ꓩ-ꓣꓴ-ꓢꓳ ꓐꓶ ꓓꓵꓽ ꓕꓲ ꓛꓱꓽ ꓗꓪ ꓢꓳ ꓤ ꓐꓴ ꓔꓯ ꓠꓲꓹ ꓟ ꓛꓵꓹ ꓔꓴ ꓖꓶˍ ꓟ ꓢꓳ ꓜꓲꓼ ꓓꓴ ꓕꓲ ꓟ ꓒꓴ ꓖꓶ ꓔꓬꓹ ꓟ

ꓬꓲꓼ ꓞꓲꓼ 10 ꓘꓳꓼ ꓖꓳ ꓑꓳꓸ ꓙꓳˍ ꓟ ꓤ ꓠꓱ ꓤ ꓐꓴ ꓔꓯ ꓢꓳ ꓜꓲꓼ ꓓꓴ ꓬꓰ ꓖꓶˍ ꓟ ꓗꓪ ꓐꓰ ꓬꓲ ꓪ ꓐꓴ ꓧꓳꓽ ꓪꓴꓸ ꓟꓴˍ ꓟ ꓚꓱꓹ ꓗꓪ ꓪꓴꓽ ꓟꓴ ꓡ ꓠꓹ ꓟ꓾ ꓧꓪꓽ ꓖꓳ ꓓꓱꓽ ꓔꓬꓹ ꓢ ꓚꓱꓹ꓾ ꓤ ꓑ ꓤ ꓐꓰ ꓤ ꓟꓶ ꓤ ꓪ ꓙꓵꓽ ꓪ ꓔꓲ ꓟꓴꓸ ꓟꓶ ꓡꓰ ꓠꓹ ꓟ꓾ ꓠꓲꓹ ꓟ ꓔꓬꓹ ꓢ ꓚꓱꓹ ꓾ ꓙ ꓡꓯ ꓘꓳꓹ ꓟ ꓚꓱꓹ ꓐꓴ ꓗꓪ ꓟꓸ ꓖꓶ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓟꓸ ꓖꓶˍ ꓟ ꓗꓪ ꓬꓲ ꓕꓲꓽ ꓟꓴ ꓕꓲ ꓟ ꓔꓯ ꓕꓲ ꓠꓬꓲ ꓬꓲ ꓙꓵꓹ ꓣꓴ ꓢꓲ ꓟꓸ ꓖꓶ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ= ꓬꓲ ꓔ ꓕꓲꓽ ꓔ ꓗꓪ 4 ꓠꓬꓲ ꓛꓲꓺ ꓟꓸ ꓖꓶ ꓔꓬ ꓟ ꓥ ꓢꓲ꓾ ꓩ-ꓣꓴ-ꓢꓳ ꓐꓶ ꓓꓵꓽ ꓕꓲ ꓛꓱꓽ ꓗꓪ ꓡꓰꓽ ꓟꓽ ꓞꓲꓺ ꓠꓱꓸ ꓐꓯ ꓗꓪˍ ꓟꓲ ꓟꓸ ꓖꓶ ꓐ ꓡ ꓠꓹ ꓟ ꓢꓯꓼ ꓕꓵꓼ ꓔꓬ ꓥ ꓟꓲ ꓒꓴ ꓣꓱꓽ ꓞꓹ ꓟ ꓫꓵꓽ ꓪꓴ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

Source: Kantarawaddy Times