ꓧꓶꓽ ꓗꓴꓷꓼ ꓢꓯ-ꓬ ꓡꓳ ꓒꓱ ꓗꓪ ꓟꓵꓽ ꓚꓳ ꓔꓬ ꓟ ꓪꓰꓻ ꓤ 80000 ꓣꓳ ꓟꓽ ꓞꓲꓺ ꓠꓬ ꓡꓳ ꓒꓱ ꓘꓴꓽ ꓗꓪ ꓐꓰ ꓓꓳ ꓙꓰ ꓟꓽ ꓐ ꓡ ꓟ

ꓧꓶꓽ ꓗꓴꓷꓼ ꓢꓯ-ꓬ ꓡꓳ ꓒꓱ ꓗꓪ ꓟꓵꓽ ꓚꓳ ꓔꓬ ꓟ ꓪꓰꓻ ꓤ 80000 ꓣꓳ ꓟꓽ ꓞꓲꓺ ꓠꓬ ꓡꓳ ꓒꓱ ꓘꓴꓽ ꓗꓪ ꓐꓰ ꓓꓳ ꓙꓰ ꓟꓽ ꓐ ꓡ ꓟ

ꓧꓶꓽ ꓗꓴꓷꓼ ꓖꓴ ꓟꓶꓸ ꓗꓪ ꓙꓳˍ ꓟ ꓢꓯ-ꓬ ꓡꓳ ꓒꓱ ꓗꓪ ꓟꓽ ꓟꓶ ꓫꓵ ꓟ ꓦꓬꓼ ꓠꓬꓲ ꓕꓯ ꓚꓳꓦꓲꓓ 19 ꓠꓻ ꓬꓲ ꓓꓽ ꓟ ꓒꓬꓱꓼ ꓡꓰ ꓢꓲ ꓠꓻ ꓗꓽ ꓕꓸ ꓟ ꓔꓯ ꓧꓶꓸ ꓕꓯ ꓟ ꓕꓯꓽ ꓢꓲ ꓬꓰ ꓔꓬ ꓟ ꓑꓶꓸ ꓓꓴ ꓡ ꓞꓳ ꓬꓲ ꓔꓴ ꓣꓳ ꓛꓲꓺ ꓠꓬ ꓬꓲ ꓪ ꓟꓵꓽ ꓚꓳꓺ ꓙꓰˍ ꓟ ꓗꓪ ꓘꓶꓽ ꓡꓶꓽ ꓓꓴ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓗꓴꓷꓼ ꓖꓴ ꓟꓶꓸ ꓧꓮꓲ-ꓠꓯ ꓟꓵꓽ ꓫꓴ ꓗꓪ ꓙꓳˍ ꓟ ꓢꓯ-ꓬ ꓡꓳ ꓒꓱ ꓗꓪ 8 ꓦ 4 ꓠꓬꓲ ꓟꓳꓼ ꓡꓳ ꓗꓪ ꓐꓰ ꓪꓴꓸ ꓔꓴ ꓢꓲ ꓠꓻ ꓐꓶꓽ ꓓꓲꓻ ꓙꓳ ꓡꓰ ꓢꓴ ꓬꓲ ꓫꓵꓼ 107 ꓣꓳ ꓙꓳˍ ꓟ ꓔꓯ CCTV ꓓꓳꓽ ꓦ ꓔꓶꓸ ꓗꓪ ꓐꓰ ꓐꓯ ꓑꓶ ꓗꓷꓳ=

ꓧꓮꓲ-ꓠꓯ ꓟꓵꓽ ꓫꓴ ꓗꓪ 8 ꓦ 5 ꓠꓬꓲ ꓕꓯ ꓠꓻ ꓐꓶꓽ ꓓꓲꓻ ꓙꓳ ꓢꓴ ꓞꓳ ꓠꓻ 262 ꓣꓳ ꓐꓰ ꓢꓯ-ꓬ ꓡꓳ ꓒꓱ ꓗꓪ 229 ꓣꓳ ꓟꓳꓻ ꓗꓷ ꓟ ꓔꓯ ꓖꓳ ꓗꓪ ꓟ ꓠꓯꓻ ꓞꓲꓼ ꓗꓳ-ꓟ-ꓫꓲ ꓡꓰ ꓐꓯ ꓡꓳ= ꓧꓶꓽ ꓦ-ꓪꓮꓲ-ꓲ ꓐꓰ ꓐꓯ ꓔ ꓟ ꓢꓯ-ꓬ ꓡꓳ ꓒꓱ ꓠꓬ ꓚꓳꓦꓲꓓ-19 ꓠꓻ ꓟꓬꓽ ꓡˍ ꓟ ꓔꓯ ꓗꓽ ꓕꓸ ꓠꓹ ꓟ 8 ꓦ 6 ꓠꓬꓲ ꓠꓯꓼ ꓕꓯ ꓡꓰ ꓪꓴꓸ ꓔꓴ ꓗꓷ ꓠꓬꓲ꓾ ꓡ ꓞꓳ 100 ꓫꓬꓹ ꓟꓽ ꓛꓲ ꓙꓳˍ ꓟ ꓧꓮꓲ-ꓠꓯ ꓟꓵꓽ ꓫꓴ ꓗꓪ ꓟꓵꓽ ꓚꓳ ꓢꓴ ꓪꓰꓻ ꓤ 80000 ꓣꓳ ꓛꓲꓺ ꓐꓱ ꓓꓹ ꓟ ꓥ ꓡꓳ ꓐꓰ ꓡꓳ ꓒꓱꓽ ꓙꓵꓽ ꓢꓲꓽ ꓒ ꓦꓯꓹ-ꓫꓲ-ꓖꓯꓹ ꓡꓰ ꓐꓯ ꓡꓳ= ꓘꓳ ꓫꓱ ꓫꓱˍ ꓐꓰ ꓠꓷꓼ ꓡꓰ ꓢˍ ꓟ ꓳ-ꓟꓲ-ꓘ-ꓣꓴ ꓐꓮ5ꓸ1ꓸ3 ꓔꓯ ꓟꓵꓽ ꓫꓴ ꓘꓴꓽ ꓗꓪ ꓬꓲ ꓪꓴꓸ ꓕꓲ ꓧꓪꓹ ꓟꓳˍ ꓟ ꓥ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓔꓯ Global Times ꓓꓳꓽ ꓗꓪ ꓐꓯ ꓟꓸ ꓖꓶ ꓔ ꓡꓳ=