Nepal ꓗꓴꓷꓼ ꓗꓪ ꓟꓶ: ꓦ ꓜꓯꓼ ꓬꓲꓻ ꓙꓬ ꓙꓵ: ꓡꓳ ꓧꓳꓹ ꓧꓳꓹ ꓡ ꓟ ꓑꓶ. ꓓꓴ 2 ꓣꓳ ꓫꓵꓻ 28 ꓣꓳ ꓟꓶ ꓡꓰ ꓔꓬ ꓟ ꓓꓳ:

Nepal ꓗꓴꓷꓼ ꓗꓪ ꓟꓶ: ꓦ ꓜꓯꓼ ꓬꓲꓻ ꓙꓬ ꓙꓵ: ꓡꓳ ꓧꓳꓹ ꓧꓳꓹ ꓡ ꓟ ꓑꓶ. ꓓꓴ 2 ꓣꓳ ꓫꓵꓻ 28 ꓣꓳ ꓟꓶ ꓡꓰ ꓔꓬ ꓟ ꓓꓳ: ꓟꓶ: ꓦ ꓜꓯꓼ ꓬꓲꓻ ꓙꓬ ꓙꓵ: ꓡꓳ ꓧꓳꓹ ꓧꓳꓹ ꓡ ꓟ ꓑꓶ. ꓓꓴ Nepal ꓗꓴꓷꓼ ꓗꓪ ꓑ ꓫꓬ 2 ꓣꓳ ꓫꓵꓻ 28 ꓣꓳ ꓟꓶ: ꓡꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓫꓵꓻ ꓡꓰ ꓢꓴ ꓠꓯ.ꓼ ꓗꓪ ꓟ ꓕꓲ ꓣꓳ ꓠꓬ ꓮ ꓔꓳ. ꓙꓼ ꓔꓯ ꓫꓬꓹ ꓢꓴ ꓕꓲ ꓣꓳ ꓥ ꓢꓲ꓾ ꓝꓮꓲ 17 ꓣꓳ ꓥ ꓟꓲ ꓟꓶ: ꓡꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ=

ꓕꓱ ꓡꓱ ꓟꓶ: ꓦ ꓜꓯꓼ ꓬꓲꓻ ꓙꓬ ꓡꓳ ꓧꓳꓹ ꓧꓳꓹ ꓡ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓰ ꓟꓶ: ꓡꓰ ꓢꓴ ꓐꓴ ꓔꓯ ꓬꓰ ꓙ ꓢꓴ ꓜꓴ ꓐꓴ ꓐꓰ ꓕꓲ ꓠꓲꓹ ꓕꓲ ꓪ ꓧꓪ ꓔꓬ ꓡꓳ꓾ ꓖꓳ ꓡꓰ ꓐꓯ ꓥ ꓟꓲ ꓓ ꓖꓴ ꓮ ꓟꓬꓹ ꓐꓬ ꓡꓰ ꓟ ꓪꓴ. ꓠꓬꓲ ꓧꓪ ꓟꓶ ꓠꓹ ꓟ ꓟ: ꓢ ꓐꓰ Nepal ꓗꓴꓷꓼ ꓗꓪ ꓟ ꓟꓯꓼ ꓒ: ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓟꓵ: ꓘꓳꓼ ꓚꓱꓹ ꓔꓯ ꓟꓳ. ꓢꓷ. ꓠꓲꓹ ꓙꓳ ꓒ ꓐꓴ ꓡꓰ ꓐꓯ ꓟ ꓠꓬ ꓟꓶ: ꓦ ꓜꓯꓼ ꓟ ꓠꓬ ꓟ: ꓠ ꓠ ꓜꓯꓼ ꓡ ꓓꓴ ꓙꓳ ꓟ ꓑꓶ. ꓓꓴ ꓑ ꓫꓬ ꓐꓴ ꓙ ꓟꓳ ꓓꓴ ꓬꓰ ꓡꓯ ꓐꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=

 ꓡꓳꓹ ꓬꓰ ꓘꓳꓼ ꓗꓪ ꓥ ꓟꓲ ꓕꓱ ꓡꓱ ꓬꓲꓻ ꓙꓬ ꓙꓵ: ꓟ ꓔꓳꓹ ꓜꓳ: ꓗꓷ ꓢꓲ꓾ ꓑ ꓫꓬ ꓐꓴ ꓮ ꓟꓬꓹ ꓔꓬ ꓖꓴ ꓦꓲꓻ ꓟ: ꓙꓳ ꓗꓷ ꓡꓰ ꓟ ꓡꓰ ꓐꓰ ꓫꓵꓻ ꓢꓴ ꓐꓰ ꓟꓶ ꓡꓰ ꓢꓴ ꓮ ꓟꓬꓹ ꓙꓳ ꓡꓰ ꓟ ꓥ ꓐꓰ ꓢꓷ. ꓪ ꓡꓳ=