Sri Lanka ꓗꓴꓷꓼ ꓗꓪ ꓟ ꓗ-ꓕꓳ-ꓡꓲꓗ ꓔꓲꓺ ꓟ ꓕꓲ ꓣꓳ ꓗꓴꓷꓼ ꓗꓪ ꓐꓰ ꓖꓶ_ ꓟ ꓡꓯꓼ ꓫꓴꓺ ꓔꓯ ꓘꓳꓹ ꓣꓴ ꓟꓶ ꓟ ꓓꓳꓽ

ꓔ-ꓬꓲ-ꓡꓲ-ꓗ ꓗꓴꓷꓼ ꓗꓪ ꓟ ꓗ-ꓟꓬꓮ ꓗ-ꓕꓳ-ꓡꓲꓗ ꓔꓲꓺ ꓟ  Mary  Angelika ꓠꓬ 2022 ꓘꓳꓼ ꓕꓯ Guru Prathiba Prabha ꓡꓯꓼ ꓫꓴꓸꓹ ꓔꓯ ꓘꓳꓹ ꓣꓴ ꓟꓶ ꓡꓰꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓯꓼ ꓫꓴꓸꓹ ꓠꓬ Sri Lanka  ꓗꓴꓷꓼ ꓗꓪ ꓟ ꓢꓷꓸ ꓠꓲꓹ ꓢꓳ ꓙꓳ ꓗꓪ ꓐꓰ ꓖꓶ ꓟ ꓥ ꓡꓳ= ꓕꓱ ꓑꓮꓲ ꓔꓯ ꓠꓬ  ꓕꓲ ꓟꓲ ꓠꓯ ꓡꓱꓼ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓟꓸ ꓒ ꓟꓸ ꓟ ꓐꓴ ꓦꓬꓼ ꓠꓬꓲ ꓕꓯ ꓬꓰ_ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=ꓔꓲꓸꓸ ꓟ Mary  Angelika  ꓠꓬ ꓤ ꓠꓱ ꓐꓴ ꓢꓷꓸ ꓠꓲꓹ ꓢꓳ ꓙꓳ ꓗꓪ 22 ꓘꓳꓼ ꓗꓪ ꓛꓲ ꓟꓸ ꓟ ꓬꓰ ꓗꓷ ꓢꓲ꓾ ꓮ ꓟꓶ ꓠꓬ ꓟꓸ ꓟ ꓓꓽ ꓬꓰ ꓟ ꓠꓬ 7 ꓘꓳꓼ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓔꓲꓸꓸ ꓟ Mary  Angelika ꓠꓬ ꓝꓮꓲ ꓝꓸ ꓢꓲ ꓟꓸ ꓟ ꓓꓽ ꓟꓬꓱꓽ ꓔꓯ Jaffna ꓗꓪ ꓙꓳ ꓟ ꓢꓔꓸ ꓙꓳꓧꓠ ꓢꓳ ꓙꓳꓽ ꓗꓪ ꓟꓬꓱꓽ ꓟꓯ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=