Mandalay ꓡꓳ ꓒꓱ ꓗꓪ ꓟꓶ: ꓞ ꓮ ꓘꓶ. ꓐꓻ ꓡ ꓟ ꓑꓶ ꓓꓴ ꓫꓵꓻ ꓢꓴ ꓐꓰ ꓠꓻ ꓢꓴ ꓟꓬ ꓡ ꓔꓬ ꓟ ꓓꓳ:

Mandalay ꓡꓳ ꓒꓱ ꓗꓪ ꓟꓶ: ꓞ ꓮ ꓘꓶ. ꓐꓻ ꓡ ꓟ ꓑꓶ ꓓꓴ ꓫꓵꓻ ꓢꓴ ꓐꓰ ꓠꓻ ꓢꓴ ꓟꓬ ꓡ ꓔꓬ ꓟ ꓓꓳ:

ꓕꓱ ꓕꓲ ꓙꓵꓹ ꓬꓲ ꓘꓴ: ꓗꓪ Mandalay ꓡꓳ ꓒꓱ ꓗꓪ ꓟꓶ: ꓞ ꓮ ꓘꓶ. ꓐꓻ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓐꓴ ꓐꓰ ꓠꓻ ꓢꓴ ꓮ ꓘꓶ. ꓟꓬ ꓡ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓟ: ꓞꓲ ꓠꓱ. ꓐꓯꓼ ꓗꓴꓷꓼ ꓫꓴꓻ ꓐꓰ ꓡꓳ ꓒꓱ ꓗꓪ ꓥ ꓟꓲ ꓕꓱ ꓟ ꓡꓰ ꓐꓰ ꓟꓶ: ꓞ ꓮ ꓘꓶ. ꓞꓻ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓮ ꓘꓶ. ꓞ ꓡ ꓟ ꓑꓶ ꓓꓴ ꓠꓻ ꓓꓴ ꓑꓬ ꓓꓴ ꓔꓳꓹ ꓜꓳ ꓡ ꓕꓯ ꓠꓯꓺ ꓞꓲꓻ ꓦꓲꓻ ꓗꓪ ꓞ ꓞ ꓙꓰ ꓠꓹ ꓟ ꓠꓯꓺ ꓞꓲꓻ ꓟꓬꓱ: ꓣꓱ: ꓜꓴ ꓐꓰ ꓟꓵ: ꓘꓳꓼ ꓚꓱꓹ ꓔꓯ ꓟꓳ. ꓟꓬꓱ: ꓬꓰ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=

ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ ꓠꓬ ꓠꓻ ꓫꓵ ꓙꓳ ꓢꓴ ꓐꓰ ꓞꓲꓼ ꓟꓳ: ꓡꓰ ꓢꓴ ꓐꓴ ꓡꓰ ꓫꓵꓻ ꓥ ꓟꓲ ꓮ ꓟꓶ ꓠꓬ ꓞꓳ ꓟꓳ: ꓙꓳ ꓡꓱ ꓤ ꓠꓱ ꓮ ꓙꓵ ꓟꓶ: ꓞ ꓮ ꓘꓶ. ꓞꓻ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓮ ꓘꓶ. ꓟꓬ ꓡ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓖꓳ ꓟ ꓑꓶ ꓓꓴ ꓤ ꓟꓳ ꓓꓴ ꓬꓰ ꓡꓯ ꓐꓰ ꓠꓯꓺ ꓞꓲꓻ ꓟꓬꓱ: ꓣꓱ: ꓜꓴꓻ ꓐꓴ ꓡꓰ ꓐꓯ ꓩꓴ ꓡꓳ ꓐꓰ ꓢꓷ. ꓪ ꓡꓳ=