ꓗ‐ꓛꓲ ꓗꓴꓷꓼ ꓫꓴꓻ ꓠꓳ‐ꓟꓳ ꓟꓵꓽ ꓗꓪ ꓙꓳ ꓟ ꓢꓳꓻ ꓤ ꓐꓴ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓠ, ꓟ ꓫ. ꓔꓬ ꓟ

ꓗ‐ꓛꓲ ꓗꓴꓷꓼ ꓫꓴꓻ ꓠꓳ‐ꓟꓳ ꓟꓵꓽ ꓗꓪ ꓙꓳ ꓟ ꓢꓳꓻ ꓤ ꓐꓴ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓠ, ꓟ ꓫ. ꓔꓬ ꓟ

10 ꓦ ꓟ 24 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓠꓳ‐ꓟꓳ ꓟꓵꓽ ꓗꓪ ꓔꓬ ꓟ ꓙꓳ ꓟ ꓢꓳꓻ ꓤ ꓐꓴ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓳ‐ꓟꓳ ꓟꓵꓽ ꓗꓪ ꓠꓬ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓒꓴ ꓖꓶ ꓔ ꓟ ꓙꓳ ꓦꓲꓻ ꓢꓳꓻ ꓦꓲꓻ ꓗꓪ ꓡꓰ ꓟꓲ ꓠꓯ ꓢꓷ. ꓠꓲ, ꓔꓯ ꓢꓳꓻ ꓣꓴ ꓪ ꓟ ꓓ ꓥ ꓡꓳ ꓠꓱ. ꓐꓯꓼ ꓜꓴꓻ ꓗꓪ ꓐꓰ ꓒꓴ ꓔ ꓟ ꓤꓶꓻ ꓐꓱ ꓶ ꓪꓴꓽ ꓟꓴ ꓡ ꓚꓱ, ꓢꓷ. ꓠꓲ, ꓔꓯ ꓢꓳꓻ ꓣꓴ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓒꓴ ꓔ ꓟ ꓙꓳ ꓦꓲꓻ ꓢꓳꓻ ꓦꓲꓻ ꓗꓪ ꓥ ꓟ ꓟ. ꓒ ꓟ. ꓟ ꓐꓴ ꓟꓽ ꓡꓳꓼ ꓟ ꓪꓴ. ꓠꓬꓲ ꓞꓳ ꓘ, ꓗꓪ ꓐꓰ (10) ꓔ ꓧꓪ, ꓡꓰ ꓢꓴ ꓐꓴ ꓔꓯ ꓕꓳ ꓶ ꓟ. ꓠ, ꓟ ꓬꓰ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓙꓳ ꓟ ꓐꓴ ꓕꓳ ꓶ ꓢꓳꓻ ꓪ ꓠ, ꓟ ꓮ ꓘꓶ. ꓫ. ꓔ ꓡꓳ ꓮ ꓫ. ꓪꓴ. ꓠꓬꓲ ꓥ ꓐꓯ ꓠꓬ ꓜ ꓒꓴ ꓒꓵꓽ ꓠꓬ ꓕꓲ ꓠꓬꓲ. ꓡꓰ ꓕꓲ ꓠꓬꓲ ꓮ ꓓꓯ ꓡ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓢꓷ. ꓠꓲ, ꓢꓳꓻ ꓢꓴ ꓐꓴ ꓐ, ꓐ ꓟ, ꓟ ꓟꓬꓱꓽ ꓬꓰ ꓔꓲ ꓗꓪ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓤ ꓠꓱ ꓤ ꓕꓲ ꓐꓱ ꓠꓬ ꓬꓯꓼ ꓡ ꓟ ꓜ ꓫꓵꓽ ꓓꓳꓻ ꓫꓵꓽ ꓔꓯ ꓜ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓳ‐ꓟꓳ ꓟꓵꓽ ꓗꓪ ꓠꓬ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓶ ꓤ ꓗꓪ ꓙꓳ ꓟ ꓟꓵꓽ ꓥ ꓡꓳ꓿