ꓔꓲꓺ ꓒ ꓪ ꓔꓲ ꓠꓬ Kazakhstan ꓗꓴꓷꓼ ꓗꓪ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓓꓳꓽ

Tuesday, September 13, 2022

ꓔꓲꓺ ꓒ ꓪ ꓔꓲ ꓠꓬ Kazakhstan ꓗꓴꓷꓼ ꓗꓪ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓓꓳꓽ
ꓔꓲꓺ ꓒ ꓪ ꓔꓲ ꓠꓬ 38 ꓧꓪꓹ ꓟ ꓠꓱꓸ ꓐꓯꓼ ꓗꓴꓷꓼ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓟ Kazakhstan ꓗꓴꓷꓼ ꓗꓪ ꓙꓰ ꓠꓹ ꓟ ꓐꓱ ꓶ ꓠꓽ ꓕꓲ ꓠꓬꓲ ꓕꓯ ꓬꓲ ꓙꓰ ꓚꓳ ꓠꓹ ꓟ ꓚꓱꓹ ꓔꓯ ꓣꓳ-ꓟ ꓐꓮ-ꓡꓲ-ꓢ-ꓚꓮ ꓢꓲ-ꓫꓬ ꓟ ꓟ-ꓡꓲ ꓔꓯ ꓪꓽ ꓘꓴ ꓡꓯ ꓙꓱ ꓗꓷ ꓡꓳ=
ꓔꓲꓺ ꓒ ꓪ ꓔꓲ ꓠꓬ ꓠꓽ ꓠꓬꓲ ꓠꓬꓲ ꓠꓯꓼ ꓕꓯ ꓣꓳ-ꓟ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓳꓼ ꓡꓳ ꓕꓲ ꓙꓵꓹ ꓛꓲ ꓕꓯ Kazakhstan ꓗꓴꓷꓼ ꓗꓪ ꓛꓲ ꓬꓰ ꓠꓹ ꓟ ꓥꓳ=
ꓡꓲ ꓒꓲꓼ ꓚꓱꓹ ꓐꓰ ꓙꓵꓻ ꓠꓲꓹ ꓚꓱꓹ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓦꓲꓲ ꓧꓪꓹ ꓕꓲ ꓧꓪꓹ ꓟ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓮ-ꓢ ꓗꓴꓷꓼ ꓗꓪ ꓙꓰ ꓢꓲ ꓢꓯꓼ ꓖꓶ ꓠꓹ ꓟ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓐꓴ ꓔꓬ ꓟ ꓣꓳ_ ꓟ ꓗꓴꓷꓼ ꓗꓪ ꓥ ꓟꓲ ꓙꓰ ꓢꓲ ꓢꓯꓼ ꓖꓶ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=

ꓕꓱ ꓕꓲ ꓘꓳꓼ ꓖꓪ ꓙꓱ ꓜꓲꓼ ꓓꓴ ꓧꓳꓽ ꓪꓴꓸ ꓟꓴ ꓚꓱꓹ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓗꓴꓷꓼ ꓧꓳꓽꓪꓴꓸ ꓟꓴ ꓢꓴ ꓐꓴ ꓗꓪ ꓐꓰ ꓠꓻ ꓫꓵ ꓒꓬꓱꓼ ꓗꓷ ꓗꓸ ꓠꓯꓸ ꓟꓲ ꓠꓯ ꓡ ꓞꓳ ꓐꓴ ꓦ ꓕꓲ ꓒꓳꓹ ꓐꓰ ꓧꓪꓽ ꓖꓳ ꓓꓱ ꓕꓲ ꓒꓳꓹ ꓗꓪ ꓪꓴ ꓟꓴ ꓡ ꓠꓹ ꓟ ꓚꓱꓹ ꓥ ꓡꓳ= ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓠꓬ 9 ꓦ 13 ꓠꓬꓲ ꓗꓪ ꓐꓰ 15 ꓠꓬꓲ ꓗꓪ ꓛꓲ ꓥ ꓡꓳ=