ꓪꓮꓲ-ꓟꓮꓪ ꓡꓳ ꓒꓱ ꓗꓪ ꓡ-ꓛꓬꓲ ꓞꓳ ꓡꓱ ꓐꓴ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓑꓮꓲꓽ ꓬꓰˍ ꓟ

ꓬꓲ ꓔꓶ ꓙꓱꓼ ꓠꓬ ꓞꓳ ꓡꓱ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓪ ꓜꓲ ꓢꓷꓸ ꓡꓰ ꓠꓹ ꓟ꓾ ꓬꓽ ꓒꓲꓸ ꓚꓳꓸ ꓑ ꓣꓱꓽˍ ꓟ ꓗꓪ ꓐꓰ ꓡꓲꓹ ꓙꓰ ꓟꓶ ꓠꓹ ꓟ ꓐꓰ ꓧꓪꓽ ꓖꓳ ꓓꓱꓽ ꓢꓯꓼ ꓙꓳ ꓪꓽ ꓠꓬꓲ ꓡ ꓠꓹ ꓟ ꓐꓱ ꓶ ꓔꓶ ꓙꓱꓼ ꓗꓷ ꓢꓲ ꓬꓰ ꓖꓶ ꓔꓬ ꓟ ꓥ ꓡꓳ꓾ ꓐꓰ ꓢꓽ ꓡ ꓙꓵꓽ ꓜ-ꓢꓧꓲ-ꓧꓗꓮꓪꓠ-ꓬꓰꓲꓠ ꓡꓰ ꓐꓯˍ ꓡꓳ=

ꓡ-ꓛꓬꓲ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓗꓳ-ꓟ-ꓔꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓞꓳ ꓡꓱ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓑꓮꓲꓽ ꓬꓰ ꓖꓶˍ ꓟ ꓠꓬ ꓮ ꓟꓶ ꓬꓲ ꓪꓴꓸ ꓕꓲ ꓧꓪꓹ ꓬꓰˍ ꓟ ꓥ ꓢꓲ꓾ ꓡ ꓠꓹ ꓟ ꓘꓳꓼ ꓗꓪ ꓥˍ ꓟꓲ ꓝ ꓢꓲ ꓬꓰ ꓖꓶ ꓠꓹ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=