓓꓲ ꓗꓽ ꓠꓯꓺ ꓞꓲꓼ ꓠꓬ ꓚꓳꓦꓲꓓ-19 ꓠꓸꓹ ꓐꓶ ꓓꓲ ꓗꓽ ꓠꓯꓺ ꓞꓲꓼ ꓟꓽ ꓗꓸ ꓟꓴ ꓢꓱ ꓢꓴ ꓐꓴ ꓐꓱ ꓶ ꓮ ꓘꓶꓸ ꓙꓲ ꓖꓴ ꓙꓳ_ ꓟ ꓥ ꓡꓳ ꓐꓰ ꓧꓶꓽ ꓓꓳꓽ ꓗꓪ ꓐꓯ ꓔ ꓡꓳ= ꓕꓱ ꓠꓯꓺ ꓞꓲꓼ ꓔꓯ ꓠꓬ ꓧꓶꓽ ꓜꓰ-ꓳ-ꓠꓯꓺ ꓞꓲꓼ Company ꓗ-ꓢꓲ-ꓠꓳ-ꓐꓮꓲ-ꓪꓳ-ꓡꓳ-ꓙ ꓡꓰ ꓫꓬꓹ ꓦ ꓟ ꓥ ꓢꓲ꓾ ꓡ ꓠ ꓟ 11 ꓦ ꓕꓯ ꓐꓴ-ꓢ-ꓔ ꓠꓯꓺ ꓞꓲꓼ ꓐꓰ ꓐꓯ ꓢꓲ꓾ ꓣꓱꓽ ꓠꓹ ꓟ ꓐꓯ ꓘꓶꓽ ꓞꓰꓹ ꓗꓷ ꓟ ꓥꓳ=