ꓖꓴ ꓟꓶꓸ Korea ꓗꓪ Halloween ꓑꓮꓲ ꓗꓪ ꓞꓳ ꓤ ꓮ ꓟꓬꓹ ꓫꓵꓻ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓠꓲꓹ ꓟ ꓫꓸ ꓙ ꓔꓬ ꓢꓲ ꓪꓽ ꓘꓴ ꓙ ꓔꓬ ꓟ ꓓꓳꓽ

• ꓖꓴ ꓟꓶꓸ Korea ꓗꓪ Halloween ꓑꓮꓲ ꓗꓪ ꓞꓳ ꓤ ꓮ ꓟꓬꓹ ꓫꓵꓻ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓠꓲꓹ ꓟ ꓫꓸ ꓙ ꓔꓬ ꓢꓲ ꓪꓽ ꓘꓴ ꓙ ꓔꓬ ꓟ ꓓꓳꓽ

10 ꓦ 29 ꓠꓬꓲ ꓕꓯ ꓖꓴ ꓟꓶꓸ ꓗꓳꓣꓰꓮ ꓗꓪ Halloween ꓑꓮꓲ ꓗꓪ ꓞꓳ ꓤ 150 ꓣꓳ ꓛꓲ ꓫꓵꓻ ꓡꓰ ꓟ ꓑꓶ ꓓꓴ ꓔꓲꓺ ꓒ ꓪ ꓔꓲ ꓡꓰ ꓠꓲꓹ ꓟ ꓫꓸ ꓙ ꓔꓬ ꓢꓲ꓾ ꓪꓽ ꓘꓴ ꓙ ꓔꓬ ꓟ ꓐꓰ ꓔꓲꓺ ꓒ ꓓꓽ ꓐꓴ ꓡꓰ ꓮ ꓫꓵꓽ ꓑꓶ ꓓꓴ ꓫꓵꓻ ꓡꓰ ꓟ ꓔꓯ ꓧꓪ ꓢꓷꓸ ꓪ ꓠꓹ ꓟ ꓬꓲꓼ ꓐꓰ ꓐꓯ ꓔ ꓟ ꓥꓳ=

ꓗꓳꓣꓰꓮ ꓗꓴꓷꓼ Iteawon ꓗꓪ ꓬꓰ ꓗꓷ ꓟ Halloween ꓑꓮꓲ ꓗꓪ ꓡ ꓞꓳ ꓮ ꓟꓬꓹ ꓜꓲꓼ ꓡ ꓟ ꓑꓶ ꓓꓴ ꓟꓽ ꓥꓳ ꓡꓳꓸ ꓔ ꓟ ꓕꓱ ꓡꓱ ꓗꓷ ꓡꓰ ꓟ ꓠꓬ ꓖꓴ ꓟꓶꓸ ꓗꓳꓣꓰꓮ ꓐꓱ ꓶ ꓬꓲꓸ ꓘꓳꓼ ꓮ ꓟꓬꓹ ꓘꓴꓽ ꓗꓪ ꓞꓳ ꓤ ꓮ ꓟꓬꓹ ꓫꓵꓻ ꓓꓴ ꓗꓷ ꓡꓰ ꓟ ꓥꓳ=

American ꓗꓴꓷꓼ ꓙꓵꓽ ꓪꓴ ꓢꓴ Joe Biden ꓐꓰ ꓬꓲ ꓦꓲꓻ ꓢꓲ ꓟ ꓐꓴ ꓥ ꓟꓲ ꓫꓵꓻ ꓢꓴ ꓐꓴ ꓐꓱ ꓶ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓕꓲ ꓪꓼ ꓠꓲꓹ ꓟ ꓫꓸ ꓙ ꓔꓬ ꓡꓳ= ꓗꓳꓣꓰꓮ ꓑ ꓫꓬ ꓐꓴ ꓐꓰ ꓕꓲ ꓪꓼ ꓠꓲꓹ ꓟ ꓫꓸ ꓙ ꓔꓬ ꓢꓲ꓾ ꓠꓻ ꓓꓴ ꓡꓰ ꓢꓴ ꓐꓴ ꓮ ꓙꓵ ꓥ ꓟꓲ ꓮ ꓟꓲꓸ ꓓ ꓡꓰ ꓠꓹ ꓟ ꓐꓯ ꓔ ꓟ ꓥꓳ=

ꓖꓳ ꓟ ꓡꓰ ꓐꓰ ꓮ ꓟꓶ ꓓꓯ ꓡ ꓢꓴ Britain ꓗꓴꓷꓼ ꓢꓲꓽ ꓒꓽ ꓥ ꓟ ꓣꓲ-ꓫꓲ-ꓢꓴ-ꓠꓯꓼ ꓥ ꓟꓲ ꓕꓱ ꓡꓱ ꓗꓷ ꓡꓰ ꓟ ꓠꓬ ꓮ ꓘꓶꓸ ꓙꓳ ꓡꓰ ꓓꓴ ꓥ ꓢꓲ꓾ ꓥꓪ ꓠꓴ ꓥ ꓟꓲ ꓗꓳꓣꓰꓮ ꓑ ꓫꓬ ꓐꓴ ꓐꓰ ꓕꓲ ꓪꓼ ꓔꓬ ꓡꓳ ꓐꓰ twitter account ꓗꓪ ꓐꓳ ꓔ ꓟ ꓥꓳ=

ꓕꓱ ꓡꓱ ꓙꓳ ꓡꓰ ꓓꓴ ꓗꓷ ꓡꓰ ꓟ ꓔꓯ ꓙꓮꓑꓮꓠ꓾ ꓝꓣꓮꓠꓚꓰ꓾ ꓢꓲꓠꓖꓮꓑꓳꓣꓰ ꓐꓰ ꓟꓵꓽ ꓗꓳꓸ ꓓꓵ ꓓꓵ ꓗꓴꓷꓼ ꓮ ꓟꓬꓹ ꓗꓪ ꓐꓰ ꓪꓴꓸ ꓓꓵ ꓣꓱ ꓢꓴ ꓐꓴ ꓥ ꓟꓲ ꓠꓲꓹ ꓟ ꓫꓸ ꓙ ꓘꓶꓽ ꓐꓯ ꓔ ꓟ ꓙꓳ_ ꓟ ꓥꓳ=