Waingmaw ꓡꓳ ꓒꓱ ꓗꓪ ꓬꓲꓻ ꓙꓬ ꓞꓲ ꓤ ꓔꓬ ꓟ ꓤ ꓠꓱ ꓤ ꓠꓬꓲ ꓣꓳ ꓫꓵꓻ ꓡꓰ ꓟ ꓓꓳ:

Tuesday, May 16, 2023

Waingmaw ꓡꓳ ꓒꓱ ꓗꓪ ꓬꓲꓻ ꓙꓬ ꓞꓲ ꓤ ꓔꓬ ꓟ ꓤ ꓠꓱ ꓤ ꓠꓬꓲ ꓣꓳ ꓫꓵꓻ ꓡꓰ ꓟ ꓓꓳ: ꓡꓳꓹ ꓬꓰ ꓟ 2023 ꓘꓳꓼ 5 ꓦ ꓟ 12 ꓠꓬꓲ ꓟꓶ: ꓘꓶꓼ 1 ꓙꓵꓹ ꓕꓯ Waingmaw ꓡꓳ ꓒꓱ ꓗꓪ ꓬꓲꓻ ꓙꓬ ꓞꓲ ꓤ ꓔꓬ ꓟ ꓤ ꓠꓱ ꓤ ꓠꓬꓲ ꓣꓳ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ= 3 ꓣꓳ ꓬꓲꓻ ꓙꓬ ꓞꓲ ꓤ ꓔꓬ ꓟ ꓗꓪ ꓕꓲ ꓣꓳ ꓔꓯ ꓡꓰ ꓚꓬꓴ ꓙ ꓪ ꓡꓰ ꓢꓲ꓾ ꓫꓵꓻ ꓡꓰ ꓢꓴ 2 ꓣꓳ ꓫꓵꓻ ꓟꓳ ꓔꓯ ꓡꓯꓼ ꓫꓵ ꓧꓪ ꓔꓬ ꓡꓳ ꓐꓰ ꓙꓵ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=

ꓕꓱ ꓡꓱ ꓬꓲꓻ ꓙꓬ ꓔꓲꓹ ꓫꓵꓻ ꓡꓰ ꓢꓴ ꓐꓴ ꓠꓬ 10 ꓘꓳꓼ ꓛꓲ ꓡꓳꓼ ꓟ ꓤ ꓠꓱ ꓤ ꓐꓴ ꓥ ꓡꓳ ꓐꓰ ꓖꓳ ꓗꓪ ꓡꓳ. ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓡꓳꓹ ꓬꓰ ꓟ 4 ꓦ ꓟ 19 ꓠꓬꓲ ꓕꓯ ꓥ ꓟꓲ ꓟꓲ-ꓚꓲ-ꓠ ꓡꓳ ꓒꓱ Lal kone ꓞꓳ ꓘꓹ ꓗꓪ ꓞꓳ ꓡꓱ ꓤ ꓟꓶ ꓤ ꓕꓲ ꓣꓳ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=