ꓬꓴ-ꓗ-ꓣꓲꓸ ꓡꓳ ꓒꓱ ꓓꓽ ꓟ ꓮ ꓟꓬꓹ ꓔꓯ ꓣ-ꓫ ꓡꓰ ꓐꓳꓽ ꓐꓶ ꓔꓬ ꓟ ꓓꓳꓽ

ꓮ ꓟꓰ ꓕꓯ ꓬꓴ-ꓗ-ꓣꓲꓸ ꓡꓳ ꓒꓱ ꓓꓽ ꓟ ꓮ ꓟꓬꓹ ꓔꓯ ꓣ-ꓫ ꓟꓯꓼ ꓐꓴ ꓡꓰ ꓐꓳꓽ ꓐꓶ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓣ-ꓫꓸ ꓓꓽ ꓖꓴꓽ ꓔꓯꓐꓶ ꓛꓬꓹ ꓩꓴ ꓡ ꓟ ꓔꓯ ꓪꓽ ꓛꓴ ꓝꓱꓹ ꓟ ꓥ ꓡꓳ꓾ ꓐꓰ ꓣ-ꓫ ꓫꓵꓽ ꓓꓳꓽ ꓗꓪ ꓐꓳ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓬꓴ-ꓗ-ꓣꓲꓸ ꓗꓪ ꓐꓳꓽ 190 ꓕꓶꓹ ꓟꓽ ꓞꓲ ꓑꓳꓺ ꓡ ꓢꓲ ꓑ ꓫꓬ 9 ꓣꓳ ꓫꓵꓻꓳ꓾ ꓐꓰ ꓐꓯ ꓡꓳ=  ꓮ ꓔꓳꓸ ꓙꓼ ꓢꓯꓼ ꓟꓽ ꓙꓳ ꓡꓰ ꓠꓯ ꓞꓲꓹ ꓡꓰ ꓟ ꓡꓳ ꓒꓱ ꓟꓵꓽ ꓮ ꓟꓬꓹ ꓙꓳ ꓡꓰꓳ꓿ ꓣ-ꓫ ꓡꓰ ꓬꓲꓸ ꓗꓴꓷꓼ ꓗꓪ ꓔꓺ ꓗꓷꓳ ꓐꓯ ꓔꓸ ꓟ ꓟꓵꓽ 3 ꓘꓴꓸ ꓔꓯ ꓬꓴ-ꓗ-ꓣꓲꓸ ꓡꓰ ꓟꓽ ꓢꓰꓼ ꓠꓽ ꓡ ꓕ ꓑꓳꓸ ꓟꓬꓽ ꓠꓬꓲ ꓪꓽ ꓠꓬꓲˍ ꓟ ꓐꓳꓽ ꓐꓶ ꓓꓴ ꓥꓳ ꓐꓰ ꓣ-ꓫꓸ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓣꓴ-ꓗ-ꓣꓲꓸ ꓗꓴꓷꓼ ꓪꓴꓸ ꓓꓵ ꓣꓱꓽ ꓢꓴ ꓥ ꓟ  ꓜ-ꓡꓯꓹ-ꓢꓲ-ꓗꓲ ꓡꓰ ꓣ-ꓫ ꓗꓴꓷꓼ ꓪꓴꓸ ꓓꓵ ꓣꓱꓽ ꓢꓴ ꓥ ꓟ  ꓑꓴ-ꓔꓲ ꓢꓯꓸ ꓔꓬ ꓕ ꓑꓳꓸ ꓖꓪ ꓙꓱꓻ ꓓꓴ ꓟꓽ ꓬꓰ꓾ ꓐꓯ ꓡꓽ ꓔꓸ ꓡꓳ ꓐꓰ ꓢꓷꓸ ꓪ ꓡꓳ=