ꓒ‐ꓘ ꓪꓰ. ꓑꓳ ꓧꓪ, ꓔꓲ. ꓗꓪ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓪꓰ. ꓧꓪ, ꓢꓴ ꓫꓵꓻ ꓡꓰ ꓢꓴ ꓙꓳˍ ꓟ ꓓꓳꓽ

ꓒ‐ꓘ ꓪꓰ. ꓑꓳ ꓧꓪ, ꓔꓲ. ꓗꓪ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓪꓰ. ꓧꓪ, ꓢꓴ ꓫꓵꓻ ꓡꓰ ꓢꓴ ꓙꓳˍ ꓟ ꓓꓳꓽ

10 ꓦ ꓟ 20 ꓠꓬꓲ 2023 ꓘꓳꓼ ꓟꓳ‐ꓡꓳ ꓠꓬꓲ ꓙꓵ, ꓕꓯ ꓒ‐ꓘ ꓡꓳ ꓒꓱ ꓡꓴ‐ꓘꓰ. ꓞꓳ ꓘ, ꓗꓪ ꓙꓳˍ ꓟ ꓪꓰ. ꓑꓳ ꓧꓪ, ꓔꓲ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓑꓳ ꓧꓪ, ꓢꓴ ꓫꓵꓻ ꓡꓰ ꓢꓴ ꓑ ꓫꓬ ꓙꓳˍ ꓟ ꓐꓰ ꓠꓻ ꓓꓴ ꓡꓰ ꓢꓴ ꓢꓽ ꓣꓳ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓟꓶꓻ ꓔꓬ ꓟ ꓪꓰ. ꓑꓳ ꓧꓪ, ꓢꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓒꓬꓱꓼ ꓬꓰ ꓟ ꓠꓬ ꓒ‐ꓘ ꓡꓳ ꓒꓱ ꓡꓴ‐ꓘꓰ ꓘ, ꓗꓪ ꓙꓳˍ ꓟ ꓪꓰ. ꓑꓳ ꓚꓴ. ꓔꓲ. ꓬꓲ ꓡꓴꓻ ꓗꓪ ꓪꓰ. ꓒꓳ, ꓧꓪ, ꓔꓬ ꓟ ꓙꓵ, ꓕꓯ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓪꓰ. ꓧꓪ, ꓢꓴ ꓐꓴ ꓫꓵꓻ ꓡꓰ ꓟ ꓐꓰ ꓠꓻ ꓓꓴ ꓡꓰ ꓢꓴ ꓝꓮꓲ ꓟꓶ ꓔꓬ ꓢꓴ ꓪꓰ. ꓧꓪ, ꓢꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓟ ꓦꓬꓼ ꓠꓬꓲ ꓕꓯ ꓪꓰ. ꓑꓳ ꓘꓴ ꓬꓲ ꓡꓴꓻ ꓠꓬ ꓝꓮꓲ ꓕꓲ ꓧꓪ, ꓡꓶꓽ ꓡ ꓟ ꓪꓴ. ꓠꓬꓲ ꓟꓶ ꓔꓬ ꓟ ꓪꓰ. ꓧꓪ ꓢꓴ ꓥꓪ ꓣꓳ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓪꓰ. ꓑꓳ ꓘꓴ ꓡꓶꓽ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓑ ꓫꓬ ꓐꓴ ꓫꓵꓻ ꓟꓳ ꓔꓯ ꓣꓴ ꓟꓽ ꓓꓽ ꓢꓴ ꓝꓮꓲ ꓙꓳˍ ꓢꓲ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓐꓯ ꓔ ꓟ ꓠꓬ ꓫꓵꓻ ꓡꓰ ꓢꓴ 5 ꓣꓳ ꓗꓪ ꓐꓰ 10 ꓣꓳ ꓛꓲ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓒ‐ꓘ ꓪꓰ. ꓑꓳ ꓧꓪ, ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ 10 ꓦ ꓟ 18 ꓠꓬꓲ ꓕꓯ ꓪꓰ. ꓧꓪ, ꓢꓴ ꓕꓲ ꓣꓳ ꓫꓵꓻ ꓡꓰ ꓟ ꓥ ꓡꓳ꓿ ꓝꓮꓲ 10 ꓦ 20 ꓠꓬꓲ ꓗꓪ ꓥ ꓟꓲ ꓪꓰ. ꓧꓪ, ꓢꓴ ꓫꓵꓻ ꓡꓰ ꓢꓴ ꓙꓳˍ ꓡꓳ ꓐꓰ (The 74 media) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿