ꓟꓬ‐ꓟ ꓗꓴꓷꓼ ꓗꓪ ꓪꓴꓽ ꓑꓬ ꓘꓴ. ꓕꓲ ꓘꓴ. ꓠꓬ (4000) ꓒꓯꓼ ꓐꓰ ꓮ ꓭ. ꓩꓴꓻ ꓕꓲ ꓩꓴꓻ (300) ꓒꓯꓼ ꓙꓳˍ ꓡꓰ ꓟ ꓓꓳꓽ

Monday, April 17, 2023

ꓟꓬ‐ꓟ ꓗꓴꓷꓼ ꓗꓪ ꓪꓴꓽ ꓑꓬ ꓘꓴ. ꓕꓲ ꓘꓴ. ꓠꓬ (4000) ꓒꓯꓼ ꓐꓰ ꓮ ꓭ. ꓩꓴꓻ ꓕꓲ ꓩꓴꓻ (300) ꓒꓯꓼ ꓙꓳˍ ꓡꓰ ꓟ ꓓꓳꓽ

4 ꓦ ꓟ 17 ꓠꓬꓲ 2023 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗꓪ ꓪꓴꓽ ꓑꓬ ꓘꓴ. ꓕꓲ ꓘꓴ. ꓒꓵꓽ ꓠꓬ (4000) ꓒꓯꓼ ꓙꓳ ꓡꓰ ꓢꓲ ꓠꓬꓲ ꓮ ꓭ. ꓩꓴꓻ ꓕꓲ ꓩꓴꓻ ꓒꓵꓽ ꓠꓬ (300) ꓒꓯꓼ ꓙꓳˍ ꓡꓰ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓱ ꓫꓵꓽ ꓣꓱ ꓙꓵꓽ ꓮ ꓟꓬ, ꓠꓬ ꓬꓲ. ꓒꓵꓽ ꓮ ꓘꓶ. ꓓꓯꓻ ꓙꓰꓳ꓿ ꓶꓽ ꓤ ꓒꓵꓽ ꓓꓯꓺ ꓡ ꓟ ꓠꓬ 2023 ꓘꓳꓼ ꓗꓪ ꓐꓰ ꓠꓬꓲ. ꓠꓬꓲ 4 ꓦ ꓗꓪ ꓛꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓓꓯꓻ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓶꓻ ꓤꓼ ꓒꓵꓽ ꓮ ꓘꓶ. ꓓꓯꓻ ꓔꓬ ꓟ ꓠꓬ ꓟꓳ‐ꓓꓳ ꓧꓪꓽ ꓞꓶꓻ ꓒꓵꓽ ꓐꓰ ꓙ ꓖꓴꓻ ꓟꓽ ꓙꓲꓻ ꓟ ꓪꓴ. ꓠꓬꓲ ꓶꓻ ꓤꓼ ꓒꓵꓽ ꓓꓯꓻ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓗꓴꓷꓼ ꓫꓵꓽ ꓪꓴꓽ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓶꓻ ꓤꓼ ꓒꓵꓽ ꓮ ꓘꓶ. ꓓꓯꓻ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓐꓰ ꓔꓬ ꓖꓴ ꓬꓲ. ꓔꓶ. ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿