Bangladesh ꓗꓪ ꓖꓪꓽ ꓓꓴ ꓐꓵ ꓞꓲꓽ ꓙꓲ ꓔꓲ ꓓꓽ ꓟ ꓮꓸ ꓔꓳꓸ ꓐꓬ ꓡꓰ ꓟ ꓓꓳꓽ

Thursday, April 06, 2023

Bangladesh ꓗꓪ ꓖꓪꓽ ꓓꓴ ꓐꓵ ꓞꓲꓽ ꓙꓲ ꓔꓲ ꓓꓽ ꓟ ꓮꓸ ꓔꓳꓸ ꓐꓬ ꓡꓰ ꓟ ꓓꓳꓽ

4 ꓦ 4 ꓠꓬꓲ ꓕꓯ Bangladesh ꓗꓴꓷꓼ Dhaka ꓡꓳ ꓒꓱ ꓗꓪ ꓖꓪꓽ ꓓꓴ ꓐꓵ ꓞꓲꓽ ꓙꓲ ꓔꓲ ꓓꓽ ꓟ ꓮꓸ ꓔꓳꓸ ꓐꓬ ꓡꓰ ꓟ ꓑꓶ ꓓꓴ ꓮꓸ ꓔꓳꓸ ꓢꓰꓼ ꓢꓴ 600 ꓣꓳ ꓛꓲ ꓡꓰ ꓮꓸ ꓔꓳꓸ ꓢꓰꓼ ꓠꓹ ꓟ ꓢꓯꓼ ꓕꓵꓼ ꓔꓬ ꓗꓷ ꓟ ꓥꓳ=

ꓕꓱ ꓮꓸ ꓔꓳꓸ ꓐꓬ ꓡꓰ ꓟ ꓗꓪ ꓐꓰ ꓮꓸ ꓔꓳꓸ ꓟꓵꓽ ꓘꓴꓽ ꓠꓬ ꓕꓲ ꓡꓳ ꓒꓱ ꓡꓱꓼ ꓟꓶꓸ ꓡꓰ ꓡꓳ ꓐꓰ ꓢꓷꓸ ꓪ ꓡꓳ=

ꓠꓻ ꓓꓴ ꓡꓰ ꓢꓴ ꓟꓽ ꓔꓬ ꓡꓳ ꓐꓰ ꓓꓳꓽ ꓢꓷꓸ ꓪ ꓥ ꓟꓲ Bongo Bazar ꓙꓲ ꓔꓲ ꓐꓰ ꓠꓱꓸ ꓐꓯꓼ ꓶ ꓡꓯꓼ ꓟꓬꓱꓽ ꓢ ꓔꓶꓸ ꓛꓲ ꓗꓪ ꓮꓸ ꓔꓳꓸ ꓐꓬ ꓡꓰ ꓟ ꓥꓳ꓾ ꓐꓰ ꓮꓸ ꓔꓳꓸ ꓢꓰꓼ ꓜꓴ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓙꓲ ꓔꓲ ꓡꓲꓸ ꓟ ꓗꓪ ꓐꓰ ꓓ-ꓗ ꓗꓪ ꓠꓬ ꓬꓲꓸ ꓪ ꓶ ꓤ ꓟꓬ ꓠꓬꓲ ꓛꓬꓹ ꓔ ꓟ ꓬꓲꓸ ꓔꓶꓸ ꓥ ꓡꓳ ꓐꓰ ꓙꓲ ꓔꓲ ꓪꓴꓽ ꓜ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ= Bongo Bazar ꓗꓪ ꓠꓬ 2019 ꓘꓳꓼ ꓗꓪ ꓐꓰ ꓮꓸ ꓔꓳꓸ ꓔꓯ ꓤ ꓟꓳ ꓠꓹ ꓟ ꓮ ꓕꓯ ꓥ ꓟꓲ ꓐꓯ ꓑꓶ ꓗꓷ ꓟ ꓥꓳ ꓐꓰ ꓢꓷꓸ ꓟ ꓡꓳ=