Putao ꓡꓳ ꓒꓱ ꓗꓪ ꓬꓲ ꓞꓲꓼ (13) ꓘꓳꓼ ꓙꓳˍ ꓟ ꓤ ꓠꓱ ꓤ (5) ꓣꓳ ꓟꓶꓽ ꓔꓬ ꓟ ꓓꓳꓽ

#rvalisu #Missing Chlildren #Putao #Kachin state
Thursday, January 11, 2024

Putao ꓡꓳ ꓒꓱ ꓗꓪ ꓬꓲ ꓞꓲꓼ (13) ꓘꓳꓼ ꓙꓳˍ ꓟ ꓤ ꓠꓱ ꓤ (5) ꓣꓳ ꓟꓶꓽ ꓔꓬ ꓟ ꓓꓳꓽ

1 ꓦ ꓟ 11 ꓠꓬꓲ 2023 ꓘꓳꓼ ꓕꓯ ꓑꓴꓔꓮꓳ ꓡꓳ ꓒꓱ ꓗꓪ ꓢ‐ꓖꓳ ꓞꓳ ꓘ, ꓗꓪ ꓔꓬ ꓟ ꓬꓲ ꓞꓲꓼ (13) ꓘꓳꓼ ꓙꓳˍ ꓟ ꓤ ꓠꓱ ꓤ (5) ꓣꓳ ꓟꓶꓽ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓠꓬ ꓗꓳ. ꓗꓷ ꓟ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓑꓴꓔꓮꓳ ꓡꓳ ꓒꓱ ꓗꓪ ꓶꓻ ꓤ ꓪꓴꓻ ꓠ, ꓟ ꓙꓰ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓦꓲꓻ ꓘꓴꓽ ꓗꓪ ꓠꓬꓲ. ꓠꓬꓲ ꓗꓪ ꓛꓲ ꓟꓽ ꓬꓯꓼ ꓡ ꓢꓰ ꓐꓰ ꓐꓯ ꓔ ꓡꓳ꓿

ꓟꓶꓽ ꓔꓬ ꓟ ꓤ ꓠꓱ ꓤ ꓐ, ꓐ ꓟ, ꓟ ꓐꓴ ꓡꓰ ꓐꓯ ꓔ ꓟ ꓠꓬ ꓗꓳ. ꓗꓷ ꓟ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓐꓰ ꓤ ꓠꓱ ꓤ ꓐꓴ ꓑꓴꓔꓮꓳ ꓡꓳ ꓒꓱ ꓗꓪ ꓙꓰ ꓗꓷ ꓢꓲ ꓠꓬꓲ ꓦꓲꓻ ꓗꓪ ꓟꓽ ꓡꓽ ꓡ ꓟ ꓠꓬ (5) ꓠꓬꓲ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓟꓶꓽ ꓔꓬ ꓟ ꓤ ꓠꓱ ꓤ ꓐꓴ ꓠꓯꓼ ꓗꓪ ꓬꓲ ꓞꓲꓼ (13) ꓘꓳꓼ ꓙꓳˍ ꓟ ꓤ ꓑ ꓤ (5) ꓣꓳ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓤ ꓠꓱ ꓤ ꓐꓴ ꓠꓯꓼ ꓗꓪ ꓫ. ꓕꓱ ꓙꓼ ꓕꓲ ꓢꓶꓽ ꓐ ꓡꓰ  ꓥ ꓟꓲ ꓬꓲ ꓪ ꓜꓴꓻ ꓔꓯ ꓙꓻ ꓡꓯ ꓘꓳ ꓓꓴ ꓟꓽ ꓓ ꓟ ꓪꓴ. ꓠꓬꓲ ꓐ, ꓐ ꓟ, ꓟ ꓐꓴ ꓮ ꓘꓶ. ꓠꓲ, ꓟ ꓫ. ꓔꓬ ꓡꓳ ꓐꓰ (GNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓰꓳ꓿ 

Add new comment

2 + 5 =

Quick Links