Thai ꓖꓴ ꓪꓴꓸ ꓕꓲ ꓟꓵꓽ ꓗꓪ ꓟ: ꓙꓲ ꓟꓽ ꓫꓬꓹ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓶꓻ ꓡ ꓟ ꓓꓳꓽ

Thai ꓖꓴ ꓪꓴꓸ ꓕꓲ ꓟꓵꓽ ꓗꓪ ꓟ ꓙꓲ ꓟꓽ ꓫꓬꓹ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓶꓻ ꓡ ꓟ ꓓꓳꓽ

Tuesday, March 28, 2023

Thai ꓖꓴ ꓪꓴꓸ ꓕꓲ ꓟꓵꓽ ꓗꓪ ꓟ ꓙꓲ ꓟꓽ ꓫꓬꓹ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓶꓻ ꓡ ꓟ ꓓꓳꓽ
ꓮ ꓟꓰ 2023 ꓘꓳꓼ 3 ꓦ ꓟ 27 ꓠꓬꓲ ꓕꓯ Thai ꓗꓴꓷꓼ ꓫꓴꓸꓸ ꓗꓪ ꓟꓲꓽ ꓦꓲꓸꓹ ꓠꓶꓸꓹ ꓡ ꓟ ꓪꓴꓸ ꓠꓬꓲ ꓮ ꓟꓶ Thai ꓗꓴꓷꓼ ꓫꓴꓸꓸ ꓖꓴ ꓪꓴꓸ Chiang Main ꓐꓰ Chiang Rai ꓗꓪ Cancer ꓗꓷ ꓡ ꓠ ꓔ ꓟ ꓑꓟ 2ꓸ5 ꓟꓽ ꓙꓲ_ ꓟ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓠꓶꓸꓹ ꓮ ꓟꓬꓹ ꓙꓳ ꓡ ꓔꓬ ꓡꓳ ꓐꓰ ꓠꓯꓸꓸ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓟꓽ ꓙꓲ_ ꓟ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓠꓬ ꓡꓳꓹ ꓬꓰ ꓟ ꓠꓽ ꓫꓵꓽ ꓠꓬꓲ ꓕꓯ Thai ꓗꓴꓷꓼ ꓫꓴꓸꓸ ꓖꓴ ꓪꓴꓸ ꓗꓪ ꓛꓲ ꓡ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓠꓽ ꓡꓲ 24 ꓙꓵꓹ ꓘꓴꓽ ꓗꓪ ꓟꓽ ꓙꓲ_ ꓟ ꓟꓲꓽ ꓦꓲꓸꓹ ꓠꓬ ꓟꓽ ꓠ ꓠ ꓙꓱꓼ ꓔꓬ ꓡꓳ ꓐꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
Thai ꓗꓴꓷꓼ ꓐꓰ ꓜꓶꓽ ꓜꓶꓽ ꓗꓪ ꓙꓳ ꓟ ꓗꓴꓷꓼ ꓐꓰ ꓡꓳ ꓒꓱ ꓗꓪ ꓥ ꓟꓲ ꓮ ꓔꓳꓸ ꓛꓴ ꓡ ꓟ ꓑꓶ ꓓꓴ ꓖꓴ ꓪꓴꓸ ꓐꓰ ꓐꓶꓽ ꓓꓳ ꓕꓲ ꓛꓱ ꓗꓪ ꓮ ꓟꓶ ꓕꓲ ꓫꓵ ꓠ ꓬꓲ ꓘꓴꓽ ꓗꓪ ꓟꓽ ꓙꓲ_ ꓟ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓮ ꓟꓬꓹ ꓠꓶꓸꓹ ꓡ ꓓꓴ ꓥꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=