Waingmaw ꓗꓪ ꓕꓲ ꓠꓬꓲ ꓬꓲ ꓘꓴꓽ ꓗꓪ ꓟꓳ-ꓓꓳ ꓙꓵꓽ ꓡꓯꓼ ꓘꓳ, ꓟ 3 ꓖ ꓗꓪ ꓗꓷ ꓡꓰ ꓢꓲ ꓕꓲ ꓣꓳ ꓫꓵꓸꓹ 2 ꓣꓳ ꓠꓸꓹ ꓓꓴ ꓡꓰ ꓟ ꓓꓳꓽ

Tuesday, April 11, 2023

ꓗꓮꓚꓧꓲꓠ ꓗꓴꓷꓼ ꓫꓴꓸꓸ Waingmaw ꓡꓳ ꓒꓱ ꓗꓪ ꓮ ꓟꓰ ꓕꓯ ꓟꓳ-ꓓꓳ ꓙꓵꓽ ꓡꓯꓼ ꓘꓳ, ꓟ 3 ꓧꓶ. ꓗꓷ ꓡꓰ ꓢꓲ ꓤ ꓑ ꓤ ꓕꓲ ꓣꓳ ꓫꓵꓸꓹ 2 ꓣꓳ ꓠꓸꓹ ꓓꓴ ꓡꓰꓳ ꓐꓰ ꓢꓷꓸ ꓪ ꓡꓳ= ꓫꓵꓸꓹ ꓡꓰ ꓟ ꓤ ꓑ ꓤ ꓠꓬ 38 ꓘꓳꓼ ꓛꓲ ꓡꓳ; ꓟ Waingmaw ꓡꓳ ꓒꓱ ꓗꓪ ꓔꓬ ꓢꓴ ꓥ ꓡꓳ ꓐꓰ ꓐꓯ ꓡꓳ=

ꓟ ꓞꓲ Waingmaw ꓡꓳ ꓒꓱ ꓖ-ꓢ-ꓬ ꓞꓳ ꓘꓹ ꓗꓪ ꓥ ꓟꓲ ꓮ ꓟꓰ 2023 ꓘꓳꓼ 4 ꓦ ꓟ 10 ꓠꓬꓲ ꓕꓯ ꓟꓳ-ꓓꓳ 2 ꓖ ꓗꓪ ꓙꓵꓽ ꓡꓯꓼ ꓘꓳꓼ ꓡꓰ ꓟ ꓥ ꓢꓲ꓾ ꓤ ꓑ ꓤ ꓕꓲ ꓣꓳ ꓮ ꓘꓶꓸ ꓠꓸꓹ ꓓꓴ ꓡꓰꓳ ꓐꓰ ꓢꓷꓸ ꓪ ꓡꓳ= ꓖꓳ ꓗꓪ ꓠꓸꓹ ꓓꓴ ꓡꓰ ꓢꓴ ꓤ ꓑ ꓤ ꓠꓬ 40 ꓘꓳꓼ ꓛꓲ ꓡꓳ; ꓟ ꓥ ꓢꓲ꓾ꓖ-ꓢ-ꓬ ꓞꓳ ꓘꓹ ꓗꓪ ꓔꓬ ꓢꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ 2023 ꓘꓳꓼ 4 ꓦ ꓟ 8 ꓠꓬꓲ ꓕꓯ ꓥ ꓟꓲ Waingmaw ꓡꓳ ꓒꓱ ꓗꓪ ꓟꓳ-ꓓꓳ ꓙꓵꓽ ꓡꓯꓼ ꓘꓳ, ꓟ ꓑꓶ ꓓꓴ 57 ꓘꓳꓼ ꓛꓲ ꓡꓳ; ꓟ ꓤ ꓟꓶ ꓤ ꓕꓲ ꓣꓳ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=