ꓔꓲꓺ ꓒ ꓪ ꓔꓲ ꓠꓬ Cuba ꓗꓴꓷꓼ ꓙꓵꓽ ꓢꓲ ꓒꓽ Díaz-Canel Bermúdez ꓐꓰ ꓜꓲ ꓡꓯꓼ ꓘꓳ_ ꓟ꓾

ꓔꓲꓺ ꓒ ꓪ ꓔꓲ ꓠꓬ Cuba ꓗꓴꓷꓼ ꓙꓵꓽ ꓢꓲ ꓒꓽ Díaz-Canel Bermúdez ꓐꓰ ꓜꓲ ꓡꓯꓼ ꓘꓳ_ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓚꓴꓐꓮ ꓗꓴꓷꓼ ꓙꓵꓽ ꓢꓲ ꓒꓽ Díaz-Canel Bermúdez ꓐꓰ ꓦꓮꓔꓲꓚꓮꓠ ꓗꓪ 6 ꓦ 20 ꓠꓬꓲ ꓠꓯꓼ ꓠꓯꓼ ꓙꓵꓹ ꓕꓯ ꓜꓲ ꓡꓯꓼ ꓘꓳ ꓟ ꓥꓳ=

ꓬꓲꓸ ꓪ ꓫ ꓕꓱ ꓡꓯꓼ ꓘꓳ ꓟ ꓬꓲꓸ ꓕꓲ ꓟꓴ ꓗꓪ ꓐꓰ ꓧꓳꓡꓬ ꓢꓰꓰ ꓐꓰ ꓚꓴꓐꓮ ꓠꓬꓲ ꓗꓳꓸ ꓚ ꓙꓻ ꓡꓯ ꓘꓳ ꓟ ꓠꓬ ꓮ ꓘꓶꓸ ꓣꓳꓸ ꓚꓵ_ ꓟ ꓚꓱꓹ ꓐꓰ 1998 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓢꓔꓸ ꓙꓳꓧꓠ ꓑꓮꓴꓡ ꓲꓲ ꓬꓲꓸ ꓶꓼ ꓓꓳ ꓫꓱꓹ ꓓꓳ ꓚꓳ ꓙꓰ ꓟ 25 ꓘꓳꓼ ꓚꓵꓸ ꓟꓶ ꓓꓴ ꓔꓯ ꓬꓰ ꓖꓶ ꓟ꓾ ꓝꓮꓲ ꓶꓻ ꓡꓯꓼ ꓟꓬꓱꓽ ꓚꓱꓹ ꓐꓰ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓚꓵ ꓔꓴ ꓠꓹ ꓟ ꓢꓯꓼ ꓕꓵꓼ ꓠꓹ ꓟ ꓣꓳꓸ ꓚꓵ_ ꓟ ꓚꓱꓹ ꓙꓻ ꓡꓯ ꓘꓳ_ ꓟ ꓔꓯ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓑꓶ ꓔ ꓡꓳ=

ꓗꓴꓓꓼ ꓙꓵꓽ ꓢꓲ ꓒꓽ Díaz-Canel Bermúdez ꓠꓬ 6 ꓦ 20 ꓠꓬꓲ ꓗꓪ ꓐꓰ 24 ꓠꓬꓲ ꓗꓪ ꓛꓲ ꓴ-ꓣꓳ-ꓐ ꓗꓪ ꓙꓻ ꓫꓱꓽ ꓠꓹ ꓟ ꓐꓰ ꓲ-ꓔ-ꓡꓲ ꓗꓴꓷꓼ ꓙꓵꓽ ꓢꓲ ꓒꓽ Sergio Mattarella ꓐꓰ ꓜꓲ ꓠꓹ ꓟ ꓥꓳ=