29 ꓘꓳꓼ ꓡꓳ; ꓟ ꓢꓑꓮꓲꓠ ꓗꓴꓷꓼ ꓗꓪ ꓟ ꓕꓲꓸꓸ ꓒ ꓕꓲ ꓣꓳ ꓟꓳ-ꓓꓳ ꓙꓵꓽ ꓡꓰ ꓢꓲ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓟ ꓓꓳꓽ

Monday, October 24, 2022

ꓡꓳꓹ ꓬꓰ ꓟ ꓠꓽ ꓫꓵꓽ ꓠꓬꓲ ꓕꓯ ꓢꓑꓮꓲꓠ ꓗꓴꓷꓼ ꓗ-ꓑ-ꓣꓳ-ꓢꓳ ꓑ ꓕꓲ ꓗꓪ ꓟꓳ-ꓓꓳ ꓙꓵꓽ ꓡꓰ ꓟ ꓪꓴꓸꓠꓬꓲ 29 ꓘꓳꓼ ꓡꓳꓼ_ ꓟ ꓗ-ꓕꓳ-ꓡꓲꓗ ꓕꓲꓸꓸ ꓒ ꓥ ꓟ ꓕꓲꓸꓸ ꓒ Renato Nahuel Bettini ꓠꓬ ꓧꓪꓽ ꓖꓳ ꓓꓱ ꓡꓳꓹ ꓬꓰꓳ ꓐꓰ ꓢꓷꓸ ꓪ ꓡꓳ= ꓠꓯꓺ ꓞꓲꓼ ꓦꓲꓸꓹ ꓗꓪ ꓧꓳꓽ ꓔꓯꓹ ꓙꓰ ꓥ ꓟꓲ ꓠꓸꓹ ꓓꓴ ꓡꓰ ꓟ ꓮ ꓟꓬꓹ ꓗꓷ ꓡꓰ ꓟ ꓪꓴꓸ ꓠꓬꓲ ꓙ ꓖꓴ ꓕꓲ ꓕꓱ ꓗꓪ ꓧꓪꓽ ꓖꓳ ꓒꓱ ꓡꓳꓹ ꓬꓰ ꓟ ꓥ ꓡꓳ ꓐꓰ ꓐꓯ ꓡꓳ=
ꓕꓲꓸꓸ ꓒ ꓬꓲꓸ ꓦꓵ ꓖ ꓠꓬ ꓮ-ꓖ-ꓓ-ꓠ ꓗꓪ ꓐꓰ ꓥ ꓢꓲ꓾ ꓡꓳꓹ ꓬꓰ ꓟ 6 ꓦ ꓕꓯ ꓕꓲꓸꓸꓒ ꓙꓵꓽ ꓪ ꓔꓯ ꓘꓳꓹ ꓣꓴ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓕꓲꓸꓸ ꓒ ꓠꓬ Pamplona ꓗꓪ ꓙꓳˍ ꓟ Redemptoris Mater ꓔꓲꓸꓸꓒ ꓢꓳ ꓙꓳ ꓗꓪ ꓢꓷꓸ ꓠꓲꓹ ꓢꓳ ꓣꓴ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=