NYI. NYI M LI-SU DO:

1.ꓟꓶꓽ-ꓚꓲ-ꓠ ꓡꓳ ꓒꓱ ꓔꓮꓥ-ꓒꓯꓸ ꓘꓹ ꓗꓪ ꓟ ꓡꓴ-ꓓꓰ ꓟꓹ ꓟ ꓟ-ꓡꓲ ꓑꓮꓲꓽ ꓬꓰ ꓩꓴ ꓡˍ ꓟ 25 ꓘꓳꓼ ꓐꓲ ꓡꓰ ꓟ ꓓꓳꓽ

ꓠꓬꓲ ꓠꓬꓲ 2 ꓦ ꓟ 11 ꓠꓬꓲ ꓗꓪ ꓠꓬ ꓟꓶ-ꓚꓲ-ꓠꓽ ꓡꓳ ꓒꓱ ꓔꓮꓥ-ꓒꓯꓸ ꓘꓹ ꓗꓪ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓡꓴ-ꓓꓰ ꓟꓹ ꓟ ꓟ-ꓡꓲ ꓑꓮꓲꓽ ꓬꓰ ꓩꓴ ꓡˍ ꓟ 25 ꓘꓳꓼ ꓙꓳ ꓡꓰꓳ= 25 ꓘꓳꓼ ꓐꓲ ꓡꓰ ꓟ ꓙꓴ-ꓐꓲ-ꓡꓲ ꓑꓮꓲꓽ ꓔꓯ ꓠꓬꓲ ꓠꓬꓲ ꓠꓯꓼ 10ꓽ30 ꓗꓪ ꓑ ꓫꓬ ꓐꓴ ꓡꓰ ꓡꓳꓽ ꓢꓲ ꓟꓲ-ꓢ ꓪꓽ ꓘꓴ ꓑꓮꓲꓽ ꓬꓰ ꓗꓷꓳ= ꓟꓲ-ꓢ ꓪꓽ ꓘꓴˍ ꓟ ꓗꓪ ꓠꓬ ꓧꓪꓽ ꓖꓳ ꓓꓱꓽ ꓔꓬ ꓢ ꓓꓴ ꓐꓱ ꓶ ꓔꓶꓻ ꓙꓱꓼ ꓗꓷ ꓢꓲ ꓟꓰ ꓞꓶꓻ ꓟꓰ ꓖꓶˍ ꓟˍ ꓟꓲ ꓙꓳˍ ꓡꓳ= ꓧꓶꓸ ꓕꓯ ꓟ ꓦꓬꓼ ꓠꓬꓲ ꓗꓪ ꓠꓬ ꓑꓮꓲꓽ ꓔꓯ ꓠꓬꓲꓽ ꓠꓬꓲ ꓬꓰˍ ꓥ ꓟꓲ ꓮ ꓟꓶ ꓠꓬ  ꓠꓻ ꓫꓵꓽ ꓐꓰ ꓟꓵꓽ ꓘꓳꓼ ꓘꓶ ꓡꓶˍ ꓟ ꓪꓴꓸ ꓠꓬꓲ ꓕꓲ ꓠꓬꓲꓽˍ ꓡꓰ ꓬꓰ ꓐ ꓡˍ ꓟ ꓥ ꓡꓳ꓾ ꓐꓰ ꓢꓷꓸ ꓪˍ ꓡꓳ=

2.ꓡ-ꓫꓬꓳ ꓡꓳ ꓒꓱ ꓙꓬ-ꓟꓮꓲ ꓘꓹ ꓗꓪ ꓟ ꓦ ꓐ ꓡꓴꓸ ꓡꓴꓸ ꓢꓳꓺ ꓤ ꓜꓲꓼ ꓦꓲ ꓗꓪ ꓡꓲ-ꓢꓴ ꓤ ꓠꓱ ꓤ ꓐꓴ ꓔꓯ ꓡꓲ-ꓢꓴ ꓕꓳꓽ ꓶ ꓐꓰ ꓟꓴꓽ ꓖꓪ ꓚꓱꓹ ꓟꓸ ꓖꓶ ꓔꓬ ꓟ ꓓꓳꓽ

ꓡ-ꓫꓬꓳ ꓢꓽ-ꓢ-ꓠꓽ ꓡ-ꓫꓬꓳ ꓡꓳ ꓒꓱ ꓙꓬ-ꓟꓮꓲ ꓘꓹ ꓗꓪ ꓟꓸ ꓒ ꓐꓬ-ꓔ ꓝꓣꓮꓠꓚꓲꓢ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓒꓴ ꓔ ꓟ ꓦ ꓐ ꓡꓴꓸ ꓡꓴꓸ ꓢꓳꓻ ꓤ ꓜꓲꓼ ꓦꓲ ꓗꓪ ꓢꓳꓻ ꓤ ꓐꓴ ꓔꓯ ꓡꓲ-ꓢꓴ ꓕꓳꓽ ꓶ꓾ ꓟꓴꓽ ꓖꓪ ꓚꓱꓹ ꓐꓴ ꓔꓯ ꓟꓸ ꓖꓶ ꓔꓬ ꓡꓳ= ꓕꓱ ꓡꓱ ꓟꓸ ꓖꓶ ꓔꓬ ꓟ ꓠꓬ 7 ꓧꓪꓹ ꓕꓲ ꓧꓪꓹ ꓗꓪ ꓛꓲꓺ ꓡ ꓟ ꓥ ꓢꓲ ꓠꓬꓲ꓾ ꓡ-ꓫꓬꓳ ꓢꓽ-ꓢ-ꓠꓽ ꓟꓮꓥ-ꓔꓳꓥ ꓗꓪ ꓚꓳꓸ 6 ꓣꓳ꓾ ꓠ-ꓢ ꓡꓳ ꓒꓱ ꓑ-ꓟ-ꓚꓳ ꓗꓪ ꓚꓳꓸ 3 ꓣꓳ꓾ ꓠ-ꓟ-ꓔꓴ ꓡꓳ ꓒꓱ ꓗꓪ ꓚꓳ 3 ꓣꓳ꓾ ꓡ-ꓫꓬꓳ ꓡꓳ ꓒꓱ ꓗꓪ ꓚꓳ 2 ꓣꓳ꓾ ꓟꓴ-ꓖꓴ ꓡꓳ ꓒꓱ ꓗꓪ ꓚꓳ 2 ꓣꓳ ꓢꓳꓻ ꓣꓴ ꓔꓬ ꓟ ꓥ ꓡꓳ= ꓟꓵꓽ ꓘꓳꓼ ꓐꓰ ꓠꓻ ꓫꓵꓽ ꓑꓶꓸ ꓓꓴ ꓞꓳ ꓤ ꓮ ꓟꓬꓹ ꓜꓲꓼ ꓟꓽ ꓪ ꓠꓬꓲ 8 ꓧꓪꓹ ꓕꓲ ꓧꓪꓹ ꓟ ꓢꓳꓻ ꓜꓲꓼ ꓓꓴ ꓔꓯ ꓠꓬ ꓔꓮꓳ-ꓙꓬꓰ ꓡꓳ ꓒꓱ꓾ ꓟꓳꓸ-ꓠꓯꓹ ꓗꓪ ꓙꓰ ꓢꓲ ꓬꓰ ꓓꓴ ꓥꓳ꓾ ꓐꓰ ꓟꓸ ꓒ ꓡꓰ ꓐꓯ ꓖꓶ ꓡˍ ꓡꓳ=

3.ꓔꓲꓺ ꓒ ꓪ ꓔꓲ ꓡꓰ 2022 ꓘꓳꓼ ꓘꓴꓽ ꓗꓪ ꓬꓲ ꓪꓴꓸ ꓓꓴ ꓓꓳꓻ ꓙꓰˍ ꓟ꓾ ꓟꓵꓽ ꓚꓳꓻ ꓙꓰˍ ꓟ ꓔꓯ ꓟꓮꓡꓔꓮ ꓗꓪ ꓙꓰ ꓠꓹ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓠꓬ ꓡ ꓠꓹ ꓟ 4 ꓦ ꓕꓯ ꓟꓮꓡꓔꓮ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓔꓬ ꓗꓪ ꓚꓳꓻ ꓙꓰ ꓓꓴ ꓥꓳ꓾ ꓖꓳ ꓡꓱ ꓚꓳꓻ ꓙꓰˍ ꓟ ꓠꓬ ꓠꓬꓲꓽ ꓠꓬꓲˍ ꓡꓰꓽ ꓥ ꓡꓳ ꓐꓰ ꓐꓯ ꓑꓶ ꓔ ꓡꓳ= ꓬꓲ ꓞꓲꓼ 85 ꓘꓳꓼ ꓙꓳ ꓡꓰ ꓟ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓮꓡꓔꓮ ꓗꓴꓷꓼ ꓙꓵꓽ ꓢꓲꓽ ꓒ ꓖꓰꓳꓣꓖꓰ ꓦꓰꓡꓡꓮ ꓐꓰ ꓟꓮꓡꓔꓮ ꓗꓴꓷꓼ ꓗꓪ ꓟ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓡꓰ ꓘꓴ ꓔ ꓟ ꓔꓯ ꓓꓽ ꓔꓳꓹ ꓗꓷ ꓟ ꓔꓯ 2 ꓦ 10 ꓠꓬꓲ ꓕꓯ ꓬꓲ ꓪ ꓐꓴ ꓪꓰꓐꓢꓲꓔꓰ ꓗꓪ ꓐꓯ ꓔ ꓡꓳ=

4ꓸꓳꓟꓲꓚꓣꓳꓠ ꓚꓳꓦꓲꓓ ꓠꓻ ꓫꓵꓽ ꓠꓻ ꓢꓴ ꓬꓲ ꓫꓵꓼ 1307 ꓣꓳ ꓟꓬꓽ ꓡ ꓟ ꓓꓳꓽ

ꓮ ꓟꓰ 2 ꓦ 10 ꓠꓬꓲ ꓕꓯ ꓟꓬꓮꓠꓟꓮꓣ ꓗꓴꓷꓼ ꓠꓯ ꓞꓲꓼ ꓢꓲꓽ ꓒꓽ ꓐꓴ ꓡꓰ ꓳꓟꓲꓚꓣꓳꓠ ꓚꓳꓦꓲꓓ ꓠꓻ ꓢꓴ 1307 ꓣꓳ ꓟꓬꓽ ꓡꓺꓳ ꓐꓰ ꓐꓯˍ ꓡꓳ= ꓠꓻ ꓢꓴ ꓠꓬ ꓠꓱꓸ ꓐꓯꓼ ꓗꓴꓷꓼ ꓗꓪ ꓚꓳꓸ ꓡꓽ ꓡ ꓢꓴ ꓥˍ ꓡꓳ= 2020 ꓘꓳꓼ ꓗꓪ ꓚꓳꓸ ꓮ ꓟꓶ ꓗꓪ ꓛꓲ ꓚꓳꓦꓲꓓ-19 ꓠꓻ ꓢ-ꓴ ꓮ ꓙꓵꓽ ꓠꓬ 541904 ꓣꓳ ꓗꓷ ꓡꓰꓳ=