ꓔꓲꓺ ꓒ ꓪ ꓔꓲ ꓠꓬ 11 ꓦ ꓕꓯ ꓬꓲꓸ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓬꓲꓸ ꓔꓬ ꓟꓵꓽ ꓗꓪ ꓙꓰ ꓠꓹ ꓟ ꓓꓳꓽ

• ꓔꓲꓺ ꓒ ꓪ ꓔꓲ ꓠꓬ 11 ꓦ ꓕꓯ ꓬꓲꓸ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓬꓲꓸ ꓔꓬ ꓟꓵꓽ ꓗꓪ ꓙꓰ ꓠꓹ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓠꓬ ꓬꓲꓸ ꓬꓲꓼ 90 ꓘꓳꓼ ꓐꓲ_ ꓟ ꓦꓵ ꓦꓬꓼ ꓠꓬꓲ ꓐꓱ ꓶ 11 ꓦ 19 ꓠꓬꓲ ꓗꓪ ꓐꓰ 20 ꓠꓬꓲ ꓗꓪ ꓛꓲ ꓲ-ꓔ-ꓡꓲ ꓖꓴ ꓪꓴꓸ ꓕꓲ ꓛꓱ Asti ꓡꓳ ꓒꓱ ꓗꓪ ꓙꓰ ꓚꓳ ꓓꓴ ꓥ ꓡꓳ=

ꓕꓱ ꓟ ꓓꓳꓽ ꓔꓯ ꓑ ꓙ ꓟ ꓪꓴꓸ ꓠꓬꓲ ꓮ ꓘꓶꓸ ꓗꓹ ꓛꓲ_ ꓡꓳ ꓐꓰ Asti ꓗꓪ ꓐꓰ ꓔꓲꓺ ꓒ ꓓꓽ Marco Prastaro ꓡꓰ ꓔꓲꓺ ꓒ ꓪ ꓔꓲ ꓕꓯ ꓠꓲꓹ ꓡꓱ ꓘꓳꓹ ꓣꓴ_ ꓡꓳ ꓐꓰ ꓐꓯ_ ꓡꓳ=

ꓔꓲꓺ ꓒ ꓪ ꓔꓲ ꓬꓲꓸ ꓬꓲꓼ ꓦꓵ ꓦꓬꓼ ꓠꓬꓲ ꓐꓱ ꓶ 11 ꓦ 19 ꓠꓬꓲ ꓟꓳꓼ ꓡꓳ ꓙꓵꓹ ꓕꓯ Asti ꓗꓪ ꓙꓰ ꓓꓴ ꓥ ꓟ ꓔꓯ Pontifical Household ꓗꓪ ꓐꓰ ꓠꓽ ꓢ ꓠꓬꓲ ꓕꓯ ꓐꓯ ꓑꓶ ꓔ ꓟ ꓥꓳ= ꓕꓱ ꓙꓰ ꓚꓳ_ ꓟ ꓠꓬꓲꓽ ꓠꓬꓲ ꓘꓴꓽ ꓗꓪ ꓬꓲ ꓕꓲ ꓦꓲꓻ ꓡ ꓞꓳ ꓮ ꓙꓵꓽ ꓢꓴ ꓐꓰ ꓬꓲꓸ ꓫꓳꓸ ꓫꓳ ꓜꓲ ꓠꓹ ꓟ ꓥ ꓡꓳ ꓐꓰ ꓐꓯ ꓑꓶ ꓕꓳ ꓗꓪ ꓐꓯ ꓔ ꓡꓳ=

11 ꓦ 20 ꓠꓬꓲ ꓠꓽ ꓫꓵꓽ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓠꓬ Asti ꓪꓽ ꓘꓴ ꓦꓲꓻ ꓗꓪ 11 ꓙꓵꓹ ꓕꓯ ꓟꓲ-ꓢ ꓪꓽ ꓘꓴ ꓛꓴ ꓔꓲ ꓖꓶ ꓢꓲ꓾ Argentina ꓗꓪ ꓚꓵꓸ ꓙꓰ ꓡꓰ ꓢꓴ ꓐꓴ ꓐꓰ ꓜꓲ ꓠꓹ ꓟ ꓥ ꓡꓳ=

ꓠꓽ ꓫꓵꓽ ꓠꓬꓲ ꓟꓳꓼ ꓡꓳ ꓙꓵꓹ ꓕꓯ Vatican ꓗꓪ ꓝꓮꓲ ꓡ ꓛꓲ ꓡ ꓟ ꓥꓳ=