ꓔꓲꓸꓸ ꓒ ꓪ ꓔꓲ ꓠꓬ 9 ꓦ ꓕꓯ Kazakhstan ꓗꓪ ꓙꓰ ꓚꓳ ꓠꓹ ꓟ ꓓꓳꓽ

ꓔꓲꓸꓸ ꓒ ꓪ ꓔꓲ ꓠꓬ Kazakhstan ꓗꓪ 9 ꓦ 13 ꓠꓬꓲ ꓗꓪ ꓐꓰ 15 ꓠꓬꓲ ꓗꓪ ꓛꓲ ꓶ ꓓꓳꓽ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓥꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓐꓯ ꓑꓶ ꓔ ꓡꓳ=

Kazakhstan ꓗꓴꓷꓼ ꓙꓵꓽ ꓢꓲ ꓒꓽ ꓡꓰ ꓘꓴꓹ ꓟ ꓔꓯ ꓔꓲꓸꓸ ꓒ ꓪ ꓔꓲ ꓡꓰ ꓘꓳꓹ ꓣꓴ ꓢꓲ꓾ ꓟꓵꓽ ꓗꓳꓸ ꓓꓵ ꓓꓵ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓢꓲ ꓒꓽ ꓐꓴ ꓐꓰ ꓡ ꓞꓳ ꓐꓴ ꓦ ꓕꓲ ꓒꓳꓹ ꓪꓴꓽ ꓟꓴ ꓡ ꓚꓱꓹ ꓗꓪ ꓡꓲꓽ ꓒꓲꓼ ꓙꓵꓻ ꓠꓲꓹ ꓚꓱꓹ ꓗꓪ ꓐꓰ ꓔꓲꓺ ꓒ ꓪ ꓔꓲ ꓡꓰ ꓙꓰ ꓚꓳ ꓓꓴ ꓥꓳ=

Kazakhstan ꓗꓪ ꓠꓬ ꓟꓴ-ꓢ-ꓡꓲ ꓘꓴ ꓜꓲꓼ ꓞꓳ 70% ꓛꓲ ꓔꓬ ꓢꓲ꓾ ꓙꓲ-ꓢꓴ ꓢꓲ ꓤ ꓠꓬ 25% ꓔꓬ ꓟ ꓗꓪ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓠꓬ 1 % ꓡꓰ ꓔꓬ ꓟ ꓥꓳ=

Kazakhstan ꓗꓪ ꓓꓽ ꓪꓴꓸ ꓐꓰ ꓬꓲꓸ ꓟꓶ ꓕꓲ ꓧꓪꓹ ꓙꓰ ꓚꓳ ꓢꓴ ꓠꓬ ꓔꓲꓺ ꓒ ꓪ ꓔꓲ John Paul II ꓥ ꓢꓲ꓾ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵ ꓐꓯ_ ꓟ ꓗꓪ ꓐꓰ 2001 ꓘꓳꓼ ꓕꓯ ꓙꓰ ꓚꓳ ꓙꓰ ꓟ ꓥ ꓡꓳ=