ꓧꓶꓽ ꓥꓪꓸ ꓣꓴ ꓡꓲ ꓕꓲ ꓟ ꓲ-ꓓꓲ-ꓬ ꓬꓲꓻ ꓡꓴ ꓐꓱ ꓗꓪ ꓗꓪꓼ ꓡꓰ ꓟ ꓓꓳꓽ

ꓧꓶꓽ ꓥꓪꓸ ꓣꓴ ꓡꓲ ꓕꓲ ꓟ ꓲ-ꓓꓲ-ꓬ ꓬꓲꓻ ꓡꓴ ꓐꓱ ꓗꓪ ꓗꓪꓼ ꓡꓰ ꓟ ꓓꓳꓽ

ꓧꓶꓽ ꓥꓪꓸ ꓣꓴ ꓡꓲ ꓕꓲ ꓟ ꓠꓬ ꓲ-ꓓꓲ-ꓬ ꓬꓲꓻ ꓡꓴ ꓐꓱ ꓘꓴꓽ ꓗꓪ ꓠꓽ ꓠꓬꓲ ꓠꓬꓲ ꓠꓯꓼ 3 ꓙꓵꓹ ꓛꓲ ꓕꓯ ꓗꓪꓼ ꓡꓰ ꓢꓲ꓾ ꓡꓲ ꓫꓵꓸ ꓢꓴ ꓐꓰ ꓟꓬꓱꓽ ꓬꓰ ꓢꓴ 39 ꓣꓳ ꓟꓶꓽ ꓡꓰꓳ ꓐꓰ ꓧꓶꓽ ꓗꓴꓷꓼ ꓓꓳꓽ ꓗꓪ ꓐꓯ ꓔ ꓡꓳ= ꓕꓱ ꓡꓲ ꓓꓽ ꓗꓪ ꓠꓬ ꓧꓶꓽ ꓟꓵꓽ ꓢꓴ 17 ꓣꓳ꓾ ꓲ-ꓓꓳ-ꓠꓲ-ꓫ ꓢꓴ 17 ꓣꓳ ꓐꓰ Philippine ꓢꓴ 5 ꓣꓳ ꓐ ꓢꓲ꓾ ꓬꓲ ꓪ ꓮ ꓙꓵ ꓟꓶꓽ ꓡꓰ ꓔꓬ ꓢꓰ ꓥꓳ ꓐꓰ ꓢꓷꓸ ꓪ ꓡꓳ= ꓮ ꓫꓵ ꓑꓶ ꓓꓴ ꓗꓪꓼ ꓡꓰ ꓟ ꓔꓯ ꓠꓬ ꓟꓽ ꓢꓷꓸ ꓔ ꓢꓰ ꓟ ꓥꓳ=

ꓧꓶꓽ ꓗꓴꓷꓼ ꓙꓵꓽ ꓢꓲ ꓒ ꓡꓰ ꓡ ꓟ ꓫꓵ ꓧꓪ ꓠꓹ ꓟ ꓐꓱ ꓶ ꓐꓯ ꓑꓶ ꓔ ꓡꓳ= Australia꓾ ꓲ-ꓓꓳ-ꓠꓲ-ꓫ꓾ ꓒꓲ-ꓡꓲ-ꓑꓲꓠꓰ ꓗꓴꓷꓼ ꓐꓴ ꓥ ꓟꓲ ꓟꓶꓽ ꓡꓰ ꓢꓴ ꓐꓴ ꓔꓯ ꓬꓰ ꓙ ꓧꓪ ꓙ ꓔꓬ ꓟ ꓥꓳ= ꓧꓪ ꓔꓬ ꓥ ꓟꓲ ꓟꓶꓽ ꓡꓰ ꓢꓴ ꓐꓴ ꓔꓯ ꓕꓲ ꓣꓳ ꓡꓰ ꓟꓽ ꓧꓪ ꓟꓶ ꓢꓰ ꓐꓰ ꓢꓷꓸ ꓪ ꓡꓳ=