ꓔꓲꓺ ꓒ ꓓꓽ ꓙꓳꓧꓠ ꓢꓮꓪ ꓬꓳ-ꓦ ꓔꓯ Keng Tung ꓢ-ꓢꓶ-ꓠ ꓗꓪ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓡꓰ ꓠꓲꓹ ꓡꓱ ꓡꓱ ꓐꓰ ꓘꓳꓹ ꓣꓴ_ ꓟ ꓓꓳꓽ

• ꓔꓲꓺ ꓒ ꓓꓽ ꓙꓳꓧꓠ ꓢꓮꓪ ꓬꓳ-ꓦ ꓔꓯ Keng Tung ꓢ-ꓢꓶ-ꓠ ꓗꓪ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓡꓰ ꓠꓲꓹ ꓡꓱ ꓡꓱ ꓐꓰ ꓘꓳꓹ ꓣꓴ_ ꓟ ꓓꓳꓽ

ꓔꓲꓺ ꓒ ꓓꓽ ꓙꓳꓧꓠ ꓬꓳ-ꓦ ꓠꓬ 2022 ꓘꓳꓼ 11 ꓦ 24 ꓠꓬꓲ ꓟꓶꓽ ꓘꓶꓼ 4 ꓙꓵꓹ 20 ꓦꓶ ꓕꓯ ꓗꓰꓠꓖ ꓔꓴꓠꓖ ꓗꓪ ꓛꓲ ꓬꓰ ꓟ ꓥꓳ= ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓡꓰ ꓗꓰꓠꓖ ꓔꓴꓠꓖ ꓪꓽ ꓘꓴ ꓦꓲꓻ ꓗꓪ ꓜꓲ ꓡ ꓟ ꓥꓳ=

ꓗꓰꓠꓖ ꓔꓴꓠꓖ ꓢ-ꓢꓶ-ꓠ ꓐꓱ ꓶ ꓬꓲ ꓤꓶꓻ ꓔꓯ ꓡꓯꓼ ꓛꓱ ꓦ ꓟ꓾ ꓬꓲꓸ ꓖ ꓫꓵꓼ ꓗꓪ ꓡ ꓟ ꓐꓰ ꓟꓽ ꓓꓵꓽ ꓙ ꓔꓬ ꓦꓲꓻ ꓗꓪ ꓡ ꓡ_ ꓪ ꓡꓰ ꓓꓵꓽ ꓡꓳ ꓐꓰ ꓔꓬ ꓖ ꓫꓸ ꓪ ꓔꓯ ꓥ ꓟꓲ ꓙ ꓜꓲꓼ ꓢꓲ꓾ ꓟꓬꓱꓽ ꓟꓯ ꓓꓴ ꓥꓳ ꓐꓰ ꓔꓲꓺ ꓒ ꓓꓽ ꓡꓰ ꓐꓯ ꓔ ꓡꓳ= ꓔꓲꓺ ꓒ ꓓꓽ ꓔꓯ ꓘꓳꓹ ꓣꓴ ꓡ ꓢꓴ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓥ ꓟꓲ ꓗꓹ ꓛꓲ ꓛꓲ ꓡꓰ ꓘꓳꓹ ꓣꓴ ꓡ ꓢꓲ꓾ ꓔꓲꓺ ꓒ ꓓꓽ ꓧꓪ ꓖꓳ ꓓꓱ ꓔꓬ ꓢ ꓢꓲ꓾ ꓢꓯꓼ ꓟꓬ ꓫꓵꓻ ꓡꓰ ꓝꓲ ꓐꓰ ꓪꓽ ꓘꓴ ꓘꓶꓽ ꓐꓰ ꓠꓲꓹ ꓡꓱ ꓡꓱ ꓘꓳꓹ ꓣꓴ ꓟ ꓥꓳ=

ꓔꓲꓺ ꓒ ꓓꓽ ꓙꓵꓽ ꓪ ꓡꓯꓼ ꓙꓱ_ ꓟ ꓑꓮꓲ ꓔꓯ 12 ꓦ 14 ꓠꓬꓲ ꓠꓯꓼ 8 ꓙꓵꓹ ꓕꓯ ꓬꓰ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=