ꓖ‐ꓟꓶ‐ꓓꓰ ꓟꓵꓽ ꓗꓪ ꓐꓰ ꓶꓽ ꓤ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓐꓱ ꓶ ꓐꓵ ꓞꓶꓽ ꓒ ꓣꓱꓽ ꓞ, ꓔꓬ ꓟ ꓓꓳꓽ

ꓖ‐ꓟꓶ‐ꓓꓰ ꓟꓵꓽ ꓗꓪ ꓐꓰ ꓶꓽ ꓤ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓐꓱ ꓶ ꓐꓵ ꓞꓶꓽ ꓒ ꓣꓱꓽ ꓞ, ꓔꓬ ꓟ ꓓꓳꓽ

12 ꓦ ꓟ 6 ꓠꓬꓲ 2022 ꓘꓳꓼ ꓕꓯ ꓛꓲ ꓠꓲ, ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓖ‐ꓟꓶ‐ꓓꓰ Putao ꓡꓳ ꓒꓱ ꓗꓪ ꓐꓰ ꓶꓽ ꓤ ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓐꓱ ꓶ ꓐꓵ ꓞꓶꓽ ꓒ ꓮ ꓟꓬ, ꓣꓱ ꓞ, ꓔꓬ ꓡꓳ ꓐꓰ ꓬꓰ ꓙ ꓢꓴ ꓜꓴꓻ ꓐꓴ ꓡꓰ ꓐꓯ ꓔ ꓡꓳ꓿

12 ꓦ ꓘꓴꓽ ꓗꓪ ꓠꓬ ꓮ ꓘꓶ. ꓙꓬ ꓡ ꓟ ꓪꓴ.  ꓠꓬꓲ ꓤ ꓠꓱ ꓤ ꓐꓴ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓐꓱ ꓶ ꓐꓵ ꓞꓶꓽ ꓒ ꓮ ꓟꓬ, ꓣꓱꓽ ꓞ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓢꓴ ꓜꓴꓻ ꓡꓰ ꓑꓴꓔꓮꓳ ꓗꓪ ꓐꓰ ꓶꓽ ꓤ ꓗꓪ ꓙꓳˍ ꓟ ꓘ, ꓮ ꓟꓬ, ꓗꓪ ꓙꓰ ꓢꓲ ꓠꓬꓲ ꓬꓰ ꓙ ꓗꓷꓳ꓿

ꓖꓳ ꓡꓱ ꓥ ꓟꓲ ꓤ ꓠꓱ ꓤ ꓐꓴ ꓐꓱ ꓶ ꓐꓵ ꓞꓶꓽ ꓟꓽ ꓡꓳꓼ ꓢꓰꓽ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓢꓴ ꓜꓴꓻ ꓠꓬ ꓘ‐ꓡꓮꓠꓖ ꓘ, ꓐꓰ ꓠꓱ. ꓐꓯꓼ ꓞꓳ ꓘ, ꓮ ꓟꓬ, ꓗꓪ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓑꓴꓔꓮꓳ ꓟꓵꓽ ꓗꓪ ꓐꓰ ꓶꓽ ꓤ ꓗꓪ ꓙꓳˍ ꓟ ꓞꓳ ꓘ, 9 ꓘ, ꓗꓪ ꓐꓰ ꓑ ꓫꓬ (400) ꓣꓳ ꓠꓬ ꓐꓵ ꓞꓶꓽ ꓒ ꓣꓱꓽ ꓞ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓐꓵ ꓞꓶꓽ ꓒ ꓣꓱꓽ ꓞ, ꓔꓬ ꓟ ꓘ, ꓠꓬ ꓒꓴ‐ꓗ‐ꓣ‐ꓜꓲ ꓪꓽ ꓙꓳˍ ꓟ ꓟꓵꓽ ꓒ ꓕꓲ ꓗꓪ ꓙꓳˍ ꓟ ꓘ, ꓐꓰ ꓛꓽ ꓖꓳꓽ ꓟꓵꓽ ꓗꓪ ꓥ ꓡꓳ ꓐꓰ ꓐꓯ ꓔ ꓡꓳ꓿