Kachin ꓗꓴꓷꓼ ꓫꓴꓸꓹ ꓤ ꓟꓶ ꓤ ꓡꓳ ꓖꓪꓻ ꓜꓴ ꓠ-ꓬ-ꓗ ꓡꓯ ꓫꓴꓸꓹ꓾ ꓤ ꓟꓶ ꓤ ꓑꓰꓹ ꓡꓴꓸ ꓑꓰꓹ ꓔꓯꓺ ꓑꓮꓲꓽ ꓬꓰ ꓠꓹ ꓟ ꓓꓳꓽ

Kachin ꓗꓴꓷꓼ ꓫꓴꓸꓹ ꓤ ꓟꓶ ꓤ ꓡꓳ ꓖꓪꓻ ꓜꓴ ꓠ-ꓬ-ꓗ ꓡꓯ ꓫꓴꓸꓹ꓾ ꓘ-ꓬꓮꓲꓠꓖ ꓮ ꓙꓵꓽ (ꓴ-18) ꓤ ꓟꓶ ꓤ ꓑꓰꓹ ꓡꓴꓸ ꓑꓰꓹ ꓔꓯꓸꓸ ꓑꓮꓲꓽ ꓔꓯ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓬꓰ ꓓꓴ ꓥꓳ ꓐꓰ ꓡꓳ ꓖꓪꓻ ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=ꓡ ꓠꓹ ꓟ 11 ꓦ ꓕꓯ ꓡꓳ ꓖꓪꓻ ꓔꓯꓺ ꓡꓯ ꓘꓳꓽ ꓢꓴ ꓐꓴ ꓔꓯ ꓠꓬ ꓗꓴꓷꓼ ꓐꓰ ꓡꓳ ꓒꓱ ꓬꓲꓸ ꓛꓲ ꓢꓲ ꓠꓹ ꓟ ꓐꓱ ꓶ ꓡꓳ ꓖꓪꓻ ꓓꓴ ꓕꓱ ꓟ ꓔꓯ ꓬꓰˍ ꓟ ꓥ ꓡꓳ ꓐꓰ ꓡꓳ ꓖꓪꓻ ꓢꓴ ꓜꓴ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=ꓕꓱ ꓡꓳ ꓖꓪꓻ ꓓꓴ ꓔꓯ ꓠꓬ Kahcin ꓗꓴꓷꓼ ꓫꓴꓸꓹ ꓑꓰꓹ ꓡꓴꓸ ꓑꓰꓹ ꓔꓯꓺ ꓔꓶꓸ ꓗꓪ 10 ꓦ ꓟ 6 ꓠꓬꓲ ꓗꓪ ꓐꓰ 11 ꓦ 13 ꓠꓬꓲ ꓗꓪ ꓛꓲ ꓡꓳ ꓖꓪꓻ ꓡꓯ ꓘꓳ ꓓꓴ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓳ ꓖꓪ ꓓꓴ ꓔꓯ ꓠꓬ ꓟꓶ-ꓚꓲ-ꓠ ꓘ-ꓬꓮꓲꓠꓖ꓾ ꓑꓴ-ꓔ-ꓳ ꓘ-ꓬꓮꓲꓠꓖ꓾ ꓟꓳꓹ-ꓠꓬꓲꓹ ꓘ-ꓬꓮꓲꓠꓖ ꓐꓰ ꓐ-ꓟꓮꓪ ꓘ-ꓬꓮꓲꓠꓖ ꓗꓪ ꓟ ꓜꓴ (4) ꓜꓴ ꓗꓪ ꓐꓰ ꓡꓳ ꓖꓪꓻ ꓠꓹ ꓟ ꓥ ꓢꓲ ꓠꓬꓲ꓾ ꓠ ꓑ 1 ꓡꓯꓼ ꓫꓴꓻ ꓠꓬ 10 ꓫꓬꓹ꓾ ꓠ ꓑ 2 ꓠꓬꓲ 7 ꓫꓬꓹ ꓗꓪ ꓛꓲꓺ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=