ꓔꓲꓺ ꓒ ꓪ ꓔꓲ ꓡꓰ Congo ꓗꓪ ꓔꓬ ꓟ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ

Friday, February 03, 2023

ꓔꓲꓺ ꓒ ꓪ ꓔꓲ ꓡꓰ Congo ꓗꓪ ꓔꓬ ꓟ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ

ꓔꓲꓺ ꓒ ꓪ ꓔꓲ ꓡꓰ ꓚꓳꓠꓖꓳ ꓗꓪ ꓶꓽ ꓓꓳ ꓫꓱꓸ ꓓꓳ ꓙꓰ ꓚꓳ ꓟ 3 ꓠꓬꓲ ꓕꓲ ꓠꓬꓲ ꓕꓯ ꓘꓴ ꓜꓲꓼ ꓞꓳ ꓗꓪ ꓟ ꓞꓳ ꓡꓱ ꓤ ꓐꓴ ꓐꓰ ꓘꓴ ꓜꓲꓼ ꓞꓳ ꓟꓬꓱꓽ ꓟꓯ ꓢꓴ ꓐꓴ ꓐꓰ ꓜꓲ ꓡꓯꓼ ꓘꓳ ꓟ ꓥꓳ=

ꓠꓽ ꓡꓲ ꓠꓬꓲ ꓠꓯꓼ ꓙꓵꓹ ꓕꓯ Kinshasa ꓗꓪ ꓔꓬ ꓟ Martyr’s Stadium ꓗꓪ ꓜꓲ ꓡꓯꓼ ꓘꓳ ꓕꓯ Congo ꓞꓳ ꓡꓱ ꓤ ꓐꓴ ꓗꓪ ꓐꓰ ꓠꓲꓹ ꓡꓱ ꓡꓱ ꓘꓳꓹ ꓣꓴ ꓢꓲ꓾ ꓢꓯꓸ ꓒꓬꓱꓽ ꓔꓯ ꓟꓸ ꓖꓶ ꓡ ꓟ ꓔꓯ ꓫꓸ ꓟꓳ ꓐꓰ ꓐꓯ ꓔ ꓡꓳ=

ꓕꓱ ꓗꓪ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓣꓳ ꓡꓯꓽ ꓠꓬꓲ ꓕꓲ ꓟ ꓡꓲ ꓕꓲ ꓟꓽ ꓪ ꓟ ꓠꓬ ꓡ ꓠ_ ꓟ ꓦꓬ ꓠꓬꓲ ꓐꓱ ꓶ ꓣꓱ ꓬꓯꓼ_ ꓟ ꓣꓳꓸ ꓚꓵ_ ꓟ ꓚꓱꓹ ꓔꓯ ꓢꓯꓼ ꓖꓶ_ ꓡꓳ= ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓠꓬ ꓮ ꓘꓶꓸ ꓒꓵ_ ꓟ ꓒꓴ ꓫꓵꓺ ꓡꓰ ꓐꓰ ꓥ ꓟ ꓪꓴꓸ ꓠꓬꓲ ꓮ ꓡꓲ ꓕꓲ ꓣꓳ ꓐꓰ ꓪ_ ꓡꓳ ꓫꓵꓽ ꓡꓯꓽ ꓒꓯꓹ ꓐꓰ ꓟꓽ ꓙꓳ=

ꓣꓳ ꓡꓯꓽ ꓑꓼ ꓟꓻ ꓠꓬ ꓣꓳ ꓠꓲꓹ ꓟ ꓐꓰ ꓠꓶꓽ ꓞ ꓟ ꓥ ꓢꓲ ꓣꓳ ꓤꓶꓺ ꓗꓪ ꓢꓯꓼ ꓪ ꓖꓶ_ ꓟ ꓪꓽ ꓘꓴ ꓠꓹ ꓟ ꓔꓯ ꓥꓳꓽ ꓐꓰ ꓥ ꓡꓳ=

ꓣꓳ ꓡꓯꓽ ꓠꓬꓲꓺ ꓠꓬ ꓞꓳ ꓜꓴ꓾ ꓡꓯ ꓗꓳ ꓡꓳ ꓠꓬ ꓝꓴꓲ ꓣꓷꓠꓸ_ ꓟ꓾ ꓡꓯ ꓠꓬꓲ ꓤ ꓠꓬ ꓢꓯꓼ ꓐ_ ꓟ꓾ ꓢꓯꓼ ꓕꓵꓼ ꓪꓴꓽ ꓧꓶꓻ ꓓꓴ ꓐꓰ ꓡꓯ ꓠꓬꓲ ꓗꓶꓸ ꓔꓶꓸ ꓠꓬ ꓣꓱꓽ ꓙ_ ꓟ ꓥ ꓟ ꓔꓯ ꓓꓵꓽ ꓙ ꓢꓲ ꓟꓬ ꓠꓬꓲ ꓙꓲ_ ꓟ ꓤꓶꓻ ꓔꓯ ꓬꓰ ꓠꓹ ꓟ ꓢꓯꓼ ꓕꓵꓼ ꓠꓹ ꓟ Congo ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ ꓗꓷꓳ=