ꓗ-ꓐꓳ-ꓓꓲ-ꓬ ꓗꓪ ꓐꓰ ꓤ ꓟꓶ ꓤ ꓠꓬꓲ ꓣꓳ ꓠꓬ ꓐꓴ-ꓓ ꓙꓵꓻ ꓠꓲꓹ ꓗꓪ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓒꓳꓹ ꓡ ꓢꓲ ꓗ-ꓕꓳ-ꓡꓲꓗ ꓔꓲꓺ ꓟ ꓙꓵꓽ ꓪ ꓘꓳꓹ ꓣꓴ ꓟꓶ_ ꓟ ꓓꓳꓽ

• ꓗ-ꓐꓳ-ꓓꓲ-ꓬ ꓗꓪ ꓐꓰ ꓤ ꓟꓶ ꓤ ꓠꓬꓲ ꓣꓳ ꓠꓬ ꓐꓴ-ꓓ ꓙꓵꓻ ꓠꓲꓹ ꓗꓪ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓒꓳꓹ ꓡ ꓢꓲ ꓗ-ꓕꓳ-ꓡꓲꓗ ꓔꓲꓺ ꓟ ꓙꓵꓽ ꓪ ꓘꓳꓹ ꓣꓴ ꓟꓶ_ ꓟ ꓓꓳꓽ

ꓬꓲꓸꓪ ꓠꓬꓲ ꓣꓳ ꓠꓬ ꓐꓴ-ꓓ ꓙꓵꓻ ꓠꓲꓹ ꓗꓪ ꓐꓰ ꓪꓴ ꓟꓴ ꓡ ꓢꓴ ꓥ ꓡꓳ= ꓗꓸ ꓠꓯꓸ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓒꓳꓹ ꓡ ꓢꓲ ꓡꓳꓹ ꓬꓰ ꓟ 9 ꓦ 14 ꓠꓬꓲ ꓕꓯ ꓗ-ꓕꓳ-ꓡꓲꓗ ꓔꓲꓺ ꓟ ꓙꓵꓽ ꓪ ꓘꓳꓹ ꓣꓴ ꓟꓶ ꓡꓰꓳ=

ꓬꓲ ꓪ ꓠꓬꓲ ꓣꓳ ꓠꓬ Clara Sreylay Dot ꓐꓰ Clare Kanha Khean ꓐꓴ ꓥ ꓢꓲ꓾ Kampong Cham ꓗꓴꓷꓼ ꓫꓴꓺ ꓓꓽ Koh Raka Krao ꓗꓪ ꓐꓰ ꓥ ꓡꓳ= ꓬꓲ ꓪ ꓠꓬꓲ ꓣꓳ ꓠꓬ Kampong Cham ꓗꓪ ꓐꓰ the Lovers of the Holy Cross ꓔꓲꓺ ꓟ ꓜꓴ ꓒꓬꓱꓼ ꓡ ꓟ ꓥꓳ=

ꓔꓲꓺ ꓟ ꓜꓴ ꓗꓪ ꓐꓰ ꓙꓵꓽ ꓪꓴꓽ ꓢꓴ ꓔꓲꓺ ꓟ Sangwat ANG ꓡꓰ ꓔꓲꓺ ꓟ ꓠꓬꓲ ꓣꓳ ꓔꓯ ꓔꓲꓺ ꓟ ꓤꓶꓻ ꓗꓪ ꓐꓰ ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ꓾ ꓬꓲꓸ ꓜꓴ ꓐꓰ ꓔꓬ ꓗꓴꓸ ꓠꓹ ꓟ ꓟꓬ ꓠꓬꓲ ꓙꓻ ꓜꓲꓼ ꓠꓹ ꓟ ꓐꓱ ꓶ ꓙ ꓖꓶ ꓠꓹ ꓟ꓾ ꓔꓲꓺ ꓟ ꓤꓶꓻ ꓠꓬ ꓘꓷ ꓡꓶꓽ ꓓꓴ ꓮ ꓟꓬꓹ ꓙꓳ ꓥ ꓟꓲ ꓔꓱ ꓔꓱ_ ꓐꓰ ꓙꓻ ꓫꓱꓽ ꓠꓹ ꓟ ꓢꓯꓼ ꓖꓶ_ ꓟ꓾ ꓪꓴ-ꓢ ꓐꓰ ꓕꓱ ꓡꓱ ꓠꓬꓲ ꓗꓳꓸ ꓚ ꓗꓪ ꓕꓲ ꓠꓲꓹ ꓕꓲ ꓪꓼ ꓗꓷ ꓡꓰ ꓠꓹ ꓟ ꓥ ꓡꓳ ꓐꓰ ꓢꓯꓼ ꓖꓶ ꓟ ꓥꓳ=

ꓕꓱ ꓔꓲꓺ ꓟ ꓜꓴ ꓐꓴ ꓙꓺ ꓫꓱꓽ_ ꓟ ꓠꓬ ꓪꓴ-ꓢ ꓶ ꓓꓳ ꓫꓱꓸ ꓓꓳ ꓔꓯ ꓚ ꓒꓬꓱꓽ ꓠꓹ ꓟ꓾ ꓔꓱ_ ꓟ ꓙꓵꓻ ꓠꓲꓹ ꓐꓰ ꓢꓯꓸ ꓔꓬ ꓟ꓾ ꓘꓴ-ꓜꓲꓼ ꓞꓳ ꓘꓴꓽ ꓣꓱꓽ ꓬꓯꓼ_ ꓟ ꓬꓲꓸ ꓖ ꓗꓪ ꓟꓬꓱꓽ ꓬꓰ_ ꓟ ꓥ ꓡꓳ=