Mohnyin ꓡꓳ ꓒꓱ ꓗꓪ ꓟꓶꓽ ꓦ ꓦ ꓟꓲꓽ ꓦꓲꓸꓹ ꓙꓱꓼ ꓡ ꓟ ꓪꓴ ꓠꓬꓲ ꓞꓳ ꓦꓲꓸꓹ13 ꓦꓲꓸꓹ ꓐꓬ ꓡꓰˍ ꓟ ꓓꓳꓽ

ꓗꓮꓚꓧꓲꓠ ꓗꓴꓷꓼ ꓫꓴꓸꓹ Mohnyin ꓡꓳ ꓒꓱ ꓗꓪ ꓡꓳꓹ ꓬꓰ ꓟ 2023 ꓘꓳꓼ 3 ꓦ ꓟ 18 ꓠꓬꓲ ꓕꓯ ꓟꓶꓽ ꓦ ꓦ ꓟꓲꓽ ꓦꓲꓸꓹ ꓙꓱꓼ ꓡ ꓟ ꓪꓴ ꓠꓬꓲ ꓞꓳ ꓦꓲꓸꓹ13 ꓦꓲꓸꓹ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓟꓶꓽ ꓦ ꓦ ꓟꓲꓽ ꓦꓲꓸꓹ ꓙꓱꓼ ꓡ ꓟ ꓪꓴ ꓠꓬꓲ Mohnyin ꓡꓳ ꓒꓱ Hell Lone ꓞꓳ ꓘꓹ ꓗꓪ ꓞꓳ ꓦꓲꓸꓹ ꓮ ꓟꓬꓹ ꓦꓲꓸꓹ ꓐꓬ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸꓪ ꓡꓳ=

ꓟꓶꓽ ꓦ ꓦ ꓪ ꓡꓴꓸ ꓜꓯꓼ꓾ ꓟꓲꓽ ꓦꓲꓸꓹ ꓙꓱꓼ  ꓥ ꓟꓲ ꓞꓳ ꓦꓲꓸꓹ ꓡꓰ ꓐꓬ ꓡꓰ ꓟ ꓥ ꓢꓲ ꓞꓳ ꓤ ꓐꓰ ꓙꓶꓽ ꓤ ꓐꓴ ꓠꓬ ꓠꓸꓹ ꓓꓴ ꓡꓰ ꓓꓴ ꓟ ꓙꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=