ꓟꓯꓼ ꓘꓰ ꓟꓯꓼ ꓑꓬ ꓔꓬ ꓟ ꓐꓬꓱ ꓗꓪ ꓐꓰ ꓟꓲ ꓠꓯ ꓗꓪ ꓡ ꓞꓳ ꓮ ꓟꓬ, ꓢꓷ. ꓡꓰ ꓟꓯꓼ ꓘꓰ ꓮ‐ꓬ ꓟꓳꓽ (118) ꓠꓬ ꓢꓲꓺ ꓒ ꓠꓯ ꓗꓪ ꓬꓯꓼ ꓟꓶ ꓡꓰ ꓟ

ꓟꓯꓼ ꓘꓰ ꓟꓯꓼ ꓑꓬ ꓔꓬ ꓟ  ꓐꓬꓱ ꓗꓪ ꓐꓰ ꓟꓲ ꓠꓯ ꓗꓪ ꓡ ꓞꓳ ꓮ ꓟꓬ, ꓢꓷ. ꓡꓰ ꓟꓯꓼ ꓘꓰ ꓮ‐ꓬ ꓟꓳꓽ  (118) ꓠꓬ ꓢꓲꓺ ꓒ ꓠꓯ ꓗꓪ ꓬꓯꓼ ꓟꓶ ꓡꓰ ꓟ

1 ꓦ ꓟ 21 ꓠꓬꓲ 2024 ꓘꓳꓼ ꓕꓯꓬꓲ  ꓡꓲ.‐ꓑ ꓡꓰ ꓟꓯ ꓔ ꓢꓲ ꓠꓬꓲ ꓟꓯꓼ ꓘꓰꓼ ꓐꓬꓱ ꓗꓪ ꓐꓰ ꓡ ꓞꓳ ꓮ ꓟꓬ, ꓢꓷ. ꓡꓰ ꓟ ꓲꓠ‐ꓙ‐ꓬ ꓟꓵꓽ ꓗꓪ ꓐꓰ ꓟꓯꓼ ꓘꓰ ꓮ‐ꓬ‐ꓟꓳꓽ (118) ꓠꓬ 1 ꓦ ꓟ 20 ꓠꓬꓲ ꓟꓶꓼ ꓘꓶꓼ 11 ꓙꓵ, ꓗꓪ ꓢꓲꓺ ꓒ ꓠꓯ, ꓗꓪ ꓬꓯꓼ ꓟꓶ ꓡꓰꓳ ꓐꓰ ꓐꓯ ꓔ ꓡꓳ꓿

ꓟꓯꓼ ꓘꓰꓼ ꓮ‐ꓬ ꓟꓳ ꓠꓬ ꓞꓲꓼ ꓠꓲ, ꓠꓬ ꓧꓪ ꓖꓳꓽ ꓓꓱ ꓗꓪ ꓠꓻ ꓫꓵꓽ ꓙꓳ ꓡ ꓟ ꓑꓶ. ꓓꓴ ꓠꓻ ꓓꓴ ꓮ ꓟꓬ, ꓔꓳ ꓜꓳ ꓗꓷꓳ ꓐꓰ ꓐꓯ ꓔ ꓡꓳ꓿ ꓮ‐ꓬ ꓞꓳ ꓟꓳ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓢꓲꓽ ꓫꓬ ꓟ ꓬꓳ‐ꓢꓷ ꓟꓯꓼ ꓘꓰ ꓜꓴꓻ ꓐꓴ ꓔꓬ ꓔꓲ. ꓗꓪ ꓔꓬ ꓢꓲ ꓠꓬꓲ ꓧꓪꓽ ꓖꓳ ꓓꓱ ꓡꓺ ꓳ ꓬꓰ ꓟ ꓥ ꓡꓳ꓿

ꓮ‐ꓬ‐ꓟꓳ ꓬꓲ ꓟꓬꓱꓺ ꓠꓬ ꓢꓴ‐ꓠ‐ꓘꓳ‐ꓐꓴ ꓥ ꓡꓳ꓿ ꓬꓲ ꓠꓬ ꓞꓲꓼ (118) ꓘꓳꓼ ꓙꓳ ꓡꓰ ꓢꓴ ꓥ ꓡꓳ꓿ ꓮ‐ꓬ ꓟꓳ ꓡꓰ ꓬꓲ ꓢꓯ. ꓔꓬ ꓟ ꓙꓵ, ꓕꓯ ꓟꓯꓼ ꓘꓰ ꓢꓴ ꓐꓴ ꓔꓬ ꓟ ꓔꓲ ꓗꓪ ꓔꓬ ꓠꓲ, ꓟꓽ ꓫꓵˍ ꓟ ꓐꓰ ꓬꓲ ꓪ ꓞꓳ ꓘ, ꓗꓪ ꓡ ꓙꓰ ꓠꓲ, ꓫꓵˍ ꓟ ꓔꓯ ꓮ ꓕꓯ ꓥ ꓟꓲ ꓫ. ꓕꓱ ꓟ ꓚꓱ, ꓔꓯ ꓐꓯ ꓔ ꓟ ꓥ ꓡꓳ꓿

ꓮ‐ꓬ ꓟꓳ ꓠꓬ ꓗꓳ. ꓗꓷ ꓟ 2018 ꓘꓳꓼ ꓕꓯ ꓬꓲ ꓪ ꓔꓬ ꓟ ꓞꓳ ꓘ, ꓗꓪ ꓗꓪ ꓐꓰ ꓟꓯꓼ ꓘꓰ ꓢꓲ ꓠꓬꓲ ꓟꓲ‐ꓚꓲ‐ꓠ ꓑ‐ꓡ‐ꓠ ꓗꓪ ꓔꓬ ꓗꓷ ꓢꓴ ꓥ ꓡꓳ ꓐꓰ (The 74 Media )ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿