ꓬꓲꓻ ꓙꓬ ꓡꓳ ꓗꓪ ꓖꓳ ꓓꓱꓽ ꓞꓲꓽ ꓤ ꓬꓰ ꓟ ꓕꓲ ꓦꓲꓸꓹ ꓢꓴ 3 ꓣꓳ ꓬꓲ ꓙꓬ ꓔꓲꓹ ꓢꓲ ꓫꓵꓸꓹ ꓡꓰˍ ꓟ ꓓꓳꓽ

Tuesday, March 21, 2023

Bago ꓗꓴꓷꓼ ꓫꓴꓺ Nat Tlin ꓡꓳ ꓒꓱ ꓗꓪ ꓬꓲ ꓙꓬ ꓡꓳ ꓗꓪ ꓖꓳ ꓓꓱꓽ ꓞꓲꓽ ꓤ ꓬꓰ ꓟ ꓪꓴꓸ ꓠꓬꓲ ꓡꓳꓹꓬꓰ ꓟ 2023 ꓘꓳꓼ 3 ꓦ 19 ꓕꓯ ꓕꓲ ꓦꓲꓸꓹ ꓢꓴ ꓤ ꓟꓶ ꓤ 3 ꓣꓳ ꓬꓲ ꓙꓬ ꓔꓲꓹ ꓢꓲ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ= ꓬꓲꓸ ꓐꓹ ꓐ ꓐꓰ 9 ꓘꓳꓼ ꓛꓲ ꓡꓳꓼ ꓟ ꓤ ꓠꓱ ꓤ ꓠꓬꓲ ꓣꓳ ꓡꓰ ꓤꓰ ꓡꓰꓳ ꓐꓰ ꓐꓯ ꓡꓳ=

ꓬꓲ ꓪ ꓕꓲ ꓦꓲꓸꓹ ꓢꓴ ꓖꓳ ꓓꓱꓽ ꓞꓲꓽ ꓤ ꓬꓰ ꓟ ꓔꓶꓸ ꓠꓬ ꓡꓳꓹ ꓬꓰ ꓟ ꓕꓲ ꓠꓽ ꓘꓴꓽ ꓗꓪ ꓠꓱꓸ ꓦꓱꓽ ꓮ ꓟꓬꓹ ꓔꓯ ꓦꓱꓹ ꓦ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓬꓲ ꓪꓴ ꓕꓯ ꓠꓬ ꓤ ꓟꓶ ꓤ ꓠꓬꓲ ꓣꓳ ꓡꓰ ꓬꓲ ꓙꓬ ꓔꓲꓹ ꓢꓲ ꓫꓵꓸꓹ ꓡꓰ ꓟ ꓥ ꓢꓲ꓾ ꓤ ꓠꓱ ꓤ ꓕꓲ ꓣꓳ ꓠꓬ ꓢꓯꓸ ꓔꓬ ꓢꓰ ꓟ ꓪꓴꓸ ꓠꓬꓲ ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓧꓳꓽ ꓩꓴ ꓖꓶ ꓥ ꓟꓲ ꓠꓸꓹ ꓓꓴ ꓡꓰ ꓟ ꓮ ꓘꓶꓸ ꓙꓳˍ ꓟ ꓪꓴꓸ ꓠꓬꓲ ꓖꓳ ꓗꓪ ꓫꓵꓻ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓬꓲ ꓙꓬ ꓔꓲꓹ ꓢꓲ ꓫꓵꓸꓹ ꓡꓰ ꓢꓴ 3 ꓣꓳ ꓔꓯ Nat Tlin ꓗꓪ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓫꓵꓸꓹ ꓟꓳ ꓫ ꓖ ꓗꓪ ꓧꓳꓽ ꓩꓴ ꓖꓶ ꓗꓷ ꓐꓰ ꓢꓷꓸ ꓪ ꓡꓳ=